Þjóðin vill stöðugleika en fær óreiðu

Þjóðin myndi endurnýja umboð sitjandi ríkisstjórnar, ef þess væri kostur á kjördag. En það eru engir ríkisstjórnarkostir í boði heldur níu framboðslistar.

Stjórnmálakerfið þjónar illa þjóðinni. Kverúlantaframboð eiga auðvelt með að koma sér á framfæri á tíma félagsmiðla. Rausnarleg framlög almannafjár til stjórnmálaflokka bæta ekki úr skák.

Kosningaúrslitin stefna í að vera heimatilbúin handvömm almennings sem ætti að vita betur en að kjósa yfir sig kverúlanta.

Ríkisstjórnin heldur ekki velli

Athugasemdir

[Jón Þórhallsson, 17.9.2021 kl. 08:02]

Ertu ekki sammála mér um að tak upp FORSETAÞINGRÆÐI hér á landi

(eins  og er í frakklandi) 

þannig að FORSETI ÍSLANDS þyrfti sjálfur að leggja af stað

með stefnurnar í stóru málunum

og þó að það þyrfti að kjósa slíkan mann í tveimur kosninga-umferðum

þannig að viðkomandi hefði allavega 51% kosningamannbærra á bak við sig

að þá gæti slíkt sam verið skárri kostur

heldur en þær marg-flokka-flækjur sem að blasa við okkur í dag.

[Grímur Kjartansson, 17.9.2021 kl. 08:13]

Finnst þér Jón þetta virka svo vel í USA?
Í mbl í dag var bent á að Clinton skrifaði undir Kyota bókunina og fékk heimsfrægð fyrir en Clinton reyndi ekki að leggja þessa bókun fyrir þingið og þar með hafði plaggið enga þýðingu í USA en hefur óspart verið notað í alþjóðlegu samhengi.

[Jón Þórhallsson, 17.9.2021 kl. 08:23]

Í frakklandi geta allir boðið sig fram 

og það er kosið aftur á milli tveggja efstu manna

þannig er KJARNINN greindur frá hisminu.

í usa hefur fólk bara 2 valmöguleika;

asnann eða fílinn.