Föstudagur, 21. mars 2014
Almenn skattlagning á ferðaþjónustuna
Skæruliðagjaldheimta á vafasömum forsendum á einstaka vinsæla ferðamannastaði gengur ekki. Almenn skattlagning, t.d. við komuna til landsins eða með gistináttaskatti, er eina raunhæfa leiðin til að fá tekjur til að standa undir síauknum ágangi ferðamanna.
Ferðaþjónustan verður að sætta sig við almenna skattlagningu enda fellur til verulegur kostnaður vegna ferðamanna.
Það endar í tómu rugli ef einstakir aðilar taka upp sértæka innheimtu, - sem þar fyrir utan er alls óvist að fari í að betrumbæta aðstöðuna fyrir ferðamenn.
Hafa hvatt fólk til að sniðganga verslun | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Föstudagur, 21. mars 2014
Úkraína í valdatafli ESB og Rússa
Evrópusambandið er stórveldi á útþensluskeiði og ætlar sér aukin áhrif í austurvegi. Þar mætir ESB hagsmunum Rússa, sem í meira en 200 ár kappkostar að eiga bandalagsþjóðir næst sér, ef ekki með góðu þá með illu.
Rússar urðu fyrir innrás Frakka í byrjun 19. aldar og Þjóðverja fyrir miðja síðustu öld. Þeir telja öryggishagsmunum sínum ógnað með ítökum Evrópusambandsins í nágrannaríkjum sínum.
Íslendingar á enga hagsmuni í Austur-Evrópu, aðra en þá almennu að okkur finnst huggulegra að þjóðir eigi með sér friðsamleg samskipti með ofbeldi. Stórveldahegðun ESB undirstrikar að Ísland á ekkert erindi í það bandalag.
ESB semur um samstarf við Úkraínu | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (9)
Föstudagur, 21. mars 2014
Óðinn með tök á fréttastofu RÚV
Undir stjórn Óðins Jónssonar skáldar RÚV fréttir í þágu ESB-áróðursins. Í sex aðalfréttatímum í röð var þjóðaratkvæðagreiðsla um ESB-umsóknina aðalmálið án þes að nokkur fagleg rök stæðu til þess. Fréttastofa RÚV reynir að búa til ágreining milli ríkisstjórnarflokkanna jafnframt því sem þöggun var beitt á upplýsingar sem ekki þjónuðu málstaðnum.
Óðinn ber ábyrgð á skipulegri misnotkun féttastofu RÚV. Ef nokkur von á að vera til þess að endurreisa tiltrú fréttastofunnar er Óðinn Jónsson ekki maðurinn til að leiða það starf.
Að fréttamenn RÚV skuli ,,lýsa fullu trausti" á fréttastjóra sem gerir út áróðursmiðstöð en ekki fréttadeild sýnir svart á hvítu þau tök sem Óðinn Jónsson hefur á fréttastofu RÚV.
Ótímabært að skipta um fréttastjóra | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (9)