Heimatilbúin nauðhyggja

Engin nauðsyn knýr okkur til að samþykkja fyrirliggjandi frumvarp um ríkisábyrgð vegna Icesave-reikninga. Illu heilli hefur ríkisstjórnin haldið þannig á málum að valið stendur á milli þess að samþykkja Icesave með þeim ósköpum sem það gæti leitt yfir okkur eða hafna Icesave og fella ríkisstjórnina í leiðinni.

Ríkisstjórnin er ekki virði þeirrar áhættu sem við tækjum með því að samþykkja frumvarpið. Þingmenn eiga að fella frumvarpið þegar það kemur til afgreiðslu milli jóla og nýárs. Á nýju ári tæki við minnihlutastjórn Vinstri grænna, mínus formaðurinn.

Ný stjórn byði Bretum og Hollendingum þann samning sem Alþingi samþykkti í sumar. Ef þeir þekktust það ekki yrði samið að nýju.

Svona er hægt að leysa úr heimatilbúinni nauðhyggju. Erfiðara gæti orðið að leysa úr heimatilbúnu þjóðargjaldþroti.

Nauðsynlegt að samþykkja Icesave

Athugasemdir

[Kalli Sveinss (IP-tala skráð) 23.12.2009 kl. 12:41]

Skarpi Seltirningur !

 "Engin nauðsyn knýr okkur til að samþykkja" o.s.frv. - Laukrétt !

 En fyrir fjóra vallvalta ráðherrastóla ,samþyggja meiri hluti v- rauðra og leggja á þjóð sína, óleysanlegar drápsklyfjar. Greiðslur sem börn framtíðarinnar skulu borga "

 Öllu fórnað fyrir völdin. Öllu fórnað til að halda "Íhaldinu" frá landstjórn !

 ( Orð Steingríms.)Sósialista Ísland orðið að veruleika !

 Skuld hverrar fjögurra manna fjölskyldu 70 MILLJÓNIR !

 17 MILLJÓNIR á sérhvern Íslending !

 Kannski ættu menn ekki að undrast.

 Af 12 ráðherrum eru 9 - segi og skrifa níu - fyrrum félagar í Alþýðubandalaginu - þar áður Sameiningaflokkur alþýðu Sosialistaflokkurinn, þar áður KOMMÚNISTAFLOKKUR ÍSLANDS !

 Gamli "komminn" Jóhannes úr Kötlum, orti á sinni tíð.:

 " Sovét Ísland - óskalandið, hvenær kemur þú ?"

 Það er komið !

 Fyrir örfáum dögum sungu Össur & Árni Páll, fullum hálsi - með kreppta hnefa.: " Sjá roðann í austri, hann brýtur sér braut,

               fram bræður, það dagar nú senn" !

 Það hefur birt af degi !

 Fyrsta 100% VINSTRI STJÓRN ÍSLANDS er risin !

 Draumalandið okkar !

 Fögnum systkin!

Munum orð fyrsta ráðherra Íslands.: " Hugsjónir rætast - þá mun aftur morgna"

[þór (IP-tala skráð) 23.12.2009 kl. 13:42]

Yrði fyrsta skrefið í réttlátri uppbyggingu á Íslandi, ef þetta gengi eftir.

[Haraldur Haraldsson, 23.12.2009 kl. 13:43]

kvitt og mikið sammála þarna/gleðileg jól og þakka pislana þína!!,þó svo við séum ekki alltaf sammála,en oftast/Halli gamli