Háskólar í kreppu

Snjallt hjá nýrri ríkisstjórn að flytja háskóla í ráðuneyti nýsköpunar og iðnaðar. Vestrænir háskólar eru í kreppu, einkum hug- og félagsvísindadeildir. Þrjú dæmi.

Prófessor í Hollandi segir háskóla í höndum aðgerðasinna sem trúa að hugmyndafræði trompi hlutlægan veruleika. Háskólakennarar lifi í stöðugum ótta að segja eitthvað sem stuðar þá ofurnæmu, ,,woke-liðið." Svo eru það vitanlega ruslvísindin um manngert loftslags.

Fyrrum prófessor í Cambridge í Englandi segir háskólafólk ekki lengur kunna jafn sjálfsagða hluti og að kynin séu tvö en ekki þrjú, fimm eða seytján. Háskólar hugsa ekki lengur um sannindi heldur upplifun. Þegar sannleikurinn skiptir ekki lengur máli er tilgangslaust að fara í háskóla, - nema til að fá kjánahroll.

Breskur blaðamaður segir aðgerðasinna og ofurnæma eyðileggja háskóla. Þörf sé á nýjum.

Íslenskir háskólar eru ekki enn gengnir fyrir björg líkt og margir vestrænir. En þróunin stefnir í þá átt.

Með því að setja íslenska háskóla í samhengi við iðnað og nýsköpun fæst kannski jarðtenging við veruleikann áður en það er um seinan.

Áslaug: „Draumaráðuneyti fyrir flesta“

Athugasemdir

[Jón Þórhallsson, 29.11.2021 kl. 13:02]

Það er margt til í þessari tilfallandi athugasemd.

[Kristinn Sigurjónsson, 29.11.2021 kl. 18:30]

Háskólar eiga að hornsteinar skoðanaskipta og tjáningafresis.  Nú eru öfgahópar orðnir svo háværir innan þeirra að rektorar hafa látið undan þessum öfgum og fellt niður fyrirlestra eða rekið kennara sem öfgahópunum líka ekki við. Má í þessu tilfelli nefna hérlendis, mig, Kristinn

Sigurjónsson, Jón Baldvin Hannibalsson og erlendis Jordan Peterson

[Grímur Kjartansson, 30.11.2021 kl. 00:18]

Enda virðast aðalbaráttumál stúdenta í dag vera að geta
stundað kynlausar klósettferðir