Bjarni Ben. höfundur nýrrar stjórnmálahreyfingar

Vísir að nýrri stjórnmálahreyfingu er að verða til í landinu. Hreyfingin sækir fylgi sitt í bókstafstrú á kosningaloforð pólitískra andstæðinga, einkum Bjarna Benediktssonar fjármálaráðherra.

Í stjórnmálahreyfingu kosningaloforða BB er skrautlegt lið með ólíkan bakgrunn. Margir reyndu fyrir sér í framboðum við síðustu þingkosningar og einnig eru þarna stjórnlagaráðsmenn sem reyndu í umboði vinstristjórnarinnar að kollvarpa stjórnskipun landsins. Samfylkingarfólk sem líður önn vegna stöðu flokksins (12,9%) er vitanlega fyrir á fleti, sem og VG-istar.

Andstaðan við Davíð Oddsson var frumkrafturinn að stofnun Samfylkingar. Bjarni Benediktsson er kominn á sama stall þegar bókstafstrú á orð hans hleypa af stokkunum nýrri stjórnmálahreyfingu.

 

Tvö þúsund manns á Austurvelli

Vígvæðing Evrópu

Rússar taka í notkun herstöð skammt frá  landamærum Finnlands til að sýna mátt sinn og megin. Finnland er ESB-ríki og frá Brussel er Rússum hótað vegna deilunnar um Úkraínu og Krímskaga.

Rússar sýna ESB-ríkjum vígtennurnar til að fæla þær frá stuðningi við þann hluta Úkraínumanna sem vilja fremur efla tengslin í vestur fremur en austur.

Ýfingar í Evrópu um þessar mundir eru reglulegur þáttur í sögu álfunnar. Evrópusambandið mun freista þess að byggja upp vígbúnað sinn enda er sambandið með heimild til þess í Lissabonsáttmálanum.

Opna herstöð nálægt Finnlandi

Aðgerðafréttamennsku RÚV verður að uppræta

RÚV tileinkar sér á seinni árum aðgerðafréttamennsku í þágu málstaðar sem stjórnendum fréttastofu er kær. Með sameiningu fréttastofu sjónvarps og útvarps var feikilegu valdi safnað í hendur yfirstjórnar fréttadeildar sem stans- og linnulaust gat hamrað á sama fréttamatinu í ótal fréttatímum.

Dæmi um skipulega misnotkun á RÚV er hvernig fréttastofu er beitt í þágu ESB-sinna. Mörg dæmi eru um skýra og skipulega misnotkun á RÚV. Heila helgi í ágúst sl. lét RÚV eins og þjóðaratkvæðagreiðsla um ESB-málið væri brýnasta viðfangsefni íslenskra stjórnmála. Í sex aðalfréttatímum í röð var þjóðaratkvæðagreiðsla um ESB-umsóknina aðalmálið. Í febrúar sl. bjó RÚV til frétt, já, RÚV laug upp frétt, um mikinn stuðning þjóðarinnar við upptöku evru.

Í síðustu viku hefur alþjóð mátt horfa upp á herferð RÚV í þágu stjórnarandstöðunnar og ESB-sinna til að klekkja á ríkisstjórninni. Þar er reynt að búa til ágreining milli ríkisstjórnarflokkanna og búinn til fréttasamsetningur í þágu tiltekins málstaða, jafnframt því sem þöggun var beitt á upplýsingar sem ekki þjónuðu málstaðnum.

Skefjalaus misnotkun á RÚV verður að linna. Nýr útvarpsstjóri getur ekki sópað undir teppið borðleggjandi dæmum um hvernig fréttastofa RÚV á ekki að starfa.

 

Jafnrétti gagnvart viðmælendum RÚV