Alþýðuforsetinn gegn Icesave-flokknum

Stuðningur Sjálfstæðisflokksins við ríkisstjórnina í Icesave-málinu einfaldar pólitískt stöðumat Ólafs Ragnars Grímssonar. Í byrjun árs 2010 ákvað Ólafur Ragnar Grímsson að verða alþýðuforseti, hlýða kalli almennings um þjóðaratkvæðagreiðslu um þáverandi Icesave-samninga. Með því að neita þjóðinni um að greiða atkvæði um nýja útgáfu af Icesave-samningi er forsetinn að hverfa úr hlutverkinu sem aflaði honum vinsælda og trausts meðal almúgans.

Með því að Sjálfstæðisflokkurinn er kominn á band vinstriflokkanna stendur val forsetans um stóra Icesave-flokkinn á alþingi sem innan við tíu prósent þjóðarinnar treystir annars vegar og hins vegar tugþúsundum undirskrifta og afgerandi meirihluta þjóðarinnar sem óskar eftir því að fá tækifæri að kjósa um Icesave.

Alþýðuforsetinn stendur með þjóðinni.

„Forsetinn hlýtur að synja“

Athugasemdir

[Helga Kristjánsdóttir, 16.2.2011 kl. 19:29]

    Hverjum er þá að treysta?

[jonasgeir (IP-tala skráð) 16.2.2011 kl. 19:30]

Held einmitt að þetta sé rúsínan í pylsuendanum Páll og hef reyndar hugsað þetta sjálfur.

 Með því að segja nei aftur með fjölda undirskrifta á bak við sig er forsetinn ALLS EKKI að styðja stjórnarandstöðuna.

Eða í það minsta ekki Sjálfstæðisflokkinn.

Forsetans Ólafs á eftir að verða minnst í öllum framtíðarsögubókum þjóðarinnar!  

[hilmar jónsson, 16.2.2011 kl. 20:27]

Alþýðuforsetinn ? Þetta orðskrípi komandi úr þínum íhaldsmunni er slepjulegra en orð fái lýst . Maður brestur í óstöðvandi hlátur..

[Ragnhildur Kolka, 16.2.2011 kl. 20:45]

Þótt mér sé ekki sérlega ljúft að sammælast Hilmari, þá kemmst ég varla hjá því í þetta sinn. Ímynd Olafs Ragnars sem alþýðuforseta vekur velgju sem Pollýannan í mér fær ekki við ráðið.

Eigum við ekki bara að segja að þegar hagsmunir Ólafs fara saman með hagsmunum þjóðarinnar þá getur hann vel tekið að sér að vera alþýðuforseti.

Á því hangir von þjóðarinnar.

[Elín Sigurðardóttir (IP-tala skráð) 16.2.2011 kl. 20:54]

Með því að standa með þjóðinni stendur hann um leið með sjálfum sér og konunni sinni.

http://www.youtube.com/watch?v=QrNz0dZgqN8

[Karl (IP-tala skráð) 16.2.2011 kl. 21:05]

Forsetinn stendur ekki með þjóðinni.

Hann stendur með sjálfum sér og sjálfum sér einum.

Afstaða hans mun mótast af því hvort hann hyggst bjóða sig fram einu sinni enn.

Það er hrikaleg tilhugsun.

En hann er ábyggilega að íhuga það sem eykur líkur á að hann vísi Icesave aftur til þjóðarinnar.

Þvílíkt ástand!

[Gunnar Jónsson (IP-tala skráð) 16.2.2011 kl. 21:43]

Ég spái því að skrifi Ólafur undir verði hann jafn þýðingarmikill í Íslandssögukennslu í framtíðinni eins og Jón Sigurðsson er nú. Maðurinn er stórmenni og hann mun hafður í heiðri út um allan heim.

[Baldur Hermannsson, 16.2.2011 kl. 22:20]

Mér brá þegar ég las fyrirsögnina .... sá fyrir mér Ólaf Ragnar í gatslitnum gallabuxum og skítugum ermalausum bol, með bjórdollu í hendi og Arsenal - Barcelona á fullu í sjónvarpinu.