Illugi, Guðlaugur og Þorgerður Katrín segi af sér

Hvað kostar Sjálfstæðisflokkurinn? Um það er spurt, ekki hitt hvort flokkurinn sé til sölu. Sjálfstæðisflokkurinn er uppvís að því að taka við mútufé frá auðhringjum sem því sem næst keyrðu þjóðina í gjaldþrot. Sjálfstæðisflokkurinn verður brennimerktur sem prinsipplaus stjórnmálaarmur græðigisvæðingarinnar ef flokkurinn tekur ekki á sig rögg um páskana og losar sig við spillingarliðið.

Þorgerður Katrín Gunnarsdóttir með sín Kaupþingstengls ber sem varaformaður flokksins ábyrgð á innra starfi. Hún á að víkja. Illugi Gunnarsson með Glitnissjóð 9 á bakinu og handbendi í tilraun til að koma orkuauðlindum Íslendinga í hendur útrásarauðmanna á sömuleiðis að segja af sér. Guðlaugur Þór Þórðarson er milligöngumaður um styrkveitingu  FL-group til flokksins. Hann á að segja af sér.

Nýkjörinn formaður Sjálfstæðisflokksins, Bjarni Benediktsson, hefur tvo til þrjá daga til að skilgreina sjálfan sig og flokkinn til framtíðar. Ef flokkurinn slær skjaldborg um þremenningana er flokkurinn að mála sig út í horn sem spillingarflokkur Íslands.

 

Athugasemdir

[Haraldur Baldursson, 9.4.2009 kl. 19:48]

Hallelúja !

[Jón (IP-tala skráð) 9.4.2009 kl. 20:53]

Hvað á að gera við Sjálfstæðisflokkinn?

Það er eðlilegast að leggja flokkinn niður og láta eigur hans renna til fátækra fórnarlamba arðránsstefnu flokksins.

Sjálfstæðishúsið verði jafnað við jörðu og gerður minningarlundur á staðnum og þar reist minnismerki um "Helför" íslenska efnahagskerfisins.
Kauphallahúsið sem er staðsett í nágrenni minningarlundsins má gera að safnahúsi.
Þar verður haldið til haga glæpum "Flokksins" gagnvart þjóðinni og framtíða þegnum landsins.

Landráð, afsal á verðmætum og landgæðum til spillingarafla og erlendra auðhringa.
Spilling í stjórnsýslu, mútuþægni, ofbeldi og valdníðsla gagnvart þegnunum etc.

Tilgangur safnsins verður að varðveita vitneskju um óhæfuverkin til að koma í veg fyrir að sagan endurtaki sig.

Þeim flokksmönnum Sjálfstæðisflokksins sem voru meðvirkir og er hugsanlega hægt að bjarga verði gefinn kostur á endurhæfingu til að aðlagast lýðræðislegu og réttlátu þjóðfélagi.
Hinum "forhertu" og "seku" sem ekki er við bjargandi verður boðið upp vist í frískandi umhverfi á Litla Hrauni.
Þar má binda vonir við að hreint sjávarloftið og skapandi iðjuþjálfun leiði þá til betri vegar með frelsun og iðrun synda.

[Númi (IP-tala skráð) 9.4.2009 kl. 21:50]

Heyr,   Heyr,, Heyr,,,Heyr,,,húrra fyrir þér Páll.

[Benedikta E, 9.4.2009 kl. 23:16]

Sæll Páll                                                                                                             Viltu útskýra hvað þú átt við með - Illuga og auðlindirnar?

[Páll Vilhjálmsson, 9.4.2009 kl. 23:38]

Sæl Benedikta, ég er að vísa í Sjónvarpsfréttir í kvöld þar sem fjallað var um aðkomu Illuga að umræðum um sölu á hlut ríkisins í Hitaveitu Suðurnesja.

[Gísli Foster Hjartarson, 10.4.2009 kl. 00:19]

Gæti ekki verið meira sammála Páll - þetta lið á að víkja vilji flokkurinn skapa sér trúverðugleika utan þeira sem klæðast búningnum og virðast ekki geta annað. Hver ætli sé siðferðisvitund þessa fólks?

En ég bíð líka eftir að aðrir flokkar opni sitt bókhald og sýni með því styrk og trúverðugleika.........já eða samskonar vef og íhaldið er að sýna okkur þessa dagana, ætli við sjáum að allir þessir flokkar séu í raun gerspilltir?

[sigurður j hafberg (IP-tala skráð) 10.4.2009 kl. 01:18]

sæll. Hingað til hef ég ekki verið hrifinn af málflutningi þínum en nú er ég sammála þér. þetta gengur ekki lengur. Það eru alltof margar þjóðir í þéssu landi. Ég get illa sætt mig við að vera megsoginn til að borga brúsa illþýða og auðkrimma sem fyrirlýta alþýðiu þessa lands.

kv sig haf.

[Ingi (IP-tala skráð) 10.4.2009 kl. 03:33]

Sammál það er flokknum til skammar að selja slík sérréttindi á slikk því fasateignasali hefði tekið  lámark 105.000.000.kr og að kalla þetta hægrimenn það særir.

[Kjartan Pétur Sigurðsson, 10.4.2009 kl. 05:28]

Kjósendur hafa enn möguleika á að raða á lista flokkanna, það er ekki öll von úti enn:

Hvernig á að kjósa í komandi kosningum?

Var að stofna áhugamannahóp á Facebook um málefnið:

http://www.facebook.com/group.php?gid=59606301394&ref=nf

Kjartan

WWW.PHOTO.IS

[Gunnar Freyr Rúnarsson, 10.4.2009 kl. 06:32]

Við Sjálfstæðimenn þurfum að losna við þetta fólk, þs Guðlaug, Þorgerði og alla þá sem stigu á tærnar á Davíð.  Þau voru líka alltaf að gæla við Baugsliðið.  Það höfum sannir Sjallar ekki þolað.  Helst hefði ég viljað sjá Davíð stiga fram og taka flokkinn yfir.  Vona samt að hann leiðbeini stráknum í gegnum þennan mikla öldursjó.  Við verðum líka að gera greinarmun á góðum peningum og vondum peningum.  Góðir peningar væru td styrkir frá útgerðarmönnum.  Ef þeir peningar hefðu ekki komið í flokkana þá væri fiskveiðistjórnunarkerfið í hættu.  Við búum við besta fiskveiðistjórnunarkerfi í heimi.  En vondir menn alltaf haft horn í síðu kerfisins og kennt frjálsa framsalinu um upphafinu að hruni Íslands.  Það er bara kjaftæði.  Vona að við náum að fela þá peningaslóð, en klárum þetta FL-Baugsmál sem allra fyrst.  Þetta voru vondir peningar sem komu frá Baugi, Fl og Baugsbankanum.  Ég vona að sérstakur saksóknari okkar nái að sópa verstu málunum undir teppið.  Almenningur hefur því miður lítinn skilning á réttu og röngu...

[Ína (IP-tala skráð) 10.4.2009 kl. 10:46]

Þetta fólk þarf að fara, er sammála þér eins og oft áður.

[Guðmundur Gunnarsson (IP-tala skráð) 10.4.2009 kl. 11:06]

Rétt!