Trump sýknaður en samt sekur

Trump þáverandi forseti stjórnaði ekki atlögunni 6. janúar 2021 að þinghúsinu í Washington. Ekki frekar en að Pútín Rússlandsforseti hafi tryggt kjör Trump haustið 2016. Stórar ásakanir en ósannar. 

Andstæðingar Trump segja hann ekki njóta trausts. Rökin eru þau að þótt Trump sé saklaus eru ásakanir svo alvarlegar að ótækt sé að Trump fái kjör á ný, jafnvel þótt hann hafi til þess kjörfylgi.

Málflutningurinn er tímanna tákn. Saklausir menn eru sekir ef ásakanir eru nógu stórar. 

Fylgdist með árásinni í sjónvarpinu og gerði ekkert

Athugasemdir

[Emil Þór Emilsson, 22.7.2022 kl. 10:31]

já, þetta er skrítið, ég er enginn trump aðdáandi en hann var hátíð miðað við sleepy joe, kjaftur á kallinum en hann gerði þó hlutina 

[Jón Árni Bragason, 22.7.2022 kl. 15:13]

Því er ekki haldið fram að Trump hafi stjórnað árásinni heldur ekki sinnt skyldum sínum sem forseti.  Hann kaus að grípa ekki í taumana þrátt fyrir beiðnir og ráðleggingar nánast allra sinna ráðgjafa í Hvíta húsinu.

"Dereliction of duty is a specific offense under United States Code Title 10, Section 892, Article 92 and applies to all branches of the US military. A service member who is derelict has willfully refused to perform his duties or has incapacitated himself in such a way that he cannot perform his duties."

[Heimir Lárusson Fjeldsted, 22.7.2022 kl. 16:46]

Tímanna tákn.

[Ragnhildur Kolka, 22.7.2022 kl. 19:00]

"Dereliction of duty" a varla við því Trump kallaði eftir að þjóðvarðliðar yrðu kallaðir út tveimur dögum fyrr.  Sú tillaga var hunsuð af forseta fulltrúardeildar (yfirmanni löggæslu á þinghæðinni), lögreglu og hermálayfirvöldum. 

[Birgir Loftsson, 22.7.2022 kl. 23:13]

Góð grein og rétt. Sammála. 

[Jósef Smári Ásmundsson, 23.7.2022 kl. 08:51]

Ragnhildur Kolka. Ef ég man rétt þá krafðist Trump eftir því tveimur dögum fyrr að þjóðvarðliðar yrðu kallaðir út til að stöðva atkvæðatalningu. Það er ekki hlutverk þjóðvarðliða. Ertu ekki að snúa þessu svolítið á hvolf?

[Jósef Smári Ásmundsson, 23.7.2022 kl. 09:01]

https://www.nrk.no/urix/steve-bannon-domt-for-forakt-for-kongressen-1.16046504 Samkvæmt þessu þá er það ekki rétt að Trump hafi verið sýknaður, eða hvað?

[Helga Kristjánsdóttir, 24.7.2022 kl. 01:30]

Jósep Smári,Þú getur gramsað og vaðið í svínaríinu sem einkennir  BNA á þessum tímum.Glóbalistum sem sækja völd sín með klækjum og lygi,er ekkert heilagt.Skrýtitð að sjá þig enn jafn blindan sem fyrr.

[Ragnhildur Kolka, 25.7.2022 kl. 10:58]

Jósef, Trump hafði engin völd til að kalla þjóðvarðliðar til. Ríkisstjórar, borgarstjórar og í þessu tilviki Nancy Pelosi forseti fulltrúardeildar og hæstráðandi a þinghæðinni. Hann benti bara á að til átaka gæti komið og því vissara að hafa þá til taks.