Leiðrétting á kyni, veðri og landamærum

Börn vita hvort þau séu af réttu kyni eða ekki. Þá vita börn, sbr. Gréta Thunberg, að veðurfarið sé ekki náttúrulegt heldur manngert.

Bernskir fullorðnir halda þeim bábiljum að börnum að hvorki sé kyn né veðurfar gefið af náttúrunni heldur mannasetningar. Alla skráða mannkynssöguna er þessu á annan veg farið. Það er aðeins á tímum netsins og samfélagsmiðla sem hugdettunni vex fylgi að kyn og veðurfar séu mannlegar afurðir en ekki náttúrulegar.

Rökrétt ályktun er að auknar upplýsingar geri fólk grunnhyggið. Það trúir á bábiljur, sem dreift er á félagsmiðlum, fremur en það sem liggur í augum uppi og almenn skynsemi segir.

Ef fólk trúir að hægt sé að leiðrétta kyn og veðurfar er auðvelt að telja því trú um að náttúruleg landamæri séu meira upp á skraut en að þau hafi einhverja merkingu. Á Fróni fá aldraðir Íslendingar ekki inni á hjúkrunarheimilum vegna þess að fólk frá framandi menningarheimum sækir Ísland heim í leit að velferðarþjónustu. Viðhorfið er að nóg sé til í örríkinu til að bjarga megi heimsbyggðinni frá þeim ömurleika að búa annars staðar en hér á landi.

Þeir eru nógu margir sem telja bráðnauðsynlegt að sinna útlendingum með íslenskri velferð fremur en að búa öldruðum Íslendingum áhyggjulaust ævikvöld. Hópurinn sem um ræðir kallast góða fólkið og er kjósendahópur sem allir stjórnmálaflokkar óttast að fá upp á móti sér.

Það er meira og minna sama fólkið sem heldur að kyn, veðurfar og náttúruleg landamæri séu tilbúningur sem megi breyta með hugdettu. Merkilegast af öllu að þorri þessa fólks telst upplýst, margt með háskólapróf og er sínettengt með alla heimsins þekkingu við fingurgómana. En fingurgómarnir á lyklaborðinu leita frekar uppi bábiljur en harðar staðreyndir. Bábiljurnar hljóma betur, sefar taugaveiklun fólks án jarðtengingar. 

Upplýsingar án almennrar skynsemi leiða fólk inn í heim ímyndunar handan veruleika. Til að ímyndin verði ekki afhjúpuð sammælist góða fólkið um að leggja í einelti þá sem ekki kyssa vöndinn er sópar undir teppið hörðum staðreyndum; að kyn er líffræði en ekki hugarfar, að náttúran ræður loftslagi og að þjóðfélag án landamæra er óreiða. 

Banna kynleiðréttingar á börnum

Athugasemdir

[Loncexter, 6.11.2022 kl. 10:22]

Áhugaverður pistill Páll. Svo væri gaman að hugleiða hvort ísland hafi eitthvað upp á að bjóða þegar skattgreiðendur íslands hafa gefist upp og flúið land, og afríkubúar ásamt aröbum hafi tekið við velferðarkeflinu.

Fyrst að þeim tókst ekki að græja velferðarkerfi í sínum löndum, mun það heldur ekki gerast hér.

[Sigurður Kristján Hjaltested, 6.11.2022 kl. 11:23]

Gódur pistill og svo sannur.

[Helga Dögg Sverrisdóttir, 6.11.2022 kl. 11:44]

Fjölmiðlar vilja enga umræðu um málaflokkinn ,,kynleiðrétting" og því er umræðan einhliða. Upplifði það nú síðast á þingi Kennarasambands Íslands. Sendi inn grein á Vísi.is og Kjarnann sem fjallaði nkl. um þetta mál frá Flórída sem og önnur lönd. Talaði um hormónabælandi lyf og áhrif þeirra á börn. Þórður Snær Júlíusson svaraði mér, greinin ekki birt og hann endaði mál sitt á þennan hátt ,,Greinin þín stenst ekki almennu viðmiðin okkar og verður því ekki tekin til birtingar sökum þess að í henni er meðal annars að finna sértæka umfjöllun um viðkvæm málefni sem byggja í besta falli á afar hæpnum heimildum." 

Þórður skoðar ekki heimildir, varð mér ljóst þegar ég sá þetta svar. Kjarninn tekur ákvörðun líkt og aðrir fjölmiðlar þá ákvörðun að ræða kynáráttuvanda einhliða. Fagna má að mbl.is segi aðeins frá málinu, þeir mættu ræða um Svíþjóð, Bretland og önnur ríki í USA sem hafa farið sömu leið.

[Jónatan Karlsson, 6.11.2022 kl. 16:35]

Bilunin er því huglæg, hvernig sem á það er litið - ekki satt?

[Halldór Egill Guðnason, 6.11.2022 kl. 16:56]

 Thakka godan pistil og kjarnyrtan, um malefni sem varla ma raeda nema undir ritskodudum formerkjum goda folksins.

 Kvedja ad sunnan.

[Heimir Lárusson Fjeldsted, 6.11.2022 kl. 20:45]

Þakka góða grein.