Dánarfregn Icesave-samninganna

Ekki er þingmeirihluti fyrir Icesave-samningunum. Formenn stjórnarflokkanna, Jóhanna og Steingrímur J., sólunduðu sínu pólitíska kapítali í ESB-umsóknina og eiga ekkert afgangs til að þræla Icesave-málinu í gegnum þingið. Höggið sem ríkisstjórnin fékk þegar skoðanakönnun leiddi í ljós að Íslendingar eru mótfallnir aðild að ESB og afgerandi meirihluti vildi þjóðaratkvæði um umsókn gróf undan stjórninni og sýndi forystumenn hennar sem þjösnapólitíkusa án framtíðarsýnar.

Icesave-samningurinn var frá fyrsta degi ónýtur. Ríkisstjórnin ætlaði sér samt að keyra hann í gegnum þingið en fyrir handvömm annars vegar og hins vegar óforskammaða frekju komst stjórnin hvorki lönd né strönd.

Þegar Icesave-samningarnir falla situr ríkisstjórnin eftir án trausts og er það maklegt. Með umsókninni og Icesave var ríkisstjórn Jóhönnu Sigurðardóttur komin í beint stríð við þjóðina.

Skoðanir enn skiptar

Athugasemdir

[Anna Benkovic Mikaelsdóttir, 10.8.2009 kl. 00:58]

DO ber mesta ábyrgð á "íslenska efnahagsundrinu".... þannig er það bara! Ekki alveg alla ábyrgð, en langmesta og hann var glaður (og xD) þangað til 6. okt 2008!

[Ólafur I Hrólfsson (IP-tala skráð) 10.8.2009 kl. 03:53]

Anna B

Þetta er yfirgripsmesta vanþekking sem birt hefur verið á prenti.

Hvet þig til þess að leita hjálpar.

DO var öflugur - en kona - gættu hófs og farður ekki að gera manninn almáttugan í huga þínum.

Því eins og Steingrímur J sagði í sjónvarpinu þegar DO hætti semráðherra og hólið gekk fram úr hófi "við skulum nú aðeins slaka á - þetta er jú maður af holdi og blóði"

Og Anna - DO skapar heldur ekki jarðskjálfta eða eldgos.

[Guðmundur Björn, 10.8.2009 kl. 09:12]

Anna:  Hvar væri bloggið án wisserbessera eins og þín?  Það er auðvitað nauðsynlegt að fá að lesa svona heimskulega steypu á mánudagsmorgni.

[Sveinbjörn (IP-tala skráð) 10.8.2009 kl. 10:45]

Þetta er slæmt mál en þú vanmetur formann fjárlaganefndar. hann er mesta leynivopn Steingríms og Jóhönnu. Ég hef trú á Guðbjarti því ég veit að þar fer alvöru stjórnmálamaður sem vinnur fyrir fólkið í landinu.

[Anna Benkovic Mikaelsdóttir, 10.8.2009 kl. 14:20]

Ég er engin "wisserbesser" sem betur fer!

Hitt veit ég að DO var forsætisráðherra þegar bankarnir voru "einkavæddir" og hann var seðlabankastjóri 6. okt. 2008.

  Eru þessi tvo embætti án ábyrgðar?

[Sigurður Sigurðsson, 10.8.2009 kl. 16:15]

Ég sé að Anna er greinilega með Davíð Oddsson á heilanum en hér er frétt af textavarpinu sem mig langar að smella inn og láta ykkur um að dæma:

Það er forvitnilegt að fara yfir umræðu um frumvarp til laga um tryggingasjóð innistæðueigenda þegar það var til meðferðar í þinginu fyrir tíu árum. Þá vildu þáverandi stjórnarandstöðuþingmennirnir Jóhanna Sigurðardóttir og Ögmundur Jónason að inneignir í bönkum yrðu tryggðar að

fullu og öllu en ekki aðeins að hámarki sem næmi jafnvirði 20 þúsund evra.

Tillagan var felld. Ætla má að staða Íslands gagnvart innstæðueigendum Icesave-reikninga væri sýnu verri ef

þjóðþingið hefði leitt þetta í lög fyrir 10 árum.

[Anna Benkovic Mikaelsdóttir, 10.8.2009 kl. 19:35]

Sisi...ég veit lítið um DO og hef ógeð á að draga hann upp, en það er samt nauðsynlegt ef forsætisráðherrar g seðlabankastjórar á Íslandi bera ábyrgð...en þvi hefur þu alls ekki svarað!

þetta er ekki rökstuðningur, heldur almenn skynsemi (common sense).

Ég læt nefnd 3 manna nefnd Páls um rökstuðning 1. nóv.