Skoðun rannsökuð, en ekki leki

Sigríður J. Friðjónsdóttir ríkissaksóknari ætlar að ,,skoða" ummæli Helga Magnúsar Gunnarssonar vararíkissaksóknara. Í raun eru ummælin rannsökuð. Annars myndi Sigríður einfaldlega segja sína skoðun á skoðunum Helga.

Í vor var framið alvarlegt trúnaðarbrot í landsrétti þegar rannsóknagögnum var lekið til RSK-miðla sem hýsa sakborninga í alvarlegu refsimáli er varðar byrlun og gagnastuld. Alvöru glæpir, sem sagt, ekki skoðanaglæpur. Tilfallandi athugasemd 24. maí fjallaði um málið: 

Engin fordæmi eru fyrir því að starfsmaður landsréttar leki trúnaðargögnum, staðfestir Gunnar Viðar skrifstofustjóri landsréttar í Fréttablaðinu. En einmitt það gerðist í vor þegar gögnum var lekið í RÚV, Stundina og Kjarnann, RSK-miðla. Gögnin varða lögreglurannsókn á byrlun og gagnastuldi þar sem fjórir blaðamenn RSK-miðla eru sakborningar. 

Engin rannsókn var gerð á lekanum, hvorki af hálfu landsréttar né ríkissaksóknara. Það má sem sagt grafa undan réttarríkinu með því að spilla sakamálarannsókn á alvarlegum glæp. En það má alls ekki hafa sína skoðun á samfélagsmálum. Rétttrúnaðurinn trompar réttarríkið. 

Ummæli Helga til skoðunar hjá ríkissaksóknara

Athugasemdir

[Heimir Lárusson Fjeldsted, 24.7.2022 kl. 14:11]

Er nokkur skortur á hommum? Samtökin 78 ættu frekar að kanna það mál en Sgríður ríkissaksóknari.

[Sigurður Kristján Hjaltested, 24.7.2022 kl. 16:40]

Réttaríkið beygir sig fyrir réttrúnaðinum.

Með því er dómstólum ekki lengur treystandi

fyrir einu né neinu.

Er nema von að illa fari.

[Helga Kristjánsdóttir, 25.7.2022 kl. 02:21]

 Já Sigurður það fer ríkissaksóknara illa,taki hún ekki á þessu eins og embættið krefst, án þess að "skoða" ummæli Helga varararíkissaksóknara sem virkar eins og frestur því nú er henni vandi á höndum. Pólitíkin er á fullu gasi og farin að taka upp útlenda siði,sem okkur færi best að vera laus við.