Davíð mælikvarði Jóhönnu á Icesave

Forsætisráðherra segir tap Seðlabankans við tilraunir að bjarga bönkunum síðast liðið ár meira vandamál en fyrirsjáanlegar skuldaklyfjar vegna Icesave-frumvarpsins. Jóhanna Sigurðardóttir skilur ekki að tap Seðlabankans er staðreynd sem ekki verður breytt. Icesave-frumvarpið er ekki orðinn hlutur fyrr en Jóhanna og aðrir þingmenn samþykkja frumvarpið.

Samanburður Jóhönnu á þessum gangólíku málum undirstrikar að hún er blinduð af heift. Þjóðin þarf ekki á forsætisráðherra að halda sem gerir ekki mun á fortíð og framtíð.

Athugasemdir

[Kolbeinn Pálsson, 30.12.2009 kl. 21:27]

Það sem Jóhanna kýs að segja ekki, er að enn ein skuld ofan á þegar óumflúnar skuldir skilur milli feigs og ófeigs.

Enn ein skuldabyrðin ofan á allt of háar skuldir ríður baggamuninum.

Ef við borgum Icesave, munu þá þingmenn afnema öll lífeyrisréttindi sín og ríkisstarfsmanna til hjálpar þjóðinni og takast á við vandann.

Eða á verkamaðurinn bara að borga eins og alltaf?

[Guðmundur 2. Gunnarsson (IP-tala skráð) 30.12.2009 kl. 21:33]

Þessi aumingjalega og fáránlega rökleysa að halda því fram að Icesave skuldbindingin er í raun ekkert mál vegna þess að hún er svo og svo lítill hluti af heildarskuldum þjóðarinnar, er sorglegri en tárum tekur.  Þegar matsfyrirtæki meta að líkurnar eru 10% - 25% líkur á að þjóðin verði gjaldþrota.  Það eru sömu líkur og að fjarlægð eru 5 skot af 6 úr sexhleypu og og skotrúllunni snúið, byssuhlaupinu beint að gagnauganu og tekið í gikkinn.  Þetta er það sem er kallað rússnesk rúlletta.  Líkurnar á að hitta á skotið er það sama og gjaldþrot þjóðarinnar vegna Icesave.  Ætli margir af Icesave aumingjunum á þingi myndu þora að spila rússneska rúllettu?  Ætli þau myndu taka ákvörðun um að greiða frumvarpinu atkvæði sitt ef það tilheyrði láglaunastéttum þjóðfélagsins?  Ætli það.

[Gunnar Rögnvaldsson, 30.12.2009 kl. 21:34]

Ísland hefur engan forsætisráðherra. Ekki lengur. Það sjá allir sem hafa augu.

[helgi Jónsson (IP-tala skráð) 30.12.2009 kl. 21:47]

Við höfum heldur ekkert með formann í Heimssýn að gera sem samþykkir Icesave-klafann.

[JR (IP-tala skráð) 30.12.2009 kl. 22:33]

Páll Vilhjálmsson.

Fyrir meira en einu ári síðan samþykktu sjálfstæðisþingmennirnir sem sátu í ríkisstjórn borgun á ICESAVE !

Það er ekkert sem er nýtt !

Hvenær ætlar þú að skrifa eitthvað um þá sem sköpuðu ICESAVE ?

[Helgi (IP-tala skráð) 30.12.2009 kl. 22:56]

Það skiptir nákvæmlega engu máli, JR. Var ekki Steingrímur til að mynda hlynntur þjóðaratkvæðagreiðslu fyrir ári síðan. Ekki lengur. Heldur ekki heilaga Jóhanna né hennar tindátar. Vinstri grænir hafa til að mynda kastað geislabaugnum á þessu ári. Aukheldur hefur ýmislegt í þessu máli komið í ljós á árinu sem liðið er. Það er kannski þess vegna sem núverandi ríkisstjórn lúrir á upplýsingum sem lengst. Mál þróast, taka breytingum. Þessi ríkisstjórn hefur ekki hag þjóðarinnar að leiðarljósi í Icesave-málinu. Það er eitthvað annað sem stýrir för.

[Baldur Hermannsson, 30.12.2009 kl. 23:08]

Við erum verr settir en þótt við værum hersetnir.

[Guðmundur 2. Gunnarsson (IP-tala skráð) 30.12.2009 kl. 23:24]

Að hugsa sér að mannvitsbrekkur stjórnaróhróðsins eru enn að reyna að halda fram jafn mikilli heimsku og að einhverjir aðrir hafa samþykkt Icesave fyrir löngu síðan.  Eitthvað sem eir allra einföldustu hættu fyrir um ári síðan að reyna að halda fram og um leið uppljóstra eigin eymd í málefnalegu gjaldþrotinu.  JR fer fremstur meðal nokkurra afar tregra.  Forvitnilegt væri að vita hvort hann skilji hvers vegna er ennþá verið að vandræðast með málið ef það var frágengið fyrir rúmu ári síðan eins og hann heldur?  Eða hefur hann kannski ekki spáð neitt í  því?  (O:

[Rúnar (IP-tala skráð) 31.12.2009 kl. 02:38]

Páll  - er sammála JR hér að ofan. 

Þú sem alvöru blaðamaður ætti að koma með eitthvað bitastætt ekki bara MBL veifur.  Sýna sjálfstæði.  Ekki veitir af góðum blaðamönnum.

[Einar (IP-tala skráð) 31.12.2009 kl. 02:39]

Þessir peningar sem töpuðust í Seðlabankanum voru ekki vegna heimsku Davíðs eins og Jóhanna vill láta líta út. Þetta var meðvituð ákvörðun um að reyna að bjarga bankakerfi í miklum vandræðum með stuðningi Samfylkingar og Sjálfstæðisflokks. Það hefði verið ein djarfasta ákvörðun í sögu heimsins að neita að reyna bjarga bönkunum í óþökk ríkisstjórnarinnar og um leið framkalla bankahrun. Davíð væri líklega í felum einhverstaðar hefði hann gert það. Nei, þetta var vonlaus staða hjá Davíð. Eina sem hægt var að gera var að reyna að bjarga bönkunum, annað var ekki í stöðunni þótt að miklir peningar töpuðust við það. Á þeim tíma höfðu menn ekki þá yfirsýn sem men hafa í dag. Jóhanna og hennar fylgisveinar virðast ekki átta sig á þessari staðreynd. En þetta fólk virðist sjá rautt þegar Davíð er annars vegar

[Baldur Hermannsson, 31.12.2009 kl. 03:20]

Einar, auðvitað sér Jóhanna þetta og hennar meðreiðarpíkur. En þetta er samansafn lygara og þjóðníðinga og reynir að nudda af sér skítinn með davíðsdulunni.

[Jon (IP-tala skráð) 31.12.2009 kl. 12:51]

Sæll.

Ég vil beina orðum mínum til JR og Rúnars.

JR, það er eitt að samþykkja Icesave eins og það var í sumar með fyrirvörunum og annað að samþykkja það eins og það er núna, á þessu er reginmunur þó vinstri menn virðist illa skilja það.

Rúnar, ef þetta er ekki bitastætt þá hvað? Landið er svo óheppið að hafa ríkisstjórn sem hefur ekki gripsvit á fjármálum og samþykkir að auka enn við hrikalegar skuldir þjóðar. Ég hugsa að m.a.s. Robert Mugabe myndi geta gert betur.

Skv. reglum ESB má ekkert ríki bera ábyrgð á einkabanka, það myndi skekkja samkeppnisstöðu bankanna. Þessi regla er því mjög eðlileg. Reyndu Bretar að vera með einhverja stæla við USA þegar Lehmann Bros féll? Þeir lögðu einfaldlega ekki í USA.

Magnús O. S. hjá samfylkingu sagði í sínum rökstuðningi að þetta yrðu 200 milljarðar sem við þyrftum að borga. Hvaðan fær hann þá tölu? Hún er algerlega úr lausu lofti gripin. Þar liggur m.a. vandinn, við vitum ekki almennilega hvað við þurfum að borga mikið? Dettur einhverjum heilvita einstakling í hug að skrifa upp á óútfylltan víxil? Skattfylkingunni finnst það í lagi.

Aðrir sögðu að við þyrftum að borga þetta sem hluta af hreingerningarstarfinu og til að geta gengið bein í baki meðal þjóðanna. Það að einkafyrirtæki fari á hausinn (Landsbankinn) kemur ríkinu ekkert við frekar en fleiri íslensk fyrirtæki sem farið hafa á hausinn. Við ríkisvæðum ekki tapið!!! Við göngum bein í baki á meðal þjóðanna með því að fylgja þeim reglum sem í gildi eru, það sama á við um Breta og Hollendinga - þær þjóðir eru í ESB og eiga að fylgja þeim samþykktum sem þar gilda hvort sem þeim líkar það betur eða verr.

Steingrímur talaði um að bera ábyrgð á þessu. Þau orð hans eru orðin tóm!! Hvernig ætlar hann að bera ábyrgð á þessu? Hætta í stjórnmálum? Skaðinn er skeður.

Mér finnst eðlilegt að kjósendur Valdagræðgi og Samspilling borgi þessa icesave dellu sem þvingað hefur verið upp á þjóðina, ekki vil ég borga fyrir dómgreindarleysi annarra.

[Elle_, 31.12.2009 kl. 17:06]

Jóhanna er ekki nógu heiðarleg og viti borin til að skilja að þú kúgar ekki fólk.  Maður bara gerir það ekki og kemst upp með það.  Munurinn á Icesave og tapi Seðlabankans er bæði eins og þú lýsir, Páll: Icesave er ekki orðinn hlutur en tap Seðlabankans er það; Og líka: Icesave er ólögleg kúgun og það er ekki hægt að þola kúgun þó maður geti kannski þolað tap.  En nei, Jóhanna og Samfylkingin munu seint skilja þann mun.  

[Baldur Hermannsson, 31.12.2009 kl. 17:25]

Pressan: http://www.pressan.is/Frettir/Lesafrett/eirikur-gudna-um-gagnryni-a-vedlan-sedlabankans-um-samantekin-politisk-rad-ad-raeda

  

31. des. 2009 - 16:00

Eiríkur Guðna um gagnrýni á veðlán Seðlabankans: Um samantekin pólitísk ráð að ræða

 

Eiríkur Guðnason fyrrverandi Seðlabankastjóri segir gagnrýni veðlán Seðlabankans árið 2008 dæmigerða eftiráskýringu og telur hann að um samantekin ráð hafi verið að ræða þegar gagnrýnin komst á flug aftur um mánaðamótin september-október síðastliðnum. Eiríkur gagnrýnir jafnframt lánshæfismats fyrirtækin sem hann segir hafa farið offari.

Þetta kemur fram í viðtali við Eirík í áramótablaðið Viðskiptablaðsins. Segir hann að talsverðs misskilnings gæta í gagnrýninni og bendir hann á að rannsókn hljóti að beinast að eignum og framsetningu reikninga viðskiptabankanna. Áberandi í gagnrýni á veðlánin hafa verið athugasemdir um að bankinn hefði átt að taka veð í eignum bankanna en ekki einungis skuldabréfunum, Eiríkur segir bréfin sem Seðlabankinn tók sem veð hafi útgefin af bönkum með viðunandi lánshæfismat og eiginfjárstöðu á þeim tíma og því hefði mátt ætla að þetta væru góð veð.  „Reynist þau verðlítil hefur eitthvað verið stórlega athugavert við mat á eignum og framsetningu reikninga hjá hlutaðeigandi fjármálafyrirtækjum.“

Eiríkur segist sannfærður um að gagnrýnin á Seðlabankann hafa verið af pólitískum toga og mótaðist af miklum fordómum gagnvart Davíð Oddssyni. „Það sem Seðlabankinn gerði hér var viðleitni til að mæta vanda sem steðjaði, auðvitað í þeirri von að aðstæður myndu lagast aftur, millibankamarkaðir tækju að mikðla fé á ný og alþjóðakreppan að ganga til baka. Það tókst því miður ekki“.

Jóhanna Sigurðardóttir gerði veðlán Seðlabankans að umtalsefni í ræðustól í gær og hafa þekktir Pressupennar deilt um málefni Seðlabankans undanfarnar vikur.

 

[Elle_, 31.12.2009 kl. 17:28]

Jon, ég var sammála orðum þínum í heild og vil benda á að Jóhanna laug því líka einu sinni að Icesave skuldin sem við skuldum ekki yrði um 75 milljarða og þó enginn viti hvað nauðungin getur orðið há, kannski langt yfir 1000 milljarðar.  Og þú sagðir:

Mér finnst eðlilegt að kjósendur Valdagræðgi og Samspilling borgi þessa icesave dellu sem þvingað hefur verið upp á þjóðina, ekki vil ég borga fyrir dómgreindarleysi annarra.

Kjósendur VG voru illa sviknir og ég var ein af þeim og mun aldrei kjósa aftur VG sem hefur bara 2 heiðarlega innanborðs.  Kjósendur VG sem voru sviknir og styðja ekki lengur VG og hafa barist gegn svikunum, eru ekki ábyrgir fyrir Icesave.  ICESAVE stjórnin og ICESAVE flokkarnir og þeir sem verja illverkið eru ein ábyrg fyrir Icesave þó þau ljúgi ábyrgðinni upp á annað fólk og flokka.