Skipstjórinn auglýsir eftir nöfnum

Vorið 2021 var Páli skipstjóra Steingrímssyni byrlað og síma hans stolið að undirlagi þriggja fjölmiðla: RÚV, Stundarinnar og Kjarnans (RSK-miðla). Lögreglurannsókn leiddi til þess að fjórir blaðamenn voru boðaðir til yfirheyrslu í febrúar 2022. 

Ungliðadeildir Pírata, Vinstri grænna, Samfylkingar, Viðreisnar og Sósíalistaflokksins boðuðu til mótmælafundar á Austurvelli. Andmælt var að  lögregla kallaði til ,,yfirheyrslu fjölmiðlafólk fyrir gagnrýna umfjöllun með erindi til almennings er óásættanleg skerðing á tjáningarfrelsi," sagði í frétt á vísi.is

Ungmennin gerðu ekki greinarmun á byrlun og þjófnaði annars vegar og hins vegar ,,gagnrýnni umfjöllun." Í umræðunni um lögleysu blaðamanna er öllu snúið á haus. Lögbrjótar og misindismenn eru vegsamaðir en þolendur hrakyrtir.

Ljósmynd er til af skipuleggjendum mótmælanna. Páll skipstjóri birtir ljósmyndina á Facebook-síðu sinni og óskar eftir nöfnum. Skipstjórinn viðar að sér efni í bók.

Þegar byrlunar- og símastuldsmálið verður gert upp er hætt við að margir skammist sín fyrir að taka málstað gerenda gegn brotaþola.

Athugasemdir

[Helga Dögg Sverrisdóttir, 28.6.2024 kl. 09:35]

Það er skelfileg tilhugsun að þetta fólk muni leggja stjórnmálastörf fyrir sig á næstu árum og áratugum. Kannski sest eitthvað af þessu fólki á þing. Ekki góð tilfinning.

[Ragnhildur Kolka, 28.6.2024 kl. 11:50]

Þau hafa drukkið hatrið á sjávarútvegnum með móðurmjólkinni.