Arion safnreikningur útrásar

Á útrásartímanum var til Arion safnreikningur sem var notaður til að fela eignarhald auðmanna. Arion safnreikningur kom fram sem hluthafi í fjölmörgum fyrirtækjum eins og sjá má ef heitið er gúgglað.

Varla er það ætlun Kaupþings að drösla útrásarfortíðinni með sér í framtíðina. Nema, auðvitað, hér sé um óbeina viðurkenningu á því að Kaupþing, afsakið Arion, sé enn í útrás með Högum hans Jóns Ásgeirs Jóhannessonar.

Kaupþing verður Arion banki

Athugasemdir

[Finnur Bárðarson, 20.11.2009 kl. 19:11]

Auðvitað ætla þeir að taka upp "forna sið"i. Brátt sjáum við Hreiðar Má í glugganum líka.

[Grímur (IP-tala skráð) 20.11.2009 kl. 19:37]

Minnir mig á þvottarefnisauglýsingu

efnakljúfar náttúrunnnar

og allt verður tandurhreint að nýju

en skolvatnið sprautast yfir almúgann

[Guðlaugur Hermannsson, 20.11.2009 kl. 21:13]

Arion er nafn á vörslufyrirtæki í eigu Kaupþings banka. Það hét/heitir Arion verðbréfavarzla.

[Kolbrún Bára (IP-tala skráð) 20.11.2009 kl. 22:28]

Þvílík smekkleysa.  Þykir Kaupþingsfólkinu, ( nafnið valið af þeim ) vel við eigandi að halda Arion -verðbréfavörsluósómanum á lofti. Ekki er hugmyndafluginu fyrir að fara.

[Jóhannes Laxdal Baldvinsson, 20.11.2009 kl. 22:29]

Damn...no more kaupthinking then

[Sigurður Haraldsson, 21.11.2009 kl. 01:06]

Það er gott að skipta við sparisjóðinnAllavega Suður-Þingeyinga.

[Eygló, 21.11.2009 kl. 01:11]

Arion er og hefur verið í Ármúlanum. Vörsludeild sem dregin var út úr KB, n.k. dótturdeild. 

Svolítið að nefna fyrirtækið eins og útdregin deild sem gerð hefur verið nokkuð sjálfstæð.

Æi, ef þetta væri nú það versta, þá væri ég að drekka rjómalíkjör, sem ég hef ekki efni á núna : )

[gishj (IP-tala skráð) 21.11.2009 kl. 09:03]

er þetta nafn bara til að halda áfram að svíkja og plata ,er það skráð á þessum paradísum.

[Garðar Karlsson, 21.11.2009 kl. 09:37]

Skil ekki þessa árattu að fela slóðina með nafnabreytingu, og Arion af öllum nöfnum, hluti af sukkinu.

Strákar, þið verðið að gera betur en þetta!

[magnús steinar (IP-tala skráð) 21.11.2009 kl. 11:42]

Halda þessir þjófar að það sé nóg að breyta nafni að þá verði þeir eins saklausir og óspjallaðar meyjar,svei þessum drullusokkum

[Eygló, 21.11.2009 kl. 14:54]

Sbr. Lárus Welding?  Hvað liðu margir dagar frá hruni þangað til hann hætti að vera Suðumaður og varð Snorrason?

Eins og að maka sig drullu þegar maður er ataður skít.

[Guðbjörg Hildur Kolbeins, 22.11.2009 kl. 01:56]

Ég skil ekki pælinguna bak við nýja nafnið því í fyrsta lagi minnir það á þvottaefni og í öðru lagi gæti það varla verið meira 2007. Það vantar bara endinguna Group.