Sátt um þjóðargjaldþrot, nei takk

Ef aðilar vinnumarkaðarins skrifa upp á sáttmála sem ekki gerir ráð fyrir að Icesave-samningarnir verði felldir er verið að sættast á þjóðargjaldþrot. Í samanburði við fjárhæðir Icesave, sem hlaupa á bilinu 650 - 800 milljarða króna, er verið að semja um tittlingaskít í svokölluðum stöðugleikasáttmála.

Það er eins og flestar meginstofnanir þjóðfélagsins ætli að læsa saman klónum og telja okkur trú um að Icesave sé tæknilegt úrlausnarefni.

Ef aðilar vinnumarkaðarins hafa minnsta áhuga á að vinna tilbaka glatað traust væri þeim nær að krefjast þess að Icesave-samningarnir verði felldir en að semja um smátilfærslur á skattabyrði og launaliðum.

Undirritað ef sátt næst

Athugasemdir

[Sigurður Þórðarson, 25.6.2009 kl. 00:29]

Við þurfum ekki að velta þessu fyrir okkur. Samfylkingin stjórnar ASÍ.

[Einar Guðjónsson, 25.6.2009 kl. 00:34]

Við ætlum að ganga syngjandi fram af bjarginu.Því við erum trú yfir litlu.

[Einar (IP-tala skráð) 25.6.2009 kl. 00:42]

Ég bið menn nú bara um að slaka á .... ef svo verður að IceSave samningurinn verður okkur ofviða (sem ég hef fulla trú á), þá verður einfaldlega farið aftur í samningaviðræður eftir 7-8 ár. Þá verður efnahagslífið miklu betra í Bretlandi amk. Bretarnir verða þá í betri málum, þurfa ekki að virðast harðir fyrir sínum þegnum og auðveldara verður að semja um hentugri afborganir fyrir okkur Íslendinga.

Ef það verður hinsvegar fullkomin upplausn hér á landi með verkföllum, harðari mótmælum o.s.frv. þá sé ég ekki hvernig við munum komast út úr þessu, - hvort IceSave verður samþykkt eður ei.

Mér finnst þú líka vera heldur bitur að halda því fram að allt atvinnulífið sé rúið trausti ...hér eru bara mörg fyrirtæki sem hafa verið vel rekin, en vegna gríðarlega slæms ástands geta þau ekki tekið meira á sig.

[Steinar Immanúel Sörensson, 25.6.2009 kl. 01:16]

Íslenska Mafían

[Sigurður Haukur Gíslason, 25.6.2009 kl. 01:52]

Ég, eins og flestir landsmenn, er á móti því að borga Icesave en höfum við eitthvert val? Eins og ég sé þetta þá loka Evrópu þjóðir á okkur ef við skrifum ekki uppá þessa nauðasamninga. Það endar með viðskiptabanni sem þýðir að við fáum hvorki súrál né olíu og þar með hrinur allur útflutningur.

Það er líka ávísun á þjóðargjaldþrot.

Eða halda menn að ESB þjóðirnar haldi áfram að skipta við okkur ef við sýnum þeim löngutöng?

[Hans Haraldsson (IP-tala skráð) 25.6.2009 kl. 03:01]

Sigurður: Þú ert þarna að tal um harðari aðgerðir en Íran sætir!! (og súrálið er frá Ástralíu).

Við getum átt von á diplómatískum þrýstingi, mögulega refsitollum og í versta falli uppsög EES. Ekkert af því er eins slæmt og vaxtaberandi erlend skuld í annarri mynt upp á 400-1000+ milljarða eftir 7 ár.

[Káta (IP-tala skráð) 25.6.2009 kl. 05:37]

Gaman að hitta á ykkur Sigurður og Hans.

Hafið þið spáð í hitt: Evrópa vissi hvert stefndi með Ísland og gerði ekkert, eða þáverandi stjórnvöld á Íslandi tóku ekki við Hintum. Ég sá þýskan þátt um miðjan júlí 2008, þá virtist þetta verið orðin almenn vitneskja í Evrópu? Af hverju tóku þá ekki allir stórfjárfestar eins og líknarfélög og svoleiðis strax alla peninga útaf þessum hávaxtareikningum og settu þá í skjól? 

Ég sendi Linkinn á þennan fréttaþátt í Eyjuna, en sá ekki að neinn hefði fyrir þvi að fjalla um málið.

Ég er núna búin að skrifa ábendingu til Redaktion hjá ZDF, þá getur enginn látið eins og þetta hafi komið eins og þruma úr heiðskíru lofti.

Lætin byrjuðu í Apríl þegar Seðlabankinn fékk ekki lánið sem hann sóttist eftir, þar á undan var músin búin að læðast. Fyrirtæki og einstaklingar fengu illa Bankalán, verkum var frestað, pöntuð vara var látin koma, grey sá sem pantaði!

Það er bara rúmt ár síðan þetta var raunveruleikinn okkar, eruð þið búnir að gleyma?

Kveðja, Káta. 

[Sigurður Haukur Gíslason, 25.6.2009 kl. 09:59]

Hans! Refsitollar og uppsögn EES hljómar ekki vel og kostar okkur til lengri tíma örugglega meira heldur en Icesave.

Súrálið sem Alcan notar kemur frá Bandaríkjunum og Írlandi. Það eru mörg ár síðan súrálið kom frá Ástralíu.

[Steinar Immanúel Sörensson, 25.6.2009 kl. 12:52]

Við getum alltaf hallað okkur að Bandaríkjamönnum já eða Kínverjum

[Vigdís Pálsdóttir (IP-tala skráð) 25.6.2009 kl. 13:04]

Vona að við sleppum frá þessari útrásarvitleysu án þess að borga meira en milljón!!!!

[Haraldur Baldursson, 25.6.2009 kl. 13:51]

Sendið eftirtöldum hóp VG þingmanna hvatningu um að samþykkja þetta ekki...þau eru með þetta í sinni hendi :
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail],
[e-mail]

[Sigurður Haukur Gíslason, 25.6.2009 kl. 18:31]

Og hvað heldur þú Steinar að Kínverjar séu tilbúnir að borga fyrir fiskinn okkar? Halda menn í alvöru að markaðir í Kína og USA komi í stað Evrópumarkaðarins?

[Haraldur Baldursson, 25.6.2009 kl. 18:48]

SHG.

Það sem gerast myndi í UK við viðskiptabann, væri ekki vinsælt heldur. Fisksalar og fleiri hefðu til skamms tíma engu úr að moða...til lengri tíma væri sá markaður skaddaður.....Icesave samningurinn hins vegar flæmir ungt, vel menntað fólk frá landinu...sá langtímakostnaður er meiri en mögulegur missir EES samningsins. Auk þess sem slík staða yrði tæplega til langframa. Og já hví ekki tala við Kínverja, ekki af því að þeir kauði svo mikinn fisk, heldur af því að það kunna að vera fletir að því að semja við risa eins og þá um önnur viðskipti. Þegar fyrirtæki eins og Marel, sem er með einna dýrustu vörur í heimi nær að selja fleiri hundruð vogir til Kína, þá munu fleiri fletir finnast

[Sigurður Haukur Gíslason, 25.6.2009 kl. 19:01]

Það sem gerist hér næstu mánuði ef Icesave samningurinn verður felldur:

Ríkisstjórnin fellur og það verður stjórnarkreppa (ekki alveg það sem við þurfum núna).

Evrópuþjóðir loka á okkur með fjárhagslega aðstoð sem og AGS. Það þýðir að krónan verður verðlaus í útlöndum, stýrivextir verða óbreyttir eða hækka sem lamar það litla atvinnulíf sem þó enn gengur. Það endar með þjóðargjaldþroti.

En við getum þá verið stolt sem Kúba norðursins að hafa ekki látið undan Icesave.

[Jón Aðalsteinn Jónsson, 26.6.2009 kl. 08:20]

Varðandi stolt Sigurður þá væri nú fint að hafa það við eigum ekki mikið af öðru í bili Og ég veit ekki annað en að krónan sé verðlaus í útlöndum sem stendur. Er lítið atvinnulíf í gangi við erum hreinlega bara ekki langt frá því atvinnuleysi sem að nú ríkir sumstaðar í ESB og þó fórum við í gegn um algjört hrun.