Minna frelsi, meiri valdhyggja

Frelsi er skert í nafni vísinda. Gildir bæði um kófið og loftslagsbreytingar. Vísindi í dag eru það sem guð var miðaldamönnum, réttlæting á valdi.

Vísindamenn eru orðnir þrælpólitískir og oftar en ekki vinstripólitískir, segir Freddie Sayers.

Hér heima er Arnar Þór Jónsson með fingurinn á púlsinum. Hann skrifar

Meðan við vilj­um kenna stjórn­mál­in við lýðræði leyf­ist okk­ur ekki að af­henda tækni­mönn­um fé­lags­lega og póli­tíska stefnu­mörk­un. Samt stönd­um við nú frammi fyr­ir því að tækni­menn hafa fengið allt of mik­il völd. Í reynd er verið að fela þeim að stjórna sam­fé­lag­inu.

Farsótt og meintar loftslagsbreytingar af mannavöldum eru ekki aðalorsakir valdhyggju, fremur myndbirting þróunar. Íslandsvinurinn og aðalhöfundur Brexit, Daniel Hannan, segir dýpri langtímaferla á ferðinni. Hannan tilfærir alþjóðleg dæmi um aukna valdhyggju en ræðir ástæðurnar ekki út í hörgul.

Ef gefið er að frelsið sé undanhaldi og valdhyggja í sókn verður spurningin hvort sé skárra innlend eða útlend valdhyggja. Höfundur tilfallandi athugasemda er með sitt svar á hreinu. Við eigum að segja upp EES-samningnum.

Athugasemdir

[Ómar Geirsson, 8.8.2021 kl. 10:17]

Amen.

Kveðja að austan.

PS, það er að segja upp EES samningnum.

[Kristján G. Arngrímsson, 8.8.2021 kl. 10:38]

Mögnuð vanþekking á vísindum sem hér birtist. Eru vísindi "réttlæting á valdi"? Er þér alvara? 

Er vanþekking þín svona algjör? 

Það fyndna er að þú ert þarna alveg sammála þeim sem eru hvað mest "woke" - sbr. þessa grein eftir Richard Dawkins:

https://www.spectator.co.uk/article/the-insidious-attacks-on-scientific-truth

[Ragnhildur Kolka, 8.8.2021 kl. 10:40]

Eftir að hafa legið flatur fyrir öllum boðum og bönnum valdhafanna varðandi veiruna, þykir mér þessi nýi tónn hjá þér vísa á gott. Viðbrögð við veirunni hér eru nefnilega ESB viðbrögð.

Carry on my friend. 

[Grímur Kjartansson, 8.8.2021 kl. 10:44]

Eins og grínistinn Georg Carlin benti réttilega á þá var fólki seld sagan um guð almáttugan. Almáttugur nema hann kann ekkert að fara með peninga og því þarf sífellt að vera senda honum meiri pening.
ESB skiptir sé sífellt meir af  fjármálum aðildarríkjanna beint og líka óbeint t.d. með að stofna Covid sjóð sem allir þurftu að greiða í þó svo að ríkin hafi þurft að taka stór lán til að standa undir þeim skuldbindingum
Hvar fengu löndin þessi lán jú hjá bönkunum í Þýzkalandi sem nú þegar stjórna fjármálum suður evrópu í gegnum skuldahlekki