Tveir hægriflokkar, hvert fer Sigmundur Davíð?

Dagar Miðflokksins virðast taldir. Innganga Birgis Þórarinssonar í Sjálfstæðisflokkinn skilur eftir þrjá möguleika fyrir Sigmund Davíð, stofnanda og formann Miðflokksins.

Birgir er þriðjungur þingflokks Miðflokksins. Hann fær höfðinglegar móttökur í Sjálfstæðisflokknum og hefur heilt kjörtímabil að gera sig gildandi. Ásamt, að því er virðist, geysiöflugum varaþingmanni sínum, Ernu Bjarnadóttur.

Fyrsti möguleiki Sigmundar Davíðs er að halda í humátt eftir Birgi og taka sér bólfestu í Sjálfstæðisflokknum, móðurflokki hægrimanna. Ekki er að efa sjálfstæðismenn tækju Sigmundi Davíð fagnandi - margir kusu hann.

Framsóknarflokkurinn er uppeldisstöð Sigmundar Davíðs. Faðir hans var þingmaður um tíma á þeim bæ. Undir formennsku Sigmundar Davíðs varð Framsóknarflokkurinn jafn stór Sjálfstæðisflokknum í kosningunum 2013. Ef Framsóknarflokkurinn hefur metnað byði hann týnda soninn velkominn heim.

Þriðji möguleiki Sigmundar Davíðs er að sitja áfram í tveggja manna þingflokki, hann gerir það hvort eð er um sinn, og safna liði. Það er gerlegt. Inga Sæland fór úr tveggja manna þingflokki upp í sex þingmenn í nýafstöðnum kosningum.

Hægrimenn eru meiri félagshyggjumenn en vinstrimenn. Þeir vilja starfa í félagslegu neti stærri flokka með bakland í ólíkum þjóðfélagshópum. Vinstrimenn eru meira í pólitíska einkaframtakinu. Píratar eru fáeinar fjölskyldur; sósíalistar eru Gunnar Smári og Viðreisn fjandvinirnir Tobba Kata og Benni. Meiri líkur en minni eru að vistaskipti Birgis boði frekari tíðindi á hægri væng stjórnmálanna.

Birgir skilur við Miðflokkinn

Athugasemdir

[Jón Þórhallsson, 9.10.2021 kl. 08:59]

Nú hljótum við öll að vilja vita hver muni verða STEFNA næstu ríkisstjórnar 

tengt fjórða-orkumálapakkanum?

Sem að hann Birgir mun væntanlega ekki samþykkja.

[Ragnhildur Kolka, 9.10.2021 kl. 12:48]

Eflaust segja einhverjir fuss-um-svei, en ég hef alla tíð saknað Bergþórs Ólafssonar og yrði himinlifandi ef hann sneri aftur í Sjálfstæðisflokkinn. Góðum manni fyrirgefst fylliríisraus enda ekkert fórnarlamb nema hann sjálfur. 

[Halldór Jónsson, 9.10.2021 kl. 23:05]

Landhreinsun væri að ef lilu ljótu flokkunum myndi fækka á Alþingi.

Fyrr myndi ég treysta Talbönum í Afgahnistam fyrir einhverju i pólitík en Pírötum eins og Þórhildi Sunnu. Því hlógu margir upphátt þegar siðstirnið gerði tilboðið um hlutleysi Pírata. He he, hver vildi eiga nótt undir exi þeirra pirataljúflinga?