Úkraína er Afganistan Evrópu

Stjórnin sem situr í Kiev og á að heita ríkisstjórn Úkraínu er í raun leppstjórn vesturveldanna. Án stuðnings frá Washington, Brussel, París og Berlín gæti Kiev-stjórnin ekki haldið velli.

Í austurhéruðum Úkraínu, Donbass-svæðinu, fara rússneskumælandi uppreisnarmenn með völdin.

Sitjandi ríkisstjórn í Kiev komst til valda eftir byltingu 2014 gegn þáverandi forseta Viktor Janúkóvíts sem flúði til Rússlands. Byltingin var studd af ESB og Bandaríkjunum. Í framhaldi tóku Rússar Krímskaga er hafði tilheyrt Úkraínu frá sjöunda áratug síðustu aldar þegar Krúsjeff þáverandi sovétleiðtogi ,,gaf" skagann sem fyrrum tilheyrði Rússlandi.

Utanríkisráðherra Breta óttast að sitjandi leppstjórn verði vikið frá völdum og önnur, hliðholl Rússum, komi í staðinn. 

Í Kiev verður alltaf leppstjórn. Úkraína er þjóðríki sem stendur ekki undir eigin þyngd.

Þýski aðmírállinn Kay-Achim Schönbach segir upphátt það sem margir hugsa. Deila vesturveldanna og Rússa um Úkraínu er um keisarans skegg. Í stað þess að etja kappi við Rússa ættu vestræn ríki að gera Pútín að bandamanni.

Hvað Úkraínu varðar þýðir það sameiginleg leppstjórn vesturveldanna og Rússa. Góð hugmynd.

 

Bretar segja Pútín ætla að koma á leppstjórn

Athugasemdir

[Jónatan Karlsson, 23.1.2022 kl. 10:49]

Hún vekur ánægju mína, en jafnframt furðu, hin raunsæja sýn þín Páll á ástand mála í Úkraínu sem þú lætur alls ófeiminn í ljós. Þessi sýn og hreinskilni rótgróins Sjálfstæðismanns skýtur styrkari stoðum undir þá skoðun mína að þitt gamla vígi sé að klofna, eins og sjá má greinilega í höfuðborginni, í tvær andstæðar fylkingar sem einfaldlega má kalla demókrata og lýðveldissinna.

Þessar línur munu væntanlega skýrast enn frekar á næstu misserum, nú þegar frambjóðandinn Hildur Björnsdóttir og huldu-bakland hennar opinberast, líkt og segja má um Björn Bjarnsaon og hyski hans flest sem margir þekkja, en þau deila augljóslega ekki sömu sjónarmiðum og allir þeir sem þorað hafa hingað til óhikað að tala gegn tvöfeldni alþjóðahyggjunnar, líkt og einkennir sanna Sjálfstæðismenn.

[Jósef Smári Ásmundsson, 23.1.2022 kl. 15:20]

https://www.vb.is/frettir/frjalshyggjuflokkur-staerstur-i-ukrainu/155901/?q=R%C3%BAssland  Engin bylting þar.

[Grímur Kjartansson, 23.1.2022 kl. 18:51]

Viðmælandi Egils Helgasona í Silfri Egils í morgun var mjög sannfærandi um  stöðu mála í Úkraínu

[Einar Sveinn Hálfdánarson, 23.1.2022 kl. 20:33]

Hver er þessi "rótgróni sjálfstæðismaður". Ekki er þó átt við Pál Vilhjálmsson? Svo man ég bara ekkert eftir Jónatan innan míns flokks; kem honum ekki fyrir mig. Hann þarf að rifja upp veru sína í Sjálfstæðisflokknum.

[Einar Sveinn Hálfdánarson, 23.1.2022 kl. 20:37]

Páll, þeir sem grípa þurfa til sögufalsana eru jafnan á hálum ís. Af hverju ekki bara að segja sannleikann og leggja svo út af honum með sínum hætti?

Er ekkert hald í honum?

[Gunnar Hólmsteinn Ársælsson, 24.1.2022 kl. 17:05]

Í Úkraínu er við völd lögleg ríkisstjórn, eftir uppreisn almennings gegn spilltri strengjabrúðu Pútíns, Viktor Janúkóvits, sem flúði land, aftur til Pútíns. Nú eru við völd löglega kjörinn forseti.

Engan veginn er hægt að bera saman Úkraínu og Afganistan, Úkraína hefur alla burði til þess að verða ríki meðal ríkja í Evrópu. Svo lengi sem ráðamenn eins og Pútína láta það í friði. Ekki er Pútín upptekinn við að byggja upp borgaralegt samfélag hjá sér í Rússlandi, hann gerir allt sem hann getur til að rífa það niður. En hann vill skemma fyrir öðrum, líf hans virðist ganga út á það þessi misserin.

[Gunnar Hólmsteinn Ársælsson, 24.1.2022 kl. 17:29]

Yfirmaður þýska sjóhersins getur farið að leita sér að nýrri vinnu. Kannski getur hann fengið djobb hjá Pútín?

https://www.mbl.is/frettir/erlent/2022/01/22/segir_af_ser_vegna_ummaela_um_ukrainu/