Tölfræði gróðurhúsakenninga hrynur

Í meira en 20 ár notar loftslagsnefnd Sameinuðu þjóðanna, IPCC, gallaða tölfræðigreiningu á rannsóknir um áhrif gróðurhúsalofttegunda á hlýnun jarðar.

Tölfræðigreiningin, kölluð AT99, eftir höfundum og ártali, er notuð til að sannprófa áhrif gróðurhúsaloftegunda á hitastig jarðar. 

Ross McKitrick sýnir fram á að AT99-greiningin er gölluð tölfræði. McKitrick birtir niðurstöðu sína í ritrýndu vísindatímariti en hefur fengið umfjöllun víðar, sjá hér og hér.

Gróðurhúsakenningin og framleiðsla mannsins á koltvísýringi, CO2, er kjarni loftslagsumræðunnar. Þegar tölfræðin að baki reynist gölluð í grundvallaratriðum er kenningin ósönnuð - henni verður að hafna.

En, auðvitað, við sem höfum nennt að fylgjast með umræðunni vitum ósköp vel að hún snýst ekki um að skilja náttúruna með vísindum heldur nota vísindin í pólitískum tilgangi. Ronan Connolly tekur saman ferlið hvernig pólitík tók lofslagsvísindi í gíslingu.

Athugasemdir

[Kristinn Sigurjónsson, 22.8.2021 kl. 23:55]

Gleypniróf vatnsgufu (H₂O) og kolsýru (koldíoxíða  CO₂) eru sambærileg.  Málið er að vatnsgufan er ca 4% af andrúmsloftinu en kolsýran er 0,04%  Ég hef ekki fengið skýringu á því hvers vegna kolsýran skiptir svona miklu máli.  Við þetta má bæta að jörðin er á sögulegu köldu tímabili og þarf engan að undra að það sé að hlýna.  https://drive.google.com/file/d/18PgFd4LL1m5a5lzAsB-G5pouTdLpZqrF/view