Móðursjúkir vinstrimenn reyndu atlögu

Við kunnum ekki að telja, við getum ekki lýðræði, við lifum í botnlausri spillingu kyrjuðu móðursjúkir píratar, sósíalistar, vinstri grænir og samfóistar síðdegis í gær - og vildu ógilda nýafstaðnar kosningar.

Móðursjúka fólkið er stútfullt af sjálfshatri sem það yfirfærir á þjóðina af minnsta tilefni.

Kostulegt er að fylgjast með þessum eymdarsálum misheppnaðra mannkynsfrelsara sem geta ekki sameinast nema í brjálæðiskasti.

Vinstrimenn eru sundraðir sem aldrei fyrr. Þeir buðu fram fjóra framboðslista. Eini flokkurinn sem lyfti sig yfir tíu prósentin er sá sem starfar með borgaralegum flokkum.

Vinstri viðrinin eru útilokunarflokkar. Píratar útilokuðu Sjálfstæðisflokkinn, Samfylkingin sömuleiðis og Sósíalistaflokkurinn alla aðra en sjálfan sig. 

Á kjördag svaraði þjóðin fyrir sig og dæmdi 75% vinstriflokkanna til áhrifalausrar sérvitringatilveru á jaðri stjórnmálanna. Þar situr eymdarliðið og bruggar samborgunum sínum launráð, tilbúið að efna til múgæsingaratlögu af minnsta tilefni. Eins og í gær.

Endurtalning leiddi í ljós sömu niðurstöðu

Athugasemdir

[Ragnhildur Kolka, 28.9.2021 kl. 08:39]

 Þegar svo Bubbi stekkur á vagninn má gera ráð fyrir að hysteria sé fullkomin. 

[Grímur Kjartansson, 28.9.2021 kl. 08:53]

hann er móðursjúkur, hún er móðursjúk, það er móðursjúkt; móðursjúkur - móðursjúkari - móðursjúkastur
Í heimi rétthugsunar þá það bara spurning hvenær verður bannað að nota svona kynlæg lýsingaorð um Loga og stelpurnar

[Emil Þór Emilsson, 28.9.2021 kl. 12:39]

alveg magnað að þau hafi fordæmt Trump fyrir að gera nákvæmlega það sama og þau eru að gera.