Karlar hafna woke-háskólum

Háskólar láta á sjá. Áður voru þeir miðstöð þekkingar og gagnrýnnar hugsunar; núna er í forgrunni hugmyndafræði, hjarðhugsun og þöggun. Bábiljur að kynin séu þrjú, fimm eða seytján og loftslagið sé manngert tröllríða háskólum með tilheyrandi væli um endalok heimsins. Þar sem áður var leit að sannindum ríkir ótti og fáfræði.

Háskólanám sem samvera til að velta sér upp úr eymd og volæði höfðar síður til karla en kvenna. Reðurhafar fá ekki mánaðarveikina þar sem allt er ómögulegt í tíu daga. Armæðufræðin finna frjósamari jarðveg í legberum.

Kvenvæðing menntunar hefst strax í leik- og grunnskóla. Um 90 prósent kennara eru konur. Karlar eru orðnir leiðir á legberum þegar komið er í framhaldsskóla. Þeim fjölgar sem hrýs hugur af ítroðslu hugmyndafræði sem á fátt sameiginlegt veruleikanum. Séu atvinnuhorfur þokkalegar hverfa þeir til starfa eða læra eitthvað hagnýtt, iðn til dæmis.

Fleiri þættir skipta máli um akademískt áhugaleysi karla. Menntun gefur ekki sömu starfsmöguleika og áður. Margrét Pála í Hjallastefnunni gerði fyrir mörgum árum samlíkingu á óhamingjusama mannfræðingnum og gifturíka gröfukallinum.

Hlutfallsfækkun reðurhafa í háskólum hófst um aldamótin. Um svipað leyti náði póstmódernismi ráðandi stöðu i háskólasamfélaginu. Woke er skilgetið afkvæmi.

 

 

 

 

Strákarnir ekki alltaf vandamálið

Athugasemdir

[Ragnhildur Kolka, 1.5.2023 kl. 10:09]

Gríðargóð grein eftir geðlæknirinn/heimspekinginn Iain McGilchrist í vefritinu Unheard um hvernig vinstri-heila hugsun nútímans er að rústa vestrænna menningu. Kíktu á hana. 

[Guðmundur Böðvarsson, 1.5.2023 kl. 10:10]

Erfitt að orða þetta betur...

[Sindri Karl Sigurðsson, 1.5.2023 kl. 12:14]

Sæll Páll.

Ég var að vinna með Ameríkana síðustu tvær vikurnar og við ræddum akkúrat þann part sem snýr að menntuninni. Hann setti þetta þannig upp og nefndi  dæmi út frá sinni reynslu: Doktor í sínu fagi horfir á pípara sem á allt, hús, stóran bílskúr og allt þetta sem telst stimpla viðkomandi inn í þjóðfélagið. Doktorinn segir beint út; mér mun ekki endast ævin í að borga námslánið... Þessi Kani sem ég vísa til er sjálfur há menntaður og doktorinn og píparinn í stórfjölskyldunni.