3 Nató-ríki vilja sneiðar af Úkraínu

Nató-ríkin Pólland, Rúmenía og Ungverjaland hafa augastað á vesturhéruðum Úkraínu. Pólland er lengst komið með sínar áætlanir, segir einyrki sem hlerar slavnesku umræðuna. Héruðin voru fyrrum hluti ríkjanna þriggja.

Þórdís utanríkis segir að ,,viðnámsþróttur" ríkja skipti máli. Sá þróttur má sín lítils í raunpólitík. Þar gildir að kjósa sér af kostgæfni óvini ekki síður en vini. Úkraína valdi sér Nató að vini og söðlaði glæp á óhapp; gerði Rússland óvinveitt. 

Meint vinaríki Úkraínu leggja á ráðin um að skipta með sér herfanginu sem Rússar sjá um að afla með sigri á austurvígstöðvunum.

Forseti framkvæmdastjórnar Evrópusambandsins segir í yfirlýsingu, sem síðar var dregin tilbaka, að 100 þúsund úkraínskir hermenn hafi fallið. Efnahagur og innviðir eru í rúst, milljónir eru á flótta frá heimkynnum sínum.

Blóðfórnum Úkraínu til Nató er svarað með áætlunum að lima í sundur Garðaríki er færi gefst. Með slíka vini er tæpast þörf á óvini.

Raunpólitík, Þórdís, ræður för. Viðnámsþróttur ræðst af dómgreind. Þar blífur að eiga föruneyti annars vegar og hins vegar andstæðinga til samræmis við veruleika en ekki óskhyggju. 

Þórdís ræddi stöðu landa í nágrenni við Rússland

Athugasemdir

[Emil Þór Emilsson, 1.12.2022 kl. 08:19]

er eki Úkraína óheppið peð í valdarbaráttu glóbalista, sem vilja valda orkuskorti og eyðileggja matvælaframleiðslu.

[Geir Ágústsson, 1.12.2022 kl. 08:45]

En eru landamæri Úkraínu ekki heilög? 

Ekki til viðræðu, ólíkt landamærum Serbíu.

Ekki umdeild, eins og landamæri Vestur-Sahara.

Ekki til að kjósa um, eins og í tilviki Schleswig-Holstein.

Nei, heilög og frosin síðan einhvern tímann um miðja 20. öld.

[Jón Þórhallsson, 1.12.2022 kl. 10:16]

"Úkraína valdi sér Nató að vini

og söðlaði glæp á óhapp; gerði Rússland óvinveitt". 

---------------------------------------------------------------------------

Af TVEIMUR SLÆMUM KOSTUM

Erum við þá ekki sammála um að 

Zelenski hefði

"betur heima setið en af stað farið"

í þann leiðangur?

[Ragnhildur Kolka, 1.12.2022 kl. 10:29]

Nú hefur Birni Bjarnasyni bæst liðsauki í neocon-deildina. Þórdís Kolbrún gefur honum ekkert eftir þegar hún kastar olíu á bálið með umræðu um Georgiu og Moldovu. 

[Birgir Loftsson, 1.12.2022 kl. 10:45]

Þetta er bara hugarórar einstakra manna. Pólland getur ekki tekið sneið af Úkraníu né önnur NATÓ-ríki. Bamdalagið myndi koma í veg fyrir það. Pólland þarf meira á NATÓ að halda en NATÓ á því.  

[Skeggi Skaftason, 1.12.2022 kl. 16:17]

Rússasleikjuhátturinn hér veður áfram.

Samkvæmt Moskvu-Palla eru það ekki Rússar (sem réðust inn í fullvalda ríki) sem eru vondir, heldur nágrannaþjóðir Úkraínu til vesturs sem "ásælast" Úkraínu. Heimildin? Nú, auðvitað einhver klikkhaus á Youtube.

Éttu skít Páll Vilhjálmsson. Þinn eigin skít.