Grindavík ekki Gasa

,,Á næstu 24 mánuðum gerir ríkissjóður ráð fyrir að kostnaður við hælisleitendakerfið muni verða 32 milljarðar króna," skrifar Sigurður Már Jónsson blaðamaður. Hann heldur áfram:

Á sama tíma og það er lagður sérstakur skattur á landsmenn vegna aðstoðar við Grindvíkinga, sem réttlættur er með því að annars aukist halli ríkissjóðs, er ríkissjóður skilinn eftir galopinn fyrir málaflokk hælisleitenda og flóttamanna.

Sigurður rekur skilmerkilega að valið standi á milli velferðarkerfis og aðstoðar við samlanda okkar annars vegar og hins vegar opinna landamæra. Sérkennilegir hlutir eru á ferðinni á bakvið tjöldin, eins og Sigurður rekur:

Þegar liðsmanni Ríkis íslams (ISIS) var vísað úr landi í janúar síðastliðnum kom í ljós að hann hafði búið í húsnæði sem Vinnumálastofnun hafði látið honum og stórri fjölskyldu hans í té í september síðastliðnum.

Á liðnu ári sóttu 4200 útlendingar eftir hæli hér á landi. Það eru 400 fleiri en allir íbúar Grindavíkur. Nú eru uppi kröfur um loftbrú milli Íslands og Egyptalands til að flytja hingað í stórum stíl múslíma í hælisleit. Þeir bætast við þá fimm þúsund sem koma annars staðar frá í leit að framfærslu íslenskra skattborgara.

Opin landamæri eru ávísun á endalok íslensks samfélags, eins og við þekkjum það.

Góða fólkið flytur inn hælismúslíma

Einkarekinn innflutningur á hælisleitendum stendur yfir frá Egyptalandi. Þrjár konur hafa tekið að sér að flytja til Íslands flugvélafarma af múslímskum hælisleitendum. Í nágrenni Egyptalands eru þrjú átakasvæði: Gasa-ströndin, Sýrland og Jemen. Milljónir múslíma eru til í að komast á beit hjá íslenskum skattgreiðendum. 

Góða fólkið segist bjarga börnum. Út á það gengur hælisiðnaðurinn. Þegar eitt barn er komið með hæli þarf það að fá foreldrana, ömmur og afa, frændur og skyldfólk. Í desember var sagt frá einum múslíma er fékk landvist. Í nafni fjölskyldusameiningar skyldi 21 venslamenni koma til Íslands. Góða fólkið stendur fyrir innflutningi ættbálka múslíma hingað til lands. Með tíu börnum kæmu 200 manns. Með 50 börnum þúsund manns. Það er heilt byggðarlag. 

Múslímar eru þekktir á vesturlöndum fyrir að aðlagast ekki vestrænum siðum og háttum. Tilfallandi bloggaði:

Ráðuneyti útlendinga í Danmörku heldur tölfræði um uppruna þeirra sem komast í kast við lögin og fá dóma. Samkvæmt tölfræðinni eru múslímar 2,5 til 3,5 sinnum líklegri til að stunda glæpi en Meðal-Daninn. Um tölfræðilega staðreynd þarf ekki að deila.

Margsannað er múslímar aðlagast seint og illa vestrænum samfélögum, sem veita þeim viðtöku. Trúarmenning múslíma er í meginatriðum önnur en vestræn veraldarhyggja með kristnar rætur. Jafnrétti kynjanna er íslam framandi hugmynd, svo dæmi sé tekið.

Önnur og þriðja kynslóð múslíma í Danmörku eru enn við sama heygarðshornið og fyrsta kynslóðin og bætir heldur í. Í skýrslu danskra yfirvalda heitir það:

Glæpatíðni afkomenda flóttamanna frá múslímalöndum [MENAPT-lönd] er enn hærri en hjá fyrstu kynslóðinni.

Ekki aðeins eru múslímar hneigðari til glæpa mann fram af manni. Ofbeldisglæpir framdir af múslímum eru hlutfallslega fjórum sinnum algengari en hjá öðrum þjóðfélagshópum.

Einkarekinn innflutningur á hælisleitendum mun ekki fegra eða bæta mannlíf á Fróni. Enda er leikurinn ekki til þess gerður. Þvert á móti.

Bjóðast til að aðstoða íslensk stjórnvöld

Tucker og Pútín, gamla vinstrið og nýja

Sjónvarpsmaðurinn Tucker Carlson staðfestir að hann fái viðtal við Pútín Rússlandsforseta. Það yrði fyrsta viðtal vestræns fjölmiðlamanns við Pútín frá upphafi Úkraínustríðsins fyrir tveim árum. 

Vinstrimenn froðufella vegna viðtalsins, segir í bandarískum spjallþætti. Vestræna vinstrið vill slaufa Pútín, í mesta lagi sýna hann sem óalandi og óferjandi. Alls ekki virða hann til viðtals. Fyrir sjö árum átti leikstjórinn Oliver Stone viðtal við Pútín og það þótti ekki vel gott. Núna er forseti Rússlands ótækur í betri stofur vinstrimanna. Raunsæir hægrimenn eru aftur ekki frábitnir að heyra sjónarmið Kremlarbónda.

Vinstrimenn á vesturlöndum urðu ekki and-rússneskir fyrr en um miðjan síðasta áratug. Á dögum kalda stríðsins var ekki um að ræða almenna andúð vinstrimanna á Sovétríkjunum. Kratavinstrið galt varhug en kommar sýndu meiri skilning, og lengi vel aðdáun. Eftir fall járntjaldsins breyttist það ekki. Hægfara vinstrimenn höfðu samúð með erfiðu umbreytingaskeiði Rússlands og gömlu kommarnir bættu jafnvel í elsku sína á öllu rússnesku.

En um miðjan síðasta áratug verður gjörbreyting á afstöðu vinstrimanna. Ekki er hægt að kenna um valdatöku Pútín. Hann varð forsætisráðherra 1999 og skömmu seinna forseti. Í 15 ár létu vestrænir vinstrimenn sér vel líka Pútín.

Tvennar kosningar á vesturlöndum um miðbik síðasta áratugar framkölluðu gjörbreytta afstöðu vinstrimanna. Sumarið 2016 kusu Bretar úrsögn úr Evrópusambandinu, Brexit. Haustið sama ár fær Trump kjör sem forseti Bandaríkjanna. Í báðum tilvikum sveið vinstrimönnum sárt enda breyttist draumsýn í martröð á sex mánuðum. Alþjóðahyggjan, sem Sovétríkin stóðu fyrir, hafði fengið heimilisfestu í Brussel. Brexit og Trump eyðilögðu hugsjónina um vinstrikapítlískt alþjóðasamfélag.

Eftir kalda stríðið varð til óformlegt bandalag vinstrimanna og kapítalista, einkum nýríkra úr tölvu- og upplýsingatæknigeiranum. Helmingaskiptin gengu út á að vinstrimenn fengu menninguna en hægrimenn viðskiptin. Vinstrimenning er mjög hinsegin, eins og alþjóð þekkir; mörg kyn og frjálst valhopp úr einu í annað mannréttindi. Karl fyrir hádegi, kella síðdegis og sjötta kynið á morgun. Hægrimenn fengu í staðinn frjáls viðskipti. TTIP-fríverslunarsamningurinn milli Bandaríkjanna og Evrópusambandsins átti að verða gimsteinninn í krúnunni. Allt fór það í hundana með kjöri Trump, sem í ofanálag vill ekki transa börn. Helgispjöll að mati vinstrimanna.  

Einhverjum varð að kenna um brostnar vonir og töpuð helmingaskipti. Vinstri- og frjálslyndum hægrimönnum var lífsins ómögulegt að skilja að almenningi fannst lítið til koma vinstrikapítalíska alþjóðaríkisins. Pútín var kennt um kosningaúrslitin beggja vegna Atlantsála. Allt kjörtímabil Trump 2017-2021 stóð yfir linnulaus áróður um að hann væri strengjabrúða Pútín. Varla voru kosningar haldnar í Vestur-Evrópu án þess að sá rússneski kæmi nærri, sögðu léttgeggjaðir vinstrimenn og fjölmiðlar þeirra.

Einhverjir myndu vilja bæta Úkraínudeilunni við sem ásteytingarsteini, ekki síst frá Krímtökunni 2014. En það er langsótt. Úkraína var hvorki hjartfólgin vinstri- né hægrimönnum fyrr en landið þótti þénugt til að berja á Pútín og Rússum.

Ferðalag vinstrimanna frá vinsemd í garð Rússa yfir í stækt hatur hefur minnst með Pútín og Rússland að gera. Vinstrimenn einfaldlega gengu af göflunum. Þeir sukku ofan í kynræn kjánapriksfræði annars vegar og hins vegar fíflagang um loftslagsvá. Völdu sér þar sem fyrirmynd aríska stúlku með fléttur, rétt eins og fylgismenn Dolla á þriðja áratug síðustu aldar. Siðblinda, sjálfselska og machiavellismi í einum hrærigraut. Eins og Karl gamli Marx sagði, sagan endurtekur sig, fyrst í búningi harmleiks síðan fáránleika.

Viðtal Tucker við Pútín verður fróðlegt. 

 

Íslensk blaðamennska í gíslingu 5 sakborninga

Í gær var neyðarfundur Blaðamannafélags Íslands. Formaðurinn, Sigríður Dögg, sjálf löskuð vegna skattsvika, berst fyrir hagsmunum vafagemsa í eigin röðum.  Tilkynnt var um ,,vitundarherferð um mikilvægi blaðamennsku." Markmiðið er að sannfæra almenning um að allt sé með felldu í íslenskri blaðamennsku. En það er öðru nær. Í raun ætti framtakið að heita ,,vitundarherferð til stuðnings grunuðum um glæpi."

Íslensk blaðamennska er gíslingu fimm blaðamanna á RÚV og Heimildinni sem grunaðir eru um glæpi í byrlunar- og símastuldsmálinu. Páli skipstjóra Steingrímssyni var byrlað 3. maí 2021 og síma hans stolið. Tilgangurinn var að komast í gögn Páls, sem er starfsmaður Samherja. Það gekk eftir. Efni úr síma skipstjórans birtist á sama klukkutímanum 21. maí 2021 í Stundinni og Kjarnanum, sem nú heita Heimildin. Sími skipstjórans var afritaður á RÚV. Allt bendir til að um þaulskipulagða aðgerð væri að ræða. Andlega veik þáverandi eiginkona skipstjórans sá um verkið fyrir blaðamennina.

Blaðamennirnir 5 sem eru sakborningar vita manna best hvað gerðist í apríl og maí fyrir bráðum fjórum árum. Þeir hafa ekki upplýst um vitneskju sína. Aðrir blaðamenn hafa látið það gott heita og þegja með sakborningum. Byrlunar- og símastuldsmálið er ekki-frétt að áliti íslenskra blaðamanna. En það er stórfrétt að fjölmiðlar byrli og steli til að ná í fréttaefni.

Blaðamennirnir urðu formlega sakborningar í febrúar 2022 þegar þeir voru boðaðir í yfirheyrslu hjá lögreglu. Hvað gerðu blaðamennirnir? Jú. þeir virkjuðu pólitískt bakland sitt til að koma í veg fyrir rannsókn á alvarlegum glæp. Vinstriflokkarnir voru ræstir út í þágu grunaðra. Hér er inngangurinn að tveggja ára gamalli frétt á Vísi:

Ungliðahreyfingar Pírata, Samfylkingar, Sósíalista, Viðreisnar og Vinstri grænna hafa boðað til mótmæla á Austurvelli á morgun. Fjölmennum á Austurvöll og sýnum samstöðu með frjálsum fjölmiðlum.

Að blaðamenn geri út af örkinni stjórnmálaflokka til að koma í veg fyrir lögreglurannsókn segir nokkra sögu um hvaða augum þeir líta á hlutverk sitt; að búa til pólitíska dagskrá fyrir vinstriflokka. En síðan hvenær er frjáls fjölmiðlun það sama og heimild til að fremja glæpi?

Blaðamennirnir fimm segjast enga glæpi hafa framið. Gott og vel. Hvers vegna útskýra þeir ekki hvernig þeir fengu gögnin úr síma Páls skipstjóra og hvernig farið var með gögnin? Málið væri þar með dautt. Öllum spurningum, sem snúa að blaðamönnum, svarað.

En fimmmenningarnir hafa engu svarað, ekki gefið neinar útskýringar á aðkomu sinni að málinu. Sú þögn gefur ekki til kynna sakleysi. Þvert á móti. Þeir sem þegja í sakamálarannsókn hafa eitthvað að fela. Játa ekkert í von um að sakamálarannsókn finni ekki nægar sannanir til sakfellingar.

Með skattsvikara sem formann og fimm þegjandi sakborninga er tómt mál að tala um trúverðugleika. Án tiltrúar er blaðamennska aðeins pólitískur aktívismi, löglaus í þokkabót. Vitundarherferðin sem kynnt var í gær auglýsir bágindi blaðamennskunnar.

Blaðamenn grunaðir um glæpi fá styrktarsjóð

Um áramótin stofnaði Blaðamannafélag Íslands sjálfseignastofnun til að ,,vernda og styrkja tjáningarfrelsi á Íslandi." Stofnunin mun reka styrktarsjóð upp á 50 milljónir króna og deila út peningum til blaðamanna sem ,,upplýsa, veita aðhald og setja í samhengi mál sem varða almenning eða samfélagið í heild."

Fimm blaðamenn Heimildarinnar og RÚV eru sakborningar í lögreglurannsókn á byrlunar- og símastuldsmálinu. Einn sakborninga er Aðalsteinn Kjartansson varaformaður Blaðamannafélags Íslands.

Enn hefur ákæra á hendur blaðamönnum ekki verið gefin út. Auk opinberrar ákæru er meira en líklegt að blaðamennirnir fái stefnu frá Páli skipstjóra Steingrímssyni sem varð fyrir byrlun og símastuldi. Alvarlega andlega veik þáverandi eiginkona skipstjórans sá um verknaðinn og afhenti blaðamönnum símtæki Páls til afritunar. Þá reka sakborningar tvö mál gegn tilfallandi bloggara til að þagga niður í honum. Lögfræðiþjónusta er ekki ókeypis. 

Sjálfseignastofnunin er skráð í Stjórnartíðindum. Hún heitir Glætan. Eins og í setningunni ,,Glætan, að ég megi ekki byrla og stela ef mig vantar efni í frétt." Stofnunin er komin með vefsíðu, https://www.glaetan.is, en aðgangsorð þarf til að komast inn.

Sigríður Dögg Auðunsdóttir formaður Blaðamannafélagsins hyggst sækja í sjóð Glætunnar 50 milljónir króna hið minnsta. Sigríður Dögg er vön að sýsla með verulegar fjárhæðir á bakvið tjöldin. Sjálf varð hún uppvís að stórfelldum skattsvikum. „Þetta voru alveg stórar upphæðir, ég viðurkenni það," hefur Viðskiptablaðið eftir formanninum.

 

Í skipulagsskrá Glætunnar er tekið fram að stofnuninni sé ,,heimilt að taka við framlögum sem henni berast."

Líkur eru að nú þegar hafi Glætunni verið tryggðar 50 milljónir króna ef ekki meira. Böndin berast m.a. að Kristni Hrafnssyni og Wikileaks.

Glætunni er ætlað að þvætta fé sem á að renna til grunaðra blaðamanna. 

 

Trump, Sesar og lýðveldin tvö

Flestir búast við sigri Donald Trump í haust og hann verði forseti Bandaríkjanna í annað sinn. Margir, einkum frjálslyndir og vinstrimenn, töldu heimsendi í nánd þegar Trump sigraði 2016 og varð forseti. Ekki urðu heimsslit en Bandaríkin breyttust og munu enn breytast nái glókollur aftur kjöri í haust.

Kunnur álitsgjafi, sjálfstæðiskrati í íslenska pólitíska litrófinu, Andrew Sullivan, mætti í viðtal hjá Freddie Sayers á Unheard. Sullivan óttaðist endalok lýðveldisins 2016 en viðurkennir nú að hafa skotið yfir markið. Viðtalið er merkileg játning. Samkynhneigður frjálslyndur er hlynntur flestum stefnumálum Trump, t.d. að takmarka straum innflytjenda og berjast gegn woke-hugmyndafræðinni sem stórskemmir samfélagið, eyðileggur æsku og brýtur niður gamalgróin lífsgildi.

Tilfallandi hefur fylgst með Sullivan frá dögum hans sem ritstjóri New Republic. Kennimark Sullivan er tepruleysi. 

Sullivan ætlar svo sannarlega ekki að kjósa Trump í haust. Glókollur er geðveikur, segir Sullivan. Lýðveldið gæti enn fallið með kjöri hans. Sullivan býst engu að síður við afgerandi sigri Trump. Tilfallandi neðanmálsgrein er að geðveikir tímar kalla á menn með fáeinar lausar skrúfur.

Lýðveldi, res publica, er rómversk uppfinning. SPQR, senatið og Rómarlýður, er enn á skjaldarmerki Rómarborgar. Hugmyndir lifa samtímann sem ól þær. Bandaríkin við stofnun á 18. öld tóku sér til fyrirmyndar stjórnarhætti rómverska lýðveldisins. Öldungadeildin, senatið, er á Kapítóluhæð í Washington líkt og í Róm til forna. Fulltrúadeildin er bandarísk útgáfa af tríbúnal Rómarlýðs, plebbum.

Heimsveldi Rómverja stóð í þúsund ár. Frá 509 fyrir Krist til 476 eftir fæðingu frelsarans. Fyrstu 500 árin var Róm lýðveldi en seinni hlutinn er kenndur við keisara. Stofnanir lýðveldisins störfuðu áfram, keisarinn var primus inter pares, fremstur meðal jafningja.

Júlíusi Sesar er kennt um endalok lýðveldisins. Kjörsonur hans Ágústus telst fyrsti keisarinn.

Heimsveldi lifa þótt stjórnkerfið, lýðveldið, taki stakkaskiptum. Trump er í sama hlutverkinu, verði hann forseti 2025, og Sesar var í á síðustu öld fyrir Krist. Eftir Trump 2025-2029 eru Bandaríkin ekki lýðveldi nema að nafninu til. Heimsveldið Bandaríkin gæti haldið velli en lýðveldið tæplega.

Samlíkingin virðist langsótt. Tvö þúsund ár skilja að Róm til forna og land hinna frjálsu og huguðu í dag. Hugtakið sem tengir gerólíku tímabilin, lýðveldi, er ekki skilið á sama veg þá og nú, mætti andæfa.

En það er meira sem býr undir. Stjórnkerfi, hvaða nafni sem þau nefnast, hvíla á sameiginlegum skilningi þeirra sem búa við kerfið, nauðugir viljugir, annars vegar og hins vegar getu kerfisins til að krefjast hollustu þegnanna. Kommúnismi Sovétríkjanna er sögulegt nýlegt dæmi um stjórnkerfi sem hrundi. Of langt var á milli veruleikans og hugmyndafræðinnar sem réttlætti stjórnskipun Marx og Leníns.

Í Sovétríkjunum var of lítið frelsi til að stjórnskipunin fengi staðist til lengdar. Í Bandaríkjunum er ábyrgðalaust frelsi að ganga af hugmyndinni dauðri að lýðnum sé treystandi. Með vali á Trump sem forseta biðja kjósendur um leiðréttingu á pólitískum kjörum. Meint frelsi sýnist mörgum óreiða er kalli á styrka hönd að koma skikki á.

Hugmyndafræði bandaríska lýðveldisins, samkvæmt Sullivan hér að ofan, hvílir á þeirri meginforsendu  að allir séu jafnir fyrir lögum - líka forsetinn. Í Bandaríkjunum eru ekki allir jafnir fyrir lögum. Yfir 10 milljónir þegnanna eru ólöglegir. Þeir eru réttlausir og lögin ná ekki til þeirra, hvorki til að refsa þeim né veita þeim löglausu réttlæti, sé á þeim brotið.

Woke-hugmyndafræðin er valkostur við hugmyndina um lýðveldi. Woke kennir að landamæri séu af hinu illa. En lýðveldi án landamæra er mótsögn. Ef hver sem er getur vappað inn og út úr lýðveldinu eftir hentugleikum verður ómögulegt að framfylgja lögum lýðveldisins. Án laga er óreiða.

Woke boðar að hugsun standi ofar efnislegum og hlutlægum veruleika. John getur skipt um kyn í hádeginu með hugdettu, orðið Mary síðdegis og fengið legskoðun daginn eftir. Ef hægt er að sannfæra nógu marga að hversdagslegur hlutur eins og veður sé í raun loftslagsbreytingar hoppar fólk unnvörpum á hamfaravagninn og trúir að andardráttur manna valdi hamfarahlýnun. Úr verða hverskyns bábiljur í opinberri stefnumótun sem hafa áhrif til hins verra á líf fólks. Sænsk stúlka með fléttur keyrir heim boðskapinn.

Líkt og í Sovétríkjunum nýlega og Róm til forna er hugmyndafræðin sem réttlætir stjórnskipun Bandaríkjanna samtímans á skjön við veruleikann eins og hann blasir við þorra almennings. Lýðurinn sér bjargvætt í glókolli sem kallar hlutina réttum nöfnum og spyrnir fæti við fáránleika. Trump er verkfæri raunheima að leiðrétta sýndarveruleika. Einhver álíka og Trump kæmi alltaf til sögunnar; geðveikir tímar kalla á menn með fáeinar lausar skrúfur.

Fjölmiðlar hafa ekki tjáningarfrelsi, Tik-tok rás RÚV

Tjáningarfrelsi er mannréttindi. Fyrirtæki og stofnanir geta ekki átt mannréttindi enda ekki manneskjur. Frekar einfalt að skilja, skyldi ætla. En formaður Blaðamannafélags Íslands er skilningslaus. Sigríður Dögg birtir fréttatilkynningu til að mótmæla takmörkuðu aðgengi fjölmiðla að hamfarabænum Grindavík

sem samræmist ekki því tjáningarfrelsi fjölmiðla og almennings sem tryggt er í stjórnarskrá. 

Formaður Blaðamannafélagsins fer vísvitandi með rangt mál. Fjölmiðlar hafa ekki og geta ekki haft tjáningarfrelsi. 73. grein stjórnarskrárinnar er skýr:

Hver maður á rétt á að láta í ljós hugsanir sínar, en ábyrgjast verður hann þær fyrir dómi. Ritskoðun og aðrar sambærilegar tálmanir á tjáningarfrelsi má aldrei í lög leiða.

Hvergi er minnst á að fjölmiðlar hafa tjáningarfrelsi. Enda væri það álíka fáránlegt og segja reiðhjólaverkstæði njóta mannréttinda. 

Tilraun Sigríðar Daggar til að veita fjölmiðlum sérstaka réttarstöðu rímar við málflutning sakborninganna fimm í byrlunar- og símastuldsmálinu. Þeir telja sig hafna yfir landslög.

Frekja og yfirgangur blaðamanna, sem beita fjölmiðlum fyrir vagn sinn, er vaxandi og versnandi. Fréttaljósmyndari RÚV reyndi húsbrot í Grindavík til að afla frétta.

Þeir sem gæta hagsmuna almennings gagnvart ósvífnum blaðamönnum eru smátt og smátt að vakna til vitundar um að ekki sé allt með felldu. Á síðasta bókaða fundi stjórnar RÚV bað varaformaðurinn, Ingvar Smári Birgisson, um greinargerð frá útvarpsstjóra vegna rásar sem RÚV rekur á samfélagsmiðlinum Tik-Tok.

Af fyrirspurn Ingvars Smára að dæma finnast hótanir og níð á Tik-Tok rás RÚV. Ingvar Smári spyr um ábyrgð ríkisfjölmiðilsins og hvort rásin á Tik-Tok samrýmist lögbundnu hlutverki RÚV.

Ingvar Smári hefur áður séð sig knúinn að minna á að fréttastofa RÚV ,,starfi í samræmi við lög og virði friðhelgi borgaranna í hvívetna." Tilfallandi fjallaði um þá bókun.

Það er ótækt að ríkisfjölmiðillinn fari fremstur í flokki fjölmiðla sem undir yfirskini almannahagsmuna fótum troða mannréttindi borgaranna. Glæpaleiti er meinsemd í íslensku samfélagi. 

 

Hamas, UNRWA og 70% stuðningur við fjöldamorð

Fjöldamorð Hamas 7. október fá stuðning 70 prósent Palestínuaraba, samkvæmt ábyggilegri skoðanakönnun og Reuters vitnar í. Forysta Hamas segir fjöldamorðin á konum, börnum og öldruðum nauðsynlega aðgerð.

Íslenskir vinstrimenn styðja fjöldamorðin heilshugar. Þegar upp komst um aðild UNRWA, Palestínuflóttamannahjálpar Sameinuðu þjóðanna, að fjöldamorðunum 7. október frysti Bjarni Benediktsson utanríkisráðherra framlög Íslands. Vinstrimenn á alþingi og í umræðunni gengu af göflunum. 

Sögðu íslenskir vinstrimenn si svona: fjöldamorðin á gyðingum verða að halda áfram, ótækt er að Ísraelsríki standi stundinni lengur. Nei, þeir sneru ásökun um fjöldamorð upp á Ísraelsher, kalla það þjóðarmorð á Palestínumönnum þegar lögmæt yfirvöld, ísraelska ríkið, leitast eftir að koma lögum yfir hryðjuverkamenn Hamas.

Veraldlegur gyðingur, Oren Cahanovitc, hefur slegið í gegn á youtube þar sem hann freistar þess að útskýra Hamas annars vegar og hins vegar samstöðu vestrænna vinstrimanna með fjöldamorðum. Oren var leiðsögumaður en eftir vinsældir á samfélagsmiðlum virðist hann hættur þeirri iðju. Yfir 300 þús. áskrifendur fylgjast með greiningum hans og áhorfið er komið í um 30 milljónir. Oren er andstæðingur sitjandi forsætisráðherra Ísraels Benja­mín Net­anja­hú og hallar sér til vinstri í pólitík. Væri Oren íslenskur kysi hann sennilega Samfylkinguna - ef ekki væri fyrir gyðingaandúðina á þeim bæ.

Í einni youtube-ræmu útskýrir Oren þetta með yfirgnæfandi stuðning Palestínuaraba við fjöldamorðin 7. október og dálæti vinstrimanna á blóðþyrstri hugmyndafræði.

Stutta útgáfan er að vestrænir vinstrimenn eru illa upplýstir og stunda tvöfalt siðgæði.  

 

Hamas-liðar í röðum UNRWA

Leki, byrlun og blaðamennska

Kristinn Hrafnsson ritstjóri Wikileaks kom fram sem guðfaðir Namibíumálsins er það var frumsýnt í Kveiksþætti RÚV í nóvember 2019. Daginn eftir frumsýninguna mætti Kristinn í viðtal í Morgunblaðinu og talaði um að fjölmiðlar yrðu að ,,matreiða og verka þessi mál."

Matreiðsla og verkun Namibíumálsins fór þannig fram að Jóhannes Stefánsson, fyrrum yfirmaður Samherja í Namibíu, gaf sig fram við Kristinn á Wikileaks. Jóhannes var fjárþurfi og Kristinn átti ðgang að digrum sjóðum, sem tilfallandi tæpti á. Kristinn hnippti í Helga Seljan á RÚV, sem átti það sameiginlegt Jóhannesi að eiga harma að hefna gagnvart Samherja. 

Stundin, nú Heimildin, var fengin í aðför Kristins og Helga að Samherja með Jóhannes sem heimild. Blaðamaðurinn Ingi Freyr Vilhjálmsson var með fjölskyldutengsl við embætti héraðssaksóknara þar sem bróðir hans Finnur Þór Vilhjálmsson var saksóknari.

Namibíuaðförin að Samherja var tangarsókn. Fjölmiðlar, með RÚV í fararbroddi, sóttu að útgerðinni með fréttaflutningi. Embætti héraðssaksóknara hóf sakamálarannsókn. Þriðja atlagan kom frá stjórnmálamönnum. Helga Vala Helgadóttir þingmaður Samfylkingar krafðist kyrrsetningar á eigum Samherja meðan málið væri í rannsókn. Þingmenn Pírata tóku undir.

Það sjá allir að hér er ekki á ferðinni hlutlæg og málefnaleg fréttamennska heldur skipulögð árás. Undir yfirskini frétta og blaðamennsku er hönnuð frásögn í þeim tilgangi að rústa fyrirtæki.

Sigurður Már Jónsson blaðamaður hefur skrifað tvær greinar um Wikileaks í tilefni af dönskum heimildaþáttum. Fyrri greinin fjallar um Sigga hakkara, sú seinni um samstarf Wikileaks við fjölmiðla, stjórnmálamenn og aðgerðasinna.

Áður en lengra er haldið: tilfallandi fjallaði tvisvar um fréttir af sömu dönsku þáttum, sjá hér og hér. Orðið barnaníð kemur fyrir í öðru blogginu. Tilfallandi biðst afsökunar á orðavalinu. Rétt er að tala um kynferðisbrot. Orðið sem notað var í tilfallandi bloggi á ekki við þegar gerandi er jafn ungur að árum og raun var á.

Í grein Sigurðar, þeirri seinni, vekur hann máls á fjáröflun Wikileaks og segir ,, Um fjárstreymið til þeirra hefur ávallt ríkt leynd en skipulögð söfnunarátök fara iðulega á stað kringum stóra leka." Sigurður gerir því skóna að Kristinn stjórni í raun Wikileaks og fátt hafi verið um fína drætti í lekamálum um árabil. Enginn leki, ekkert fjármagn.

Í Namibíumálinu var ekki um að ræða að koma leka á framfæri, nema að litlu leyti, heldur hanna frásögn í kringum skáldskap Jóhannesar Stefánssonar uppljóstrara. Jóhannes var fjárþurfi og Wikileaks þurfti uppslátt í fjölmiðlum til að hrinda af stað söfnunarátaki. Kristinn þróaði nýtt viðskiptamódel. Fjárfesting í fyllibyttu og fíkli skyldi skila auknu fjárstreymi. Fjölmiðlar þurftu bara að ,,matreiða og verka þessi mál," eins og Kristinn sagði í Morgunblaðsviðtalinu. Ritstjóri Wikileaks seldi erlendum fjölmiðlum hönnuðu frásögnina.

Blaðamennirnir sem tóku þátt í leiðangri Kristins til Namibíu komust upp á lagið með að brjóta skráðar og óskráðar siðareglur blaðamanna. Einn blaðamanna, Helgi Seljan, fékk á sig dóm að hafa alvarlega brotið siðareglur í Namibíumálinu í mars 2021. Nú voru góð ráð dýr. En það var komið fordæmi að tilgangurinn helgar meðalið. Blaðamenn komust í tæri við andlega veika konu sem reyndist þægilegt verkfæri til að byrla eiginmanninum og stela síma hans. Það var upphafið að byrlunar- og símastuldsmálinu, sem er í lögreglurannsókn. 

Fimm blaðamenn eru sakborningar. Tveir þeirra nutu handleiðslu Kristins Hrafnssonar í Namibíumálinu. Sá þriðji er Helgi Seljan, en ókunnugt er um réttarstöðu hans. Ritstjóri Wikileaks hlýtur að vera stoltur af framlagi sínu til íslenskrar blaðamennsku.