Endalok frjálslyndis

Frjálslyndi var ráðandi pólitík til skamms tíma. Ekki lengur. Eini stjórnmálamaðurinn sem notaði hugtakið í nýafstaðinni kosningabaráttu var Þorgerður Katrín í Viðreisn. Logi í Samfylkingu ræddi ,,umbætur" og ,,breytingar". 

Á vesturlöndum er frjálslyndið sem má kenna við stjórnmálamenn eins og Tony Blair, Clinton-hjónin og Obama komið út í öfgar fræðilegrar kynþáttahyggju og loftslagsmarxisma. Umburðalyndi og frjálslyndi eru orðnar andstæður.

Á Íslandi sáust öfgarnar í málflutningi sósíalista. Blint hatur á auðvaldi og stéttaóvinum var efst á dagskrá. Inga Sæland fékk meiri áheyrn með hugmyndir um sígilt réttlæti og flutti atkvæðin yfir í sönglandi Flokk fólksins.

Eftir kosningatap er hugtakið ,,félagshyggja" komið á varir Loga. Það orð var síðast í umræðunni, svo eitthvað kvað að, fyrir síðustu aldamót. Logi og félagar þurfa nýja orðaleppa. ,,Kaupaukar eru einkamál," er sennilega ekki sniðugasta slagorðið.

Samfylkingin muni „rísa upp í fyllingu tímans“

Athugasemdir

[Jón Steinar Ragnarsson, 27.9.2021 kl. 09:00]

Óheppilegt orðaval hjá Loga. Þegar menn uppgötvuðu Newspeak í háskólanum forðum gerðu orðin Sósíalismi og kapítalismi mönnum óbragð eftir smekk og sannfæringu. Því var þeim skipt út með orðunum Félagshyggja og frjálshyggja. Þetta setti heldur meiri gervisætu í sósíalisma en hitt og fólk gleymdi blóðslóðinni tengda honum og kallaði sig skammarlaust og meðvitundarlaust Félagshyggjufólk.

Antímídasinn Gunnar Smári hafði ekki fengið memóið og hélt sig við gamla hryllinginn. Árangurinn var eftir því. Samt kennir hann sig við sama draug og Logi, sem tók masterinn í newspeak.

[Jón Þórhallsson, 27.9.2021 kl. 09:41]

Hvernig er orðið "FRJÁLSLYNDI" skilgreint?

1.Mér dettur í hug einhver maður sem að á nokkrar vinkonur;

sefur og hjá þeim sitt á hvað án þess að skuldbinda sig?

-------------------------------------------------------------------------

2.Er það að vilja hlaupa inn í esb?

-------------------------------------------------------------------------

3.Er það að vilja að gaypride-gangan stækki út í hið óendanlega? 

[Jón Steinar Ragnarsson, 27.9.2021 kl. 11:09]

Ertu ekki að tala um léttúð Jón? Sumir flokkar og þingmenn gætu jafnvel flokkast undir það þótt það sé ekki viðurkennd stjornmálastefna. ;)

[Ragnhildur Kolka, 27.9.2021 kl. 12:01]

Frá fæðingu Samfylkingarinnar hefur frjálslyndi, í hugum vinstrimanna, merkt vilji til inngöngu í ESB. Hægrimenn, hinsvegar gefa lítið fyrir slikt orðagjálfur enda sjá þeir í gegnum það. Því slíkt merkir bara uppgjöf.