Áfrýjun til landsréttar, málskostnaður

Tilfallandi bloggari var fyrir helgi dæmdur til að greiða tveim blaðamönnum RSK-miðla um 2,5 m.kr. vegna bloggskrifa um aðild RSK-miðla að byrlun Páls skipstjóra Steingrímssonar og stuldi á síma. ,,...það má ekki segja hvað sem er um hvern sem er," sagði annar blaðamannanna, Þórður Snær Júlíusson, ritstjóri Heimildarinnar, við dómsuppsögu á föstudag.

Tjáningarfrelsið er sem sagt fyrir fáeina útvalda. Þeir sem andæfa ráðandi frásögn fjölmiðla og vekja athygli á lögleysunni hljóta verra af - til dæmis málssókn. Dómnum frá föstudag verður áfrýjað enda tekur engu tali að ekki megi segja á opinberum vettvangi að málsaðilar eigi aðild, beina eða óbeina.

RSK-miðlar, RÚV, Stundin og Kjarninn (nú Heimildin) eru fjármagnaðir af ríkinu. RÚV er á fjárlögum og Heimildin fær fjölmiðlastyrk úr ríkissjóði. Tilfallandi bloggari er launamaður.

Lesendur hafa haft samband og spurt hvernig mætti leggja tilfallandi athugasemdum lið með fjárframlagi vegna málskostnaðar. 

kRST lögmenn ehf. hafa verið svo vinsamlegir að opna fjárvörslureikning til að halda utan um málskostnaðinn. Þeir sem vilja leggja málinu lið er bent á reikninginn sem skráður er hér að neðan - með fyrirfram þökkum frá tilfallandi bloggara.

KRST lögmenn ehf.

Kennitala

711204-2960

Reikningsnúmer

0513-14-640046

 

Páll vill draga „þjófsnauta“ fyrir Landsrétt

Athugasemdir

[Jack Daniel's, 26.3.2023 kl. 11:25]

Úr 73. grein stjórnarkrár lýðveldisins:
"73. gr.

 [Allir eru frjálsir skoðana sinna og sannfæringar.
 Hver maður á rétt á að láta í ljós hugsanir sínar, en ábyrgjast verður hann þær fyrir dómi."

Þú varst dæmdur á grunni þess að þú fórst með ósannindi, dylgjur og lygar á hendur einstaklingum sem áttu sér enga stoð í raunveruleikanum og fyrir það varstu dæmdur.
Þú mátt segja hvað sem er en eins og kveður á um í 73. grein þarftu að standa skil á orðum þínum fyrir dómi ef einhver ákveður að kæra eins og gert var í þessu tilfelli.
Hættu svo að væla og grenja bölvaður auminginn þinn því þú fékkst nákvæmlega það sem þú áttir skilið og baðst um.

[Richard Þorlákur Úlfarsson, 26.3.2023 kl. 11:56]

,,...það má ekki segja hvað sem er um hvern sem er, 

nema þú sért í liði með góða fólkinu þá máttu ljúga, níða, fremja lögbrot og leggja líf annarra í rúst.

[Jón Páll Garðarsson, 26.3.2023 kl. 12:21]

Ekki segja mér, Richard, að Samherji sé í liði með góða fólkinu?

[Jósef Smári Ásmundsson, 26.3.2023 kl. 12:26]

Það er ekki búið að dæma í símastuldsmálinu. Ekki einu sinni komin ákæra. Meðan svo er ekki teljast sakborningar saklausir þar til sekt er sönnuð. Þessvegna geta menn átt yfir sér ákæru  fyrir að tjá sig um mál.

[Torfi Magnússon, 26.3.2023 kl. 12:59]

Af hverju lagðir þú ekki fyrir dóminn það sem þú hefur fyrir þér í málinu um að þeir séu grunaðir um byrlun og þjófnað?

[FORNLEIFUR, 26.3.2023 kl. 15:39]

Íslenskt réttarkerfi færist æ lengra frá dönsku frumgerðinni. Það vantar bara kviðdóma þéttsetna vel völdum gæðingum.

[Heimir Lárusson Fjeldsted, 26.3.2023 kl. 17:06]

Tók eftirfarandi ófrjálsri hendi af Facebókarsíðu Baldurs Hermannssonar snillings:

''Herjans þrjótarnir hanka meistara Palla Vill á einhverjum tittlingaskít og hyggjast þagga niður í honum í eitt skipti fyrir öll með digrum og ósanngjörnum sektum, en þeim verður ekki kápan úr því klæðinu því nú tökum við smáfuglarnir til okkar ráða og látum af hendi rakna ... eða væng ... þótt ekki væri nema eitt lítið fræ og mun þá sannast að margt smátt gerir eitt stórt.

Það er ekki á eins manns færi að halda uppi vörnum fyrir tjáningarfrelsið í landinu, við verðum allir að leggja gjörva hönd að því verkefni, gerum það sem í okkar valdi stendur, þótt lítið sé, til þess að verja þá sem verja sannleikann og frelsið til að tala og skrifa.

Ég var ekki höndum seinni að snara út nokkrum þúsundköllum fyrir þennan góða málstað og hvet þig, góði vinur, til þess að gjöra slíkt hið sama ... Páll Vilhjálmsson berst fyrir okkur og nú skulum við hjálpa honum!''

Vonandi fyrirgefst mér.

[Ragnhildur Kolka, 26.3.2023 kl. 17:53]

Ruv og Stundin og Kjarninn hafa ekki átt í neinum vandræðum með að fjalla um Namibiumálið án þess að nokkrar sannanir liggi fyrir. Fjallað um fyrirtækið, eigendur og starfsmenn eins og þeir væru stórglæpamenn. Svo það er ekki eins þeir séu óvanir því að menn dragi ályktanir af sögusögnum.