Smátt-er-fagurt-atvinnulíf

Í aðdraganda útrásarinnar brustu bönd á íslensku atvinnulífi. Almenningi var seld blekking um að einkavæðing og afnám skorða áttu að skila okkur öllum betri lífskjörum. Eftir hrun blasir við að meinsemdin var búin að grafa sig lengi. Sameining og yfirtaka í atvinnulífi leiddi til stórfyrirtækjareksturs sem lagði dauða hönd sína á frumkvæði og svigrúm nýrra aðila til að komast inn á markaðinn.

Eftirlegukindur hrunsins, Exista og Hagar, svo dæmi séu tekin, á að taka úr öndunarvél skilanefnda og lífeyrissjóða og leyfa að deyja. Þegar fyrirtækjaflykkin hrökkva upp af skapast tækifæri fyrir aðra.

Atvinnulíf á Íslandi þarf að brjóta í smærri einingar. Með því er tryggt að markaðsráðandi aðilar geti ekki komist í einokunaraðstöðu.

Ætli málsvari atvinnulífsins á fyrri tíð, Sjálfstæðisflokkurinn, heyri hverjum klukkan glymur?

Athugasemdir

[JR (IP-tala skráð) 27.8.2009 kl. 19:41]

Páll.

Eitt máttu vita , við verðum ekkert spurð að því, frekar en áður,  hvað ,,eigendur atvinnulífsins" ætla og vilja gera !   Þú veist hverjir það eru ?

[Páll Vilhjálmsson, 27.8.2009 kl. 19:43]

Líklega er það rétt, JR, en við ættum samt að mögla.

[Jenný Stefanía Jensdóttir, 27.8.2009 kl. 19:44]

Less is more,  hélt smá fyrirlestur um þetta hjá Útflutningsráði í byrjun júní s.l., með skírskotun til Kanada, sem setur allt traust sitt á lítil og meðalstór fyrirtæki, enda eru 98% af öllum fyrirtækjum landsins skilgreind lítil og meðalstór með innan við 200 manns í vinnu.

[Robert (IP-tala skráð) 27.8.2009 kl. 20:26]

Greinilega og vel skrifað,   ég er þér sammála

[Predikarinn - Cacoethes scribendi , 27.8.2009 kl. 20:39]

Það er bráðnauðsynlegt að taka þessar óheilbrigðu samstæður úr öndunarvélunum og leyfa þeim að deyja. Eins og þú segir þá eru það einungis tækifæri sem bjóðast í kjölfarið.

[Sævar Helgason, 27.8.2009 kl. 22:19]

Sammála .  Og við eigum að stefna að mörgum smáum og meðalstórum fyrirtækjum við endurreisnina.  Þar með talið stóriðja- að þeirri stefnu verið varpað fyrir róða- frekar en orðið er. Og umfram allt Exista og Hagar verði gerð upp ...

[Björn Birgisson, 28.8.2009 kl. 00:28]

Páll, fyrir mörgum mánuðum átti ég orðastað við þig. Þú sagðir að Jón Ásgeir væri frábær fjármálamaður. Ég sagði að hann væri loddari, bestur í að ráðstafa annarra manna fjármunum. Ertu enn sama sinnis um Jón Ásgeir og þú varst þá? Ég er enn sama sinnis.

[Stefán (IP-tala skráð) 28.8.2009 kl. 14:23]

Það er algjörlega ófyrirgefanlegt og siðlaust hneyksli að halda lífi í gjörsamlega útbrunnum fyrirtækjum eins og Exista og Hagar eru. Þessi fyrirtæki gera ekkert annað en að fá almenning upp á móti stjórnendum þeirra svo vonlaus og illa rekin sem þau eru. Út af borðinu með þetta rusl !!!