Raunsæi í Úkraínu - og friður?

Rússar yfirgefa vesturhluta Kherson-héraðs án þess, að því er virðist, að Úkraínuher láti kné fylgja kviði og geri árásir á rússneska herliðið þegar það hörfar. Herlið á undanhaldi er ákjósanlegt skotmark. 

Yfirbragðið er að samið hafi verið um, á bakvið tjöldin, að Rússar fengju að flytja herlið og búnað austur yfir ánna Dnepr. 

Undanhaldið er bæði hernaðarlegur og pólitískur ósigur Rússa. Vesturhluti Kherson var orðinn formlegur hluti Rússlands, með þjóðaratkvæðagreiðslu, en hafði, vitanlega, verið úkraínskt land fyrir innrásina 24. febrúar.

Stórskotaliðsárásir Úkraínuhers á brýr og stífluvegi yfir Dnepr-ánna gerðu birgðaflutninga Rússa austur yfir ánna nær ómögulega. Þrátt fyrir að yfirgefa vesturhluta héraðsins halda Rússar enn landveg frá Rússlandi til Krímskaga.

Ef það er svo að samið hafi verið um undanhald Rússa í Kherson gæti meira verið undir. Rússar hafa haldið að sér höndum með árásir á rafmagnskerfi Úkraínu síðustu daga. Kerfið er komið að fótum fram. Frekari árásir gætu gert úkraínskar stórborgir nær óbyggilegar. Víst er að Rússar eiga nægar eldflaugar og dróna til að reka smiðshöggið á eyðileggingu raforkukerfisins. En þeir láta það ógert í bili.

Á vesturlöndum gætir vaxandi stríðsþreytu. Úkraínustríðið eykur efnahagsvanda í heiminum, sem háður er úkraínsku og rússnesku korni ekki síður en orku. Þá er hætta á stigmögnun, að fleiri þjóðir dragist inn í stríðið og að kjarnorkuvopnum verði beitt. Hvorugt er gott fyrir viðskipti og velmegun. 

Stjórn Selenskí forseta er á milli steins og sleggju. Stefnan er að gefa ekki eftir þumlung af landi til Rússa og halda áfram stríðinu með vestrænum stuðningi. Rússar munu ekki hætta hernaði nema rússneskumælandi íbúar Úkraínu fái að sameinast móðurlandinu. Það þýðir breytt landamæri.

Það er stál í stál en stríðsaðilar virðast engu að síður tala saman á bakvið tjöldin, samanber skipulegt undanhald Rússa frá Kherson. Kannski sigrar raunsæið. Þá er skammt í friðinn.

 

Pútín mun ekki hitta Biden á Balí

Athugasemdir

[Ragnhildur Kolka, 11.11.2022 kl. 08:58]

Það er ekki bara farið að örla a stríðsþreytu í vestrinu. Það er líka farið að glitta í botninn á vopnakistunum og tilhugsunin að fá holskeflu (6-7 milljónir) Ukrainumanna til viðbótar er ógnvekjandi. En það myndi gerast ef Rússar rústuðu endanlega raforkukerfi þeirra. 

[Helga Kristjánsdóttir, 11.11.2022 kl. 18:01]

Þau eru þá ekki alveg staur lesblind á afleiðingarnar sem þokuðu Globunum til efnahags alvalds,uns guð okkar kemur í sinni dýrð.

[Lárus Ingi Guðmundsson, 11.11.2022 kl. 19:48]

Ef ad LANDAKORTIÐ ER SKOÐAÐ, AÐ ÞÁ SÉR MAÐUR AÐ FLJÓTIÐ KLÝFUR UKRAINU Í TVENNT !!!!!

Er hugmyndin kannski hjá Russum, að láta staðar numið við fljotið alla leiðina til kiev  og nota fljótið sem einskonar BUFFER ZONE á milli nýju Russneskju héraðana og ukrainu. 

Russar hafa sagt að þeir hafi ekki áhuga á að taka alla úkrainu yfir, en ef að landakortið er skoðað, að þá sér maður að það gæti verið ákjósanlegt að enda stríðið með þvi að láta staðar numið við fljótið, og ef að Ukrainumenn vilja hinsvegar halda áfram stríðinu, að þá geta þeir ekki gert það nema að fara yfir fljótið sem klifur Ukrainu í sundur alla leiðina til kiev. 

Staðreyndin er su að allur frétta fluttningur er á þá leið, að Russar viti ekki hvað þeir eru að gera, en það er enginn þjóð í heiminum sem að hefur þurft að verja sig jafn oft og Russar og þá gagnvart þeim er kalla sig Nato og Esb í dag. 

52 sinnum, þá hefur verið ráðist á Russa og Russlands stendur enn, og þeir sem að hafa verið að verki í flest öll skiptin er Rómversk kakþolska elitan, sem að kallar sig Esb og Nato í dag. 

Napoleon og Russland. 

þegar að Napoleon réðist inn í Russland, að þá ,, HÖRFUÐU ,, Russar og Napoleon koms alla leiðina inn í Moskvu. 

þar þá stóð Napoleon sigri hrósandi, taldi sig hafa unnið Russland. 

það sem að skeði hinsvegar á þeim tíma, var það að öll russneskja þjoðin breyttist í hermenn og umkringdu Moskvu og alla hermenn Napoleons. 

Á þeim tíma, þá áttaði Napoleon sig á þvi, að hann hafði sannanlega vantalið hermenn Russlands. 

þeir voru nefnilega umkringdir, allri Russneskju þjóðinni sem að réðist gegn hinum sigri hrósandi Napoleon, og þar þá murkuðu Russar lífið úr hermonnum Napoleons, þar sem að hann var inni króaður í Mosvku.

það skal nenfilega enginn vanmeta Russa, þvi að hörfa er ekki að sama og tapa, heldur merki um sveiganleika í hernaði sem Russar kunna líklegast manna best. 

Sumir kunna bara að sækja fram en ekki að hörfa, þvi að þeir falla í þá gryfju að líta á það sem veikleika merki að gefa eftir, en Russar kunna hvoru tveggja nokkuð vel í hernaði, samamber sagan af Napoleon, þar sem að þeir gáfu honum eftir alla leiðina til Moskvu , en unnu stríðið engu að síður.

KV

LIG