Sema kyndir undir ofbeldi

Sema E. Serdaroglu talsmaður ólöglegra hælisleitenda á greiðan aðgang að RÚV, eins og vænta má. Í ríkisfjölmiðlinum fær Sema vettvang til að saka Bjarna Benediktsson utanríkisráðherra um hatursorðræðu.

Ásökun Semu í RÚV á hendur utanríkisráðherra er hvatning til öfgafólksins að taka lögin í sínar og virða að vettugi landslög. Vinir og félagar Semu í tjaldbúðunum á Austurvelli hafa þegar hótað að beita ofbeldi. Orðræða Semu kyndir undir bál ofstækis.  

Sema er þjálfaður aðgerðasinni sem beitir þekktri aðferð stigmögnunar til leysa ofbeldi úr læðingi. Með því að kenna utanríkisráðherra við hatur gefur Sema grænt ljós til fólks af hennar sauðahúsi að grípa til róttækari aðgerða. Sýna menningu okkar og samfélagi meiri vanvirðingu, kveikja eldmóð í huga óreiðufólks.

Sema er aðalhöfundur að alræmdri yfirlýsingu háskólamanna sem styðja fjöldamorð Hamas í Ísrael 7. október. Sú yfirlýsing var hvatning til aðfarar að utanríkisráðherra þegar hann heimsótti Harmas-hreiðrið í Vatnsmýrinni.

RÚV elur á ofbeldisvæðingu samfélagsins með því að gefa undir fótinn hvatningu Semu E. Serdaroglu um að leiða ofstopa og andstyggð til öndvegis.

Haldi fram sem horfir verður hælisofbeldi Semu og félaga svarað í sömu mynt. Heiftin í orðræðunni styttir kveikjuþráðinn. Þeir eru æ fleiri sem átta sig á að innflutningur framandi ofbeldismenningar endar með skelfingu.

Skvettu rauðri málningu á utanríkisráðuneytið

Athugasemdir

[Guðmundur Böðvarsson, 23.1.2024 kl. 14:57]

Á skal að ósi stemma..

[Geir Ágústsson, 23.1.2024 kl. 19:08]

RÚV titlar hana sem formann Solaris. Ég sá fyrir ekki löngu síðan löngun til að sjá hvað Solaris sé að gera og hafi gert fyrir styrktarfé sem runnið hefur til samtakanna. Ekki veit ég til þess að viðkomandi hafi fengið svar. 

[Grímur Kjartansson, 23.1.2024 kl. 20:05]

"RÚV elur á ofbeldisvæðingu samfélagsins"
og sjónvarpsfréttirnar í kvöld eru lifandi sönnun fyrir því