Kommúnismi, loftslag og geðtæp ungmenni

Sum ungmenni trúðu á manngerða kommúníska paradís á jörð fram yfir miðja síðustu öld. Þau með dómgreind áttuðu sig á að ekki var allt með felldu eftir Ungverjaland 1956 og vorið í Prag tólf árum síðar. Eilífðarbjálfarnir lokuðu skilningarvitunum og trúðu. Í dag trúa sum ungmenni á manngert helvíti loftslagsbreytinga.

Kennari í HR vekur máls á trúgirninni og virðist haldinn henni sjálfur. Kristján Vigfússon fær orðið í Fréttablaðinu:

„Þau upplifa sig valdalaus,“ segir Kristján. „Þau upplifa áföll, ótta, kvíða, geðraskanir, áráttuhegðun, hræðslu, einangrun, reiði, vonleysi og skömm.“

Kristján segir að stjórnvöld verði að bregðast við með auknum krafti. „Þetta er að verða faraldur og mun bitna á geðheilsu núverandi og komandi kynslóða. Loftslagsmálin eru nógu kvíðvænleg ein og sér en afleiðingar kvíðans einar og sér eru líka grafalvarlegt mál.“

Ef hugur fylgdi máli hjá Kristjáni gæti hann sagt ungmennum frá vísindarannsóknum er afhjúpa manngert loftslag sem bull, vitleysu og firru. Það er sólin en ekki maðurinn sem ræður lofthita jarðar, segir ný rannsókn þýskra vísindamanna. Loftslagsmódel geta ekki spáð hitastigi langt fram í tímann, þau eru skáldskapur, segir William Happer sem kenndi þessi fræði í Princeton í fimm áratugi.

Kristján gæti líka kynnt nemendum HR tæplega 140 vísindagreinar er segja CO2-framleiðslu mannsins lítil sem engin áhrif hafa á loftslag.

En líklega mun Kristján í HR ekki gera neitt af þessu. Hann er með svarið: 

Hið kapítalíska hagkerfi ræður ekki við verkefnið. Það er þörf á aukinni miðstýringu.

Kommúnismi á sem sagt að bjarga okkur frá manngerðri hlýnun. Ungmenni er sækja menntun í HR fara í geitarhús að leita ullar. Engin furða að þau séu miður sín, bryðji lyf og eignast ekki afkomendur. Þegar menntun er trú á bábiljur er betur heima setið en af stað farið.

Athugasemdir

[Ragnhildur Kolka, 2.2.2022 kl. 09:23]

Hringrásin: Fyrst er ungmennum talin trú um að heimurinn sé að farast. Þegar markmiðinu er náð er kominn tími til að bjarga þeim frá gløtun. Allt í nafni umhyggju og gæsku. Þetta er "win win" staða. 

[Sigurður Kristján Hjaltested, 2.2.2022 kl. 10:39]

Jón Magnússon var með góða lýsingu á þessu  í bloggi þann 23.jan.sl.

Síberíuloftslag

Blaðamaðurinn Michael Deacon rifjaði það upp í gær, að enska blaðið the Observer hefði birt frétt í febrúar árið 2004 um innihald leyniskýrslu frá Pentagon í Bandaríkjunum, sem blaðið taldi meiriháttar afrek að hafa komist yfir. 

Skv. frétt blaðsins í febrúar 2004 þá mundu loftslagsbreytingar leiða til þess, að það mundi kólna í Evrópu og á Bretlandi mundi verða Síberíuloftslag árið 2020. Í gær var kalt í Bretlandi miðað við árstíma og lægsti hiti sjö stiga frost. En í Síberíu var frostið 52 gráður.

Þá sagði líka í frétt blaðsins, að það mundi kólna í Evrópu og leiða til skorts á vatni og orku. Þá yrðu meiriháttar þurkar, hungursneið og óeirðir í álfunni.  Skelfilegir ofsavindar mundu gera hluta Hollands óbyggilegt og borgin Haag yrði yfirgefin og tóm árið 2007. Árið 2020 var staðreyndin samt sú að íbúum í Hag hafði fjölgað um 100 þúsund manns. 

Spálíkanið sem Observer birti árið 2004 finnst okkur algjörlega galið í dag. Allar spár um loftslagsbreytingar og hlýnun jarðar hafa verið álíka galnar allt frá þeim tíma. Samt dansar pólitíska elítan og fréttaelíta heimsins í kringum þetta bull og hamast við að gera börn og unglinga dauðhrædd við ógn sem er ekki fyrir hendi. 

Draugasögur nútímans eru verri en drauga- Grýlu- og tröllasögurnar í gamla daga. Þá sussaði fólk á börnin og sagði þeim að þetta væri ekki rétt. Nú hamast æðstu menn þjóða eins og forsætisráðherra Íslands við að sannfæra fólk um að nútíma Grýlusögurnar séu heilagur sannleikur. 

Ekki hægt að lýsa þessu betur.

[Tómas Ibsen Halldórsson, 2.2.2022 kl. 12:18]

Loftslagshlýnun af mannavöldum og kóvid faraldur, sem átti að leggja tugir milljóna að velli á skömmum tíma, er tilbúningur Davos klíkunnar, borið fram í þeim tilgangi að hræða fólk svo það viti ekki sitt rjúkandi ráð.

Hver er svo tilgangur þessara blekkinga??? jú, einmitt að hræða fólk nógu mikið og þegar fólk er orðið svo hrætt að það veit ekki hvað gera skal, kvíði og angist gripið um sig í huga þess og hjarta, þá er gott að geta litið til þeirra sem hafa svör við öllum vandamálum. Davos klíkan er tilbúin með svör við öllu. Fyrsta sem fólk þarf að gera er að beygja sig undir klíkuna og lúta vilja þeirra í einu og öllu.

Davos klíkan er búin að átta sig á því að með því að gera fólk nógu hrætt er auðvelt að stjórna því, auðvelt að taka burt frelsi þess og réttindi og láta það beygja sig undir hvaða vitleysu sem er.

Forsætisráðherra vor hefur verið og er hluti af þessari klíku, og örugglega fleiri íslenskir stjórnmálamenn, því miður.

[Helga Kristjánsdóttir, 2.2.2022 kl. 17:11]

Klíkan kann á klækina sem kemst upp um síðir.En hér er fjallað um kennara og mér datt í hug hvað blessuð stúlkan sem ég var samferða í flóabátnum Baldri á seinustu öld hafði lært um Ísland. Ég var á leið til Vestfjarða með systrum mínum og nennti ekki að flakka með þeim um skipið. Þar sem ég sat við borð komu tvær táningsstúlkur að kynna sér landakortið sem var á veggnum rétt hjá mér. Eg komst ekki hjá því að heyra orðaskiptin og bendingar á kortið,þegar önnur segir stundarhátt:"Ég hef aldrei komið á draslið sem stendur út úr Íslandi" og benti á Vestfirði.Það bærðust í mér kómísk móðgun vegna minna elskulegu uppeldisstöðva.Trúlega vissi hún heitið,en krakkar tala sitt mál. 

[Hörður Þormar, 2.2.2022 kl. 17:29]

Sennilega hafa ungmenni á Vesturlöndum aldrei lifað við eins góð lífskjör og eins mikið öryggi og í dag.

Í heimsstyrjöldunum á fyrri hluta síðustu aldar voru ungir menn kallaðir út á vígvöllinn og var með öllu óvíst að þeir kæmu þaðan til baka. Borgir voru myrkvaðar og fólk vakið upp við sírenuvæl um miðjar nætur. Sprengjuregn lagði heilu borgirnar í rúst og drap tugþúsundir manna á einni nóttu.

Svo kom kalda stríðið sem gat hitnað á hverri stundu. Það var víst einhvern tímann á 9.áratugnum sem sovéskur hermaður stóð vakt í radarstöð, sá hann þá á skjánum að fjöldi eldflauga stefndi í áttina til Rússlands. Honum bar skylda að tilkynna þetta tafarlaust, en hann óhlýðnaðist og hikaði. Eftir nokkra stund kom í ljós að þetta var truflun á radarnum. Hvað hefði skeð, hefði hann hlýtt fyrirskipunum?

Þrátt fyrir ógnir þessara ára þá lifði unga kynslóðin sínu lífi án yfirþyrmandi ótta og vonleysis.

Hvað er nú í gangi?

[Gunnar Hólmsteinn Ársælsson, 2.2.2022 kl. 19:49]

Sæll kollegi Páll.

Mér er það algerlega óskiljanlegt hvers vegna þú þarft í sífellu að vera pönkast á ungu fólki í sambandi við loftslagsmálin. Og ekki bara pönkast, heldur tala niður til þeirra með mjög niðrandi hætti.

Við eigum báðir börn og mín tvö hafa miklar áhyggjur af þessu málum. Þau hafa fullan rétt á því, raunar jafn mikinn rétt og þú á því að úthúða þeim í nafni málrelsis og ég að svara þér í nafni sama frelsis. Frelsið er yndislegt, ekki satt?

Nú veit ég ekki hvort þín afkvæmi hafa áhyggjur af þessu, en þú manst kannski eftir því við sem ungir menn höfðum ef til vill áhyggjur af gereyðingu heimsins með kjarorkuvopnum, eða hvað? Ég veit meira að segja um fólk í mínum gamla heimabæ, sem byggði sér "kjarnorkubyrgi" með niðursuðumat og alles. Það var þá, nú er annað uppi á teningnum.

Nú ætla ég að taka það skýrt fram að ég er enginn sérfræðingur í loftslagsmálum, en mér skilst að skýrslur á loftslagsráðstefnum séu búnar til úr miklu magni af gögnum virtra vísindamanna. Og ég er engan veginn handhafi neins sannnleika í þessum efnum. Þú virðist hins vegar vera það og jú, ok, þú þarf að tala með vissum hætti inn í "hjörðina" þína.

En gefur það þér á sama tíma rétt til þess að tala niður til fólks sem er á annarri skoðun en þú og sér öðruvísi á málin? Er það ekki hroki? Hvernig væri bara sýna skoðunum og tilfinningum fólks virðingu, jafnvel að reyna að skilja það? 

Eða hvað þá þessi lína annars að þýða (um ungmennin)? ,,Engin furða að þau séu miður sín, bryðji lyf og eignast ekki afkomendur. Þegar menntun er trú á bábiljur er betur heima setið en af stað farið.“ Hvað gengur þér eiginlega til – í hvaða krossferð ertu eiginlega?

Býst ekki við svari, þú ert ekki vanur að svara fólki hér, nema sumum, markmiðið er jú að blammera í æsifréttastíl svo þú tapir ekki "ratings" (lestri). Og vera svo slétt sama um hvað öðrum finnst.

[Kristinn Bjarnason, 2.2.2022 kl. 20:18]

Það getur haft mjög alvarlegar afleiðingar að hræða börn stanslaust með þessu loftslagsbulli. Hversu alvarleg er stöðug vanlíðan barna? Það verður slæm útkoma.

[Hörður Þormar, 2.2.2022 kl. 22:50]

Varðandi loftslagsmálin ætla ég enn einu sinni að benda á einn af mörgum pistlum Haralds Lesch um þetta málefni. Lesch er stjarneðlisfræðingur, en er án efa í hópi þeirra sem sumir "sjálfskipaðir loftslagsfræðingar" kalla "bjálfa, fífl eða glópa". Hann mun þó vera einn virtasti vísindamaður Þýskalands.

Þessi pistill, sem fengið hefur um 1,6 milljón áhorfenda og er 20 mín.langur, er á þýsku en nálgast má tölvuþýdda texta á fjölmörgum tungumálum.

Ég vil benda á að eftir 10 mín. fer hann í stuttu máli yfir sögu loftslagsins á jörðinni og skýrir það hvers vegna hún er byggileg:                          Missverständnisse zum Klimawandel aufgeklärt | Harald Lesch