Engin pólitísk forysta fyrir endurreisninni

Ríkisbankinn Kaupþing virðist ætla að gefa einum alræmdasta útrásarauðmanninum tugmilljarða afslátt á skuldum og leyfa honum að hafa áfram kverkatak á matvöruversluninni í landinu. Vegna þess að engin pólitísk forysta er fyrir endurreisninni eru bankamenn með siðferðisbresti orðnir ofvirkir og eftirlitslausir reyna þeir að endurbyggja útrásarrekstur með opinberum fjármunum.

Ríkisstjórnin hefur algerlega brugðist þegar kemur að almennri stefnumótun fyrir endurreist atvinnulíf. Ráðherrar virðast uppteknir við smáskammtalækningar hingað og þangað en láta reka á reiðanum þegar kemur að meginmálum.

Tiltrú útlendinga á endurreisninni á Íslandi eykst ekki þegar þeir sjá útrásarauðmenn leika lausum hala og fá peninga frá ríkisbönkum til að efna til að byggja nýja loftkastala.

Ríkisstjórn Jóhönnu þarf að koma sér að verki en hverfa frá að öðrum kosti.

Athugasemdir

[Stefán (IP-tala skráð) 2.11.2009 kl. 09:45]

Finnur Sveinbjörnsson hinn ríkisrekni hefur sko ekki umboð þjóðarinnar fyrir þessum glæpsamlega gjörningi sínum. Sá maður kann sko að kalla yfir sig hatur þjóðarinnar !!!  Og Páll, þú varst flottur í Silfri Egils í gær. 

[Tómas Ibsen Halldórsson, 2.11.2009 kl. 09:52]

Góðan dag Páll.  Ég horfði á Silfur Egils seint í gærkveldi, ég vil þakka þér fyrir þitt framlag í þættinum, þú komst vel út að mínu mati.

[Gullvagninn (IP-tala skráð) 2.11.2009 kl. 11:39]

Social Darwinismi - Survival of the Richest