Samstillt RSK-árás á Pál skipstjóra

Sex nafnlausir einstaklingar tilkynntu síðdegis í gær til Facebook að reikningur Páls skipstjóra Steingrímssonar væri falsreikningur. Facebook lokaði reikningi Páls, sem hefur verið  virkur á miðlinum frá 2009. Undanfarið hefur skipstjórinn reglulega birt færslur þar sem hann m.a. fer yfir bók blaðamanna RSK-miðla (RÚV, Stundarinnar og Kjarnans) um Namibíumálið og hrekur lið fyrir lið rangar staðhæfingar og mistúlkanir.

Á þriðjudag var Páll kallaður til yfirheyrslu vegna langsóttrar kæru Stefáns útvarpsstjóra og tveggja blaðamanna á Stundinni og Kjarnanum.

Í gær sendi starfsmaður RÚV, og formaður Blaðamannafélagsins, kröfu til umboðsmanns alþingis að hefja athugun á rannsókn lögreglu á blaðamönnum sem bendlaðir eru við að byrla Páli skipstjóra og stela síma hans í byrjun maí í fyrra.

Málsvörn blaðamannanna er að þeir hafi fengið síma Páls frá þriðja aðila og það eitt til saka unnið að skrifa fréttir upp úr símanum en hvergi komið nærri byrlun og stuldi.

Skýtur skökku við að RSK-miðlar skuli berjast um hæl og hnakka gegn framgangi málsins í réttarkerfinu ef aðkoma þeirra að málinu er jafn óveruleg og þeir vilja vera láta.

Það sem hingað til er vitað um málið gefur til kynna að aðild blaðamannanna sé stórum meiri. Lögreglan er með samskiptagögn er sýna regluleg samskipti blaðamanna við gerandann, sem byrlaði Páli, stal síma hans og afhenti blaðamönnum.

Lögreglan leggur gögn sín fram þegar ákærur er birtar og fyrir rétti. Blaðamenn RSK-miðla mega ekki til þess hugsa að alþjóð fái vitneskju um starfshætti blaðamannanna, sem í þokkabót eru allri hlaðnir verðlaunum frá Blaðamannafélagi Íslands.

Það er sérstakt íhugunarefni að Páll skipstjóri er nánast einn um að koma sinni hlið á framfæri á opinberum vettvangi - og notar til þess Facebook. Fjölmiðar í stórum stíl skrifa fréttir í þágu RSK-miðla, spyrja ekki gagnrýnna spurninga og leyfa sakborningum að stýra umræðunni þar sem hagsmunir þeirra sjálfra eru í húfi.

RSK-málið sýnir íslenska fjölmiðlun í höndum sakborninga. Dapurt, svo ekki sé meira sagt.

Umboðsmaður skoði mál lögreglu gegn blaðamönnum

Athugasemdir

[Gunnar Heiðarsson, 3.11.2022 kl. 07:22]

Það er merkilegt að sjá hvað sumir fjölmiðlar vinna núna hart að því að gera lögregluna ótrúverðuga. Nota jafnvel mismikla lögmenn sér til hjálpar í því. Fúaspottinn í þessari baráttu þessara fjölmiðla er faðir ríkislögreglustjóra, en eins og alþjóð veit þá sagði hún sig frá ákveðinni rannsókn strax og faðir hennar kom inn í þá rannsókn. Það er fátt sem ríkislögreglustjóri hefði getað gert annað í málinu, reyndar ekkert. Hún tók rétta ákvörðun út frá þeim forsendum sem upp komu.

Fólk ætti að spyrja sig hvers vegna ruv grípur þennan fúaspotta núna, þegar nálgast að mál nokkurra fréttamanna koma fram fyrir dómara.

[Tómas Ibsen Halldórsson, 3.11.2022 kl. 12:27]

Það vekur furðu að svokallaðir fréttamenn þori ekki að koma fram og verja mál sitt hafi þeir ekkert á samviskunni að fela.

En það er merkilegt að formaður Blaðamannafélagsins skuli láta það út úr sér að önnur lög og regla gildi um blaðamannastéttina en aðrar stéttir.

Ætli þeir telji aðra stjórnarskrá gilda um sig en almúgann?????

[Heimir Tómasson, 3.11.2022 kl. 22:30]

Þú ert svo yndislega klikkaður :-) Það er alltaf svo gaman að lesa pistlana þína. Reyndar er það þjóðþrifaverk, restin af Íslandi virkar normal eftir að hafa lesið þetta.