Hlátur, grátur og Grikkir

Hækkanir á hlutabréfamörkuðum kættu marga í gær. Undir lok viðskiptadags í Bandaríkjunum bárust fréttir af Grikkjum sem hélt aftur af kátínu markaðarins. Frétt í Financial Times sagði að björgun Grikklands kostaði ekki lengur 109 milljarða evra, eins og áætlað var í sumar, heldur 172 milljarða og færi hækkandi. Sumum fannst þetta fyndið.

Eftir nokkrar mínútur opna hlutabréfamarkaðir í Evrópu og líkegt er að mönnum verði meira grátur en hlátur í huga. Þýski fjármálaráðherrann segir ekki koma til greina að stækka björgunarsjóðinn með lántökum og ýmis evru-ríki sem lána í sjóðinn vilja að fjárfestar taki á sig auknar afskriftir vegna Grikkja.

Grikkir, aftur á móti, geta hótað á móti að fái þeir ekki næstu greiðslu úr björgunarsjóðnum muni þeir lýsa yfir gjaldþroti. Þar með riðar allt evruland til falls.

Ótrúlegur dagur að baki

Athugasemdir

[Haraldur Baldursson, 28.9.2011 kl. 08:06]

Orðræðan er kolröng. Björgun Grikklands er ekki intakið, heldur björgun bankanna sem lánuðu grikkjum.

Á meðan orðræðan heldur áfram með "björgun Grikklands". sem frasa, er stutt við bjögun og skipulagða stjórnun á almenningsáliti.

Ég hvet eindregið til þess að við þurrkum móðuna af gleraugunum.

[Jón Jón Jónsson (IP-tala skráð) 28.9.2011 kl. 13:17]

Hárrétt hjá þér Haraldur;  spillt stjórnmálaelíta á fullu gasi að fóðra hrægammana.  Þurrkum gasið af gleraugunum:

Alveg nákvæmlega sama skjaldborgar-aðferð og Jóhanna og Steingrímur hafa beitt.