Úrtölulandslið Íslands

Samfylkingin er úrtölulandslið Íslands. Eymdarvælið í talsmönnum fylkingarinnar er að verða þjóðaráþján. Í lok 18du aldar létust um tíu þúsund Íslendingar, 20 prósent þjóðarinnar. Að jafna ástandinu núna við móðuharðindin er annað tveggja skefjalaus heimska eða yfirgengileg ósvífin þar sem tilgangurinn, að þjösna Íslandi í Evrópusambandið, helgar meðalið. Svei þér, Gylfi.

Staðan ekki alvarlegri síðan í móðuharðindunum

Athugasemdir

[marco (IP-tala skráð) 1.11.2008 kl. 17:56]

"Staðan ekki alvarlegri síðan í móðuharðindunum".  Þetta þýðir að móðuharðindin voru alvarlegra ástand en nú.

Maður gæti sagt að þú værir fyndnasti Páll Vilhjálmsson síðan sá í Stundinni okkar var og hét.  Þar með er ekki sagt að þú sért mjög fyndinn heldur er verið að bera saman Palla sem eru brandarakarlar og halda því fram að tuskupalli hafi verið fyndnari en ruglupalli.

[Eggert H. Kjartansson (IP-tala skráð) 1.11.2008 kl. 17:57]

Sæll,

Það Hannesar Hólmstein frelsi sem okkur sjálfstæðismönnum tókst að keyra Ísland á kaf með hefur reynst heimskara en en bestu lýsingarorð fá umlukið.

Samfylkingingin er í stjórn og með hverjum? Okkur!

[HH (IP-tala skráð) 1.11.2008 kl. 19:13]

Jafnvel Hannes Hólmsteinn er ekki jafn blindur áhangandi Davíðs og þú Páll. - Hvernig getur það annars gerst að fv. allaballi  og formaður Samfylkingarfélgs annað eins áhengi Davíðsdýrkunarinnar og alls þess sem hún hefur valdið þessari þjóð?

[Hörður Halldórsson (IP-tala skráð) 1.11.2008 kl. 20:13]

Pólítíkin er óskemmtileg á Íslandi,óska eftir norrænum eðalkrötum ekki þessu liði sem hugsar aldrei nokkurn tíma um almenning.Geta Íslendingar eignast einhvern Olaf Palme eða Kragh.

[Villi Asgeirsson, 1.11.2008 kl. 21:41]

Marco, kíktu inn á bloggið hans Ómars. Ástandið hefur verið miklu verr oft síðan á tímum Móðuharðindanna. Þetta er ekkert annað en bölsýnisbull í Gylfa.

[marco (IP-tala skráð) 1.11.2008 kl. 21:45]

Sammála Ómari.  Margt hefur verra hent Íslendinga frá móðuharðindum til okkar daga.  Staðhæfing Palla er aftur á móti eins og tvíveðsettur brandari úr brandarabankanum.

[Socrates (IP-tala skráð) 2.11.2008 kl. 05:48]

Palli minn, þú ert búinn að hafa lifibrauð þitt núna lengi af því að gagnrýna Baugsfeðga, Samfylkinguna og hampa krónuninni og Sjálfstæðisflokknum.

 Hvað gera menn sem tilheyra náhirð Davíðs nú?

[Gunnlaugur Ingvarsson (IP-tala skráð) 2.11.2008 kl. 08:37]

Veröldin er ekki svona svart hvít Socrates. Menn eru ekki alltaf annaðhvort þetta eða annað hvort hitt eins og ykkur ESB sinnum er svo tamt.

Hjá ykkur eru þeir taldir í náhirð Davíðs bara ef þeir eru á móti ESB....... og líka taldir í náhirð Davíðs ef þeir hafa einhverntímann gagnrínt Baugsveldið.

Svona vogiði ykkur að draga fólk í dilka. Þannig reynið þið að gera alla tortryggilega sem ekki eru sammála ykkur í ESB trúboðinu og dragið þá strax í dilka með "úlfinum" ykkar það er DO. Sannleikurinn er sá að margir okkar sem erum harðir andstæðingar ESB aðildar erum ekkert hrifnir af DO, án þess þó að við leggjum hann í einelti eins og þið gerið. Við höfum líka þessar og hinar og oft ólíkar skoðanir á þjóðmálum. Við erum ekki einn svona vælandi bölsýnis sálnakór eins og ESB trúboðið á Íslandi er orðið.

Ég tek heils hugar undir með þér Páll, þetta vol og væl Samfylkingarinnar er orðið að þjóðarböli. Það hlakkar orðið í sumum þeirra við hvert áfallið sem dynur á þjóðinni, því þá telja þeir meiri líkur á að við eigum eingra úrkosta völ nema ESB aðildina.  Hjá þeim helgar tigangurinn einn meðalið. ´

Sjálfur bý ég í ESB ríkinu Spáni og ég get alveg séð og fundið að hér er efnahagsóveðrið skollið á af fullum þunga. Húsnæðisverð hefur hrunið, fjöldagjaldþrot í byggingariðnaði, bankar riða til falls og gífurlegar verðhækkanir á nauðsynjum og verðbólgan kominn á fullt. Allt þrátt fyrir ESB og þrátt fyrir Evru. Spánverjar eru reyndar alls ekki hrifnir af Evrunni og telja hana að mörgu leyti vera rót efnahagsvandans. 

Ég segi við Íslendinga. Standiði saman og treystið á ykkur sjálf, þjóðina og kraftinn sem í henni býr. Hefjið uppbygginguna hratt og örugglega og þið munuð strax byrja að sigla uppá við útúr þrengingunum. Landið okkar á fullt af mjög verðmætum náttúruauðlyndum og þjóðin er mjög vel menntuð og klár og góð að bjarga sér.  Sannið þið til eftir 2 til 3 kanski 4 ár getur þjóðin litið hróðug til baka.

En hér í Evrópu er niðursveiflann rétt að byrja og ég spái því að hún muni vara miklu lengur og líka verða miklu dýpri en hún nokkurn tímann varð á litla Íslandi. Hérna eru nú þegar atvinnuleysi þetta 10 til 20% og búið að vera lengi, það á nú eftir að fara í svona 20 til 40% atvinnuleysi til langs tíma.

Alls ekki láta hrekjast inní ESB í ótta og reiði. Hugsið skýrt og hugsið til langs tíma. Sjálfstæðið þjóðarinnar er mjög mikils virði. Lifi Ísland.

[Georg P Sveinbjörnsson, 2.11.2008 kl. 11:58]

Mikið er flokkafjas þreytt fyrirbæri, flokkakerfið er eitt mesta böl sem hugsað hefur verið upp og pottþétt leið til að ala á sundrungu, fátt gagnast elítuógeðunum betur enn þessi endalausi hægri vinstri þvættingur, við erum öll í sama liði, gegn auðvaldseggjum.....nema náttúrulega þeir sem leggjast með þeim eða eru tilbúnir til að skríða fyrir aðvaldinu í von um að vera rétt eitt og eitt bein.

[Sigurður Þór Guðjónsson, 2.11.2008 kl. 12:44]

Athugaðu nú eitt: Gylfi er ekki að jafna ástandinu við móðurharðindin heldur að það sé það alvarlegasta EFTIR móðuharðindin. Á þessu er talsverður munur. Eftir sem áður getur staðhæfing Gylfa verið röng.