Þóra skuggastjórnandi Kjarnans og Stundarinnar

Þóra Arnórsdóttir á RÚV er sakborningur í lögreglurannsókn á eitrun Páls skipstjóra Steingrímssonar og stuldi á síma á meðan skipstjórinn var á gjörgæslu sl. vor. Fréttir voru skrifaðar í Kjarnann og Stundina upp úr símtækinu. Blaðamenn þaðan eru meðal sakborninga. 

Síðustu þrjá daga flytur RÚV margar fréttir um blaðamennina sem eru sakborningar. En engin fréttanna fjallar um líklegar ástæður þess að Þóra er sakborningur. Ekki heldur er Þóra þýfguð um aðild að málinu. 

Engin frétt upp úr einkagögnum Páls birtist í RÚV. Hvers vegna er Þóra sakborningur?

Lögreglan er bersýnilega með upplýsingar um aðkomu Þóru að máli Páls skipstjóra. Hver gæti sú aðkoma verið, ef ekki til að afla frétta? Þóra er jú fréttamaður á RÚV en starfar hvorki á Stundinni né Kjarnanum.

Enn er óupplýst hver eitraði fyrir Páli skipstjóra og stal síma hans. Sá sem það gerði lét einhvern einn aðila, beint eða með milligöngu, fá síma Páls til að afrita gögnin. Sá aðili skipti gögnunum í tvo hluta, Kjarninn fékk einn hluta en Stundin hinn. 

Kjarninn og Stundin birtu fréttir úr gögnum skipstjórans samtímis morguninn 21. maí. Þórður Snær, sem að nafninu til er ritstjóri Kjarnans, fylgdi fréttinni úr hlaði með þessum orðum:

Ábyrgðarmenn Kjarnans vilja taka fram að umrædd gögn sem eru grundvöllur umfjöllunar miðilsins bárust frá þriðja aðila. Starfsfólk Kjarnans hefur engin lögbrot framið...

Þessi ,,þriðji aðili" er sá sem útvegaði Kjarnanum og Stundinni gögnin úr síma Páls skipstjóra. Þriðji aðilinn ritstýrði einnig fréttum Kjarnans og Stundarinnar og ákvað hvenær þær skyldu birtast. Ritstýringin var svo ítarleg að Aðalsteini á Stundinni og Þórði Snæ á Kjarnanum var fyrirskipað að hringja í Pál skipstjóra nánast á sama tíma.

Þóra Arnórsdóttir er ,,þriðji aðilinn." Þess vegna þegir RÚV um Þóru og lætur hana ekki sjást á skjánum. Þóra var skuggastjórnandi Stundarinnar og Kjarnans í aðförinni að Páli skipstjóra. 

Sakborningar njóta tiltekins réttar

Athugasemdir

[Heimir Lárusson Fjeldsted, 17.2.2022 kl. 08:41]

Heimsfrétt ef rétt reynist.

[Sigurður I B Guðmundsson, 17.2.2022 kl. 09:09]

Ef rétt er með farið þá fer að styttast í veru RUV. Rás 1 mætti vera áfram til að styrkja íslenskt efni en allt annað verður að fara. 

[Kristinn Bjarnason, 17.2.2022 kl. 12:27]

Það hefðu nú einhverjir verið látnir fara af minna tilefni.

[Halldór Jónsson, 17.2.2022 kl. 14:25]

Really?

[Jón Steinar Ragnarsson, 17.2.2022 kl. 18:56]

Ðe plott þikkens.

[Guðmundur Böðvarsson, 17.2.2022 kl. 19:52]

Helgi Seljan er utan sviðsljóssins...

[Grímur Kjartansson, 17.2.2022 kl. 20:42]

 

Í dag var Lars Fidsen fyrrum yfirmanni öryggislögreglunnar í Danmörku sleppt eftir 70 daga í gæsluvarðhaldi.

Enginn veit hvað hann á að hafa gert af sér!
Það er leyndamál líkt og mál fjórmenninganna - við skulum samt vona þeirra vegna að þeir hafi ekki komið upp um nein ríkisleyndarmál. Þá væru þeir í vondum málum eða gilda lög á Ísland almennt ekkert fyrir fréttamenn