Loftslagssvindlið, Climategate, 12 ára

Climategate er tólf ára. Tölvupóstar afhjúpuðu vísindamenn sem beittu svindli og bolabrögðum til að verja kenninguna um að loftslag væri manngert en ekki náttúrulegt. Vísindamennirnir stungu undir stól gögnum, lögðu á ráðin að vísindagreinar sem ekki féllu að kenningunni fengju ekki birtingu og að miðaldahlýskeiðið yrði ritskoðað í burtu úr þekkingarforðanum. Allt til að blekkja, ekki upplýsa.

Í tilefni af afmælinu eru nokkrar valdar tilvitnanir úr tölvupóstum svindlaranna birtar.

Ef loftslagsvísindi virkuðu sem skyldi yrði samsærismönnum Climategate úthýst úr vísindasamfélaginu, - a.m.k. þangað til þeir sæju að sér og lofuðu bót og betrun.

En loftslagsvísindi eru að stórum hluta trúarbrögð, ekki vísindi, segir Richard Lindzen sem kann sín loftslagsfræði. Ómerkilegu fræðingunum er lyft á stall í þágu pólitískra hagsmuna.

Einn þeirra vísindamanna sem þeir ómerkilegu baktöluðu, Judith Curry, kom nýlega fram í viðtali og sagði það sem allir utan safnaðarins vita: loftslagið lýtur náttúrulegum ferlum en ekki manngerðum. Það er engin loftslagsvá.

Mun sértrúarsöfnuðurinn taka sönsum? Nei, eðli sértrúarhópa er taka ekki mark á rökum og reynslu. Trú veitir fullvissu. Bábiljur skapa pólitíska vígstöðu. 

Vísindi, sem standa undir nafni, eru alltaf með þeim fyrirvara að ný gögn gætu umbylt viðurkenndri niðurstöðu. Vísindi og efi haldast í hendur. Af því leiðir hógværð sem ávallt er í andstöðu við trúarsannfæringu. 

Athugasemdir

[Rúnar Már Bragason, 27.11.2022 kl. 12:03]

Verst að þetta smitar inn í stofnanir þjóðfélagsins sem trúa þessu. Í Morgunblaðinu í gær var smá frétt um Siglufjaraðarveg sem hefur sigið frá því hann var gerður. Viðmælandinn hjá Vegagerðinni hélt því fram að vegna loftlagsbreytinga þá rigndi meira, þótt allar veðurtölur sýni ekki meiri rigningu en áður. Vegstæðið er lélegt enda vitað að í þessum bröttum hlíðum fyrir norðan þá er jarðvegurinn laus í sér.

Þessari trúarsannfæringu stofnanna þjóðfélagsins þarf að vinda ofan af.

[Júlíus Valsson, 28.11.2022 kl. 08:50]

Eina alvöru "gróðurhúsalofttegundin" er vatnsgufa (H2O) en það má víst ekki minnast á það. 

[Geir Ágústsson, 28.11.2022 kl. 11:08]

Páll,

Er ekki til áreiðanleg heimild um breytingar NATO á hitatölum Reykjavíkur?