Meiri ótti, færri börn: Z-kynslóðin

Barnsfæðingar hér á landi eru í frjálsu falli, er haft eftir sérfræðingi í málaflokknum. Kynslóðin sem ætti að bera uppi barnsfæðingar er á alþjóðvísu kennd við Z og fæddist á síðasta áratug 20stu aldar.

Bandaríski félagsfræðingurinn Jonathan Haidt segir Z-kynslóðina yfirhlaðna ótta við allt og alla og búi að skertri félagslegri færni og dómgreind. Allt þrennt má rekja til samfélagsmiðla, segir sá bandaríski.

Z-kynslóðin fékk óttann matreiddan af frjálslyndum vinstrimönnum, hippakynslóðinni. Al Gore, fyrrum varaforseti Bandaríkjanna, er einn höfuðsmiður ímyndarinnar um manngert veður, að koltvísýringur, CO2, valdi ragnarökum. Hver vill fæða barn sem mun stikna í manngerðu helvíti?

Tveir punktar á einni glæru staðfesta að öll hugmyndafræðin um manngert loftslag er uppspuni. Jarðfræðingurinn Ian Plimer sýndi glæruna á ráðstefnu í vetur. 

Fyrri punkturinn er þessi: Aldrei hefur verið sýnt fram á að koltvísýringur af mannavöldum, sem er aðeins 3 prósent af koltvísýringi í andrúmsloftinu, valdi hlýnun.

Seinni punkturinn: Ef það væri sýnt fram á að manngerður koltvísýringur ylli hlýnun yrði jafnframt að sýna fram á að 97 prósent koltvísýrings andrúmsloftsins, sem er náttúrulegur, valdi ekki hlýnun.

Koltvísýringur er náttúrleg lofttegund sem er undirstaða alls plöntulífs á jörðinni. Án koltvísýrings væri jörðin óbyggileg. En blessuðum börnunum er kennt að óttast náttúruleg fyrirbæri. Engin furða að þau sýni lítinn áhuga að fjölga sér þegar þau komast á æxlunaraldur.  

Athugasemdir

[Guðmundur Böðvarsson, 7.4.2023 kl. 11:22]

Sá nýtt viðtal við Gore þar sem bogaði af honum svitinn við að lýsa komandi ragnarökum.

[Ingólfur Sigurðsson, 7.4.2023 kl. 12:38]

Útrýming mannkynsins stendur yfir og mun útrýma mannkyninu innanfrá, femínismi er aðalástæðan. Hjálparstarfið í fjarlægum heimshlutum er hernaðaraðgerð frá Þór hinum almáttuga. Kristur leikur með, og guð eingyðistrúarbragðanna. Sambandinu á milli þeirra er lýst í Eddum okkar. Erfðasyndin er skortur á dýrkun guðanna í alheiminum (búlginum) Mú fyrir langa löngu, skortur á þjóðrækni þar, sem leiðir allt til nútímans. 

Trúarbrögðin vinsælustu er öll með mikil sannindi í sér, en samt afbökun, enda langur tími frá því atburðirnir gerðust sem sagt er frá.

Óttinn við hamfarahlýnun hefur næstum engin áhrif á tíðni fæðinga.

Ástæðan er margþætt. 

1) Mengun eins og frá plastefnum veldur minni frjósemi á heimsvísu. Mengun frá öðrum gerviefnum líka. Þar eru skaðvaldar sem skaða líffræði manna og dýra.

2) Femínistar hafa kerfisbundið unnið að því að eyðileggja hefðir og siði, en frjósemitrúin er eldri en eingyðistrúarbrögðin og gengur í gegnum þau eins og rauður þráður, og stuðlar að viðgangi tegundanna, eða gerði það áður en Frankfurt skólinn og aðrar helstefnur sigruðu Vesturlönd.

3) Samskipti kynjanna eru öll í rúst á okkar tímum út af byltingum sem éta börnin sín. Hvernig ætti fólk að hafa áhuga á að elskast þegar hatrið á milli kynjanna er gert meira áberandi en virðing og ást á milli kynjanna?

4) Auk þess jafnvel meðal gagnkynhneigðra para er búið að koma upp hugmyndum um að fresta barneignum og það sem atvinnuframa kvenna í hag, eða betra fyrir umhverfið að eignast ekki börn.

Andúð sumra hægrimanna á umhverfisvernd leiðir þá útí hin mestu fen.

Góðar stundir og gleðilega páska.

[Svanur Guðmundsson, 7.4.2023 kl. 13:10]

CO2 í andrúmslofti er 0,03% ekki 3%

Svo er eini mælihvarðinn notaður sem fenginn er af einum punkti á jörðinni af eldfjalli í dvala. 

[Páll Vilhjálmsson, 7.4.2023 kl. 14:10]

Koltvísýringur í andrúmsloftinu er 400 ppm eða 0,04 prósent. Það er almennt viðurkennt. Plimer segir, og ég hef eftir honum, að af þessum 400 ppm er 97 prósent náttúrulegur koltvísýringur en aðeins 3 prósent manngerður. Ég hef séð tölur á bilinu 96-98 prósent. Það er bitamunur en ekki fjár.