Pútín sigrar án innrásar

Í Úkraínudeilunni sigrar Pútin þótt ekki komi til innrásar. Bandaríkin, Nató þar með, gefa Úkraínu upp á bátinn án þess að skoti sé hleypt af. Stjórnin í Kænugarði biðst undan ,,stigmögnun átaka," það skaði efnahagslíf landsins.

Yfirlýsing Biden forseta um að aðeins fáeinir bandarískir hermenn verði sendir til Austur-Evrópu, en ekki Úkraínu, samhliða sem vesturlönd kalla heim sendiráðsfólk sitt í Kænugarði, er ótvíræð staðfesting á sigri Pútín og Rússa.

Stríðsþreyta Bandaríkjanna er merkjanleg. Þeir lögðu á flótta frá múslímskum skæruliðum í Afganistan sl. sumar. Fyrir tíu árum gáfust þeir upp á Írak og Sýrlandi um miðjan síðasta áratug. Nú er Úkraína yfirgefin.

Útþensla í Úkraínu var sameiginlegt verkefni Bandaríkjanna og Evrópusambandsins. Brexit fyrir sex árum hjó fótinn undan samstöðu stóru Evrópuríkjanna. ESB er í stórvandræðum að ráða við stjórnvöld í Póllandi og Ungverjalandi sem annt er um fullveldið, en eru ESB-ríki.

Hugmyndafræðin um vestræna yfirtöku landa fyrir botni Miðjarðarhafs og frekari útþenslu í Austur-Evrópu er, í fáum orðum sagt, kominn yfir síðasta söludag.

Mistökin, sem gerð voru eftir lok kalda stríðsins, koma æ betur í ljós. Hroki og yfirgangur Bandaríkjanna og ESB gagnvart Rússlandi á tíunda áratug síðustu aldar, þegar Jeltsín var við völd, kom í bakið á þeim eftir valdatöku Pútín um aldamótin. Síðan eru 20 ár. Menn læra seint og illa.

Rússar ættu að vera bandamenn vestrænna ríkja en ekki andstæðingar. Ef Úkraínudeilan leysist friðsamlega, enn er ekki hægt að slá neinu föstu um það, er kannski komin forsenda fyrir varanlegri skipan öryggismála í Austur-Evrópu. Það má byggja frið á þeim grunni.

 

Mun senda „lítinn hóp hermanna“ til Austur-Evrópu

Athugasemdir

[Halldór Jónsson, 29.1.2022 kl. 10:45]

ßttfullt af víti eins og venjulega. Bara að Joe myndi heyra þetta

[Halldór Jónsson, 29.1.2022 kl. 10:47]

Stutt af viti  

[Halldór Jónsson, 29.1.2022 kl. 10:48]

Stútfullt

[Guðmundur Böðvarsson, 29.1.2022 kl. 14:58]

Þjóðverjar sendu 5000 hjálma til Kænugarðs...

[Grímur Kjartansson, 29.1.2022 kl. 19:34]

Fullnaðarsigur Pútíns væri ef Biden og Nató sendu herlið til Úkraínu - "til aðstoðar"

Úkraína er jafnvel spilltara land en Namibía svo öll afskipti af innanríkismálum þar verða margfalt dýrari en í Afganistan. Slíkar aðgerir mundu aldrei auka vinsældir líkt og Falklandsstríðið gerði heldur frekar minna á leitina að gjöreyðingarvopnum í Írak 

[Einar Sveinn Hálfdánarson, 29.1.2022 kl. 20:40]

Úkraína var kjarnorkuveldi til 1994. Þá ábyrgðust Rússland, Bretland og Bandaríkin landamæri landsins gegn því að landið afsalaði vopnunum. Páll Vilhjálmsson o.fl. eru hrifnir af Pútin, drápum á andstæðingum að undirlagi hans, pyndingum ,stuldi á ríkiseignum og spillingu. - Stalín og Hitler áttu sér líka aðdáendur; ekkert er nýtt.

Vinir mínir í Eystrasaltsríkjunum hafa heiti um vestræna stuðningsmenn einræðisherrans. Það varðar við lög að nefna það upphátt.

[Grímur Kjartansson, 29.1.2022 kl. 21:21]

Vil benda Einari gamla bekkjarbróður mínum úr MR á að Hollenskir ferðamenn voru dæmdir í fangelsi fyrir það eitt að í lyfta hægri hönd í gríni við Arbeit mach frei skiltið - er það aðdánunarvert frelsi eða kúgun?
Hlustaði reyndar í dag á þátt á RÁS1 um bloddy sunday -  vonandi leiðir öll kúgun til mótlætis

[Wilhelm Emilsson, 30.1.2022 kl. 06:50]

Mæli með grein í Washington Post eftir sagnfræðinginn Timothy Snyder um þetta efni. Greinin heitir "Putin's Case for Invading Ukraine Rests on Phony Grievances and Ancient Myths."

[Halldór Jónsson, 30.1.2022 kl. 21:29]

Ég bind mínar vonir við vit Putinz ekki Stoltenbergs