Steingrímur J. forsætisráðherra í 15 mánuði

Það er ekki búið að rjúfa þing og tvær grímur að renna á stjórnmálamenn og mótmælendur hvort sniðugt sé að efna til kosninga í vor. Fólk þarf einfaldlega meiri tíma að átta sig á landslaginu. Grasrótarhreyfing fær litlu áorkað á þrem mánuðum. Steingrímur J. og vinstri græn eru óflekkuð af bankahruninu og minnihlutastjórn þeirra í 15 mánuði, fram á vor 2010, veitti svigrúm fyrir endurnýjun í stjórnmálakerfinu.

Sjálfstæðisflokkur og Samfylking sammæltust um að veita minnihlutastjórninni hlutleysi enda veitir báðum flokkum ekki af rúmum tíma í naflaskoðun.

Athugasemdir

[Haraldur Baldursson, 26.1.2009 kl. 23:47]

Páll að því gefnu að ramminn utan um fjálrmálin verði tryggður og að niðurskurðurinn óumflýjanlegi verði tryggður, þá held ég að þarn agæti verið valkostur...kannski.....

[Sveinbjörn Kristinn Þorkelsson, 27.1.2009 kl. 04:45]

Einmitt það já - ólíklegt? Ja, Samfylkingin fellst ekki á að frysta eignir "auðjöfra" eins og VG leggur til í uppkasti sínu og þá er það komið - minnihlutastjórn VG.

Ég setti ekki gæsalappir um orðið "auðjöfrar" vegna þess að þeir væru allir orðnir blankir blessaðir, heldur finnst mér orðið JÖFUR vera tignarlegt orð og þegar ég skrifaði - auðjöfrar - fékk ég samstundis vont bragð í munninn og í örvinglun sló ég inn gæsalappir.

[Héðinn Björnsson, 27.1.2009 kl. 10:57]

Er utanþingsstjórn fram að kosningum í haust ekki besta lausnin? Þá mætti jafnvel kjósa stjórnlagaþing samtímis.