Vænt fólk, Pólverjar

Pólverjar hafa flust til Íslands svo þúsundum skiptir frá aldamótum eða þar um bil. Einnig hafa komið hingað stórir hópar fólks frá Eystrasaltslöndum.

Nægileg reynsla er komin á búsetu Pólverja, Letta, Litháa og Eista til að slá föstu að upp til hópa er þetta vænt fólk sem bætir samfélagið.

Þótt einhverjir hnökrar komi á samskiptin, t.d. vegna misskilnings, er engin ástæða til að ætla annað en að nýbýlingarnir semji sig að siðum og háttum landsmanna. 

„Þessi umræða fór aðeins of langt“

Athugasemdir

[Helga Kristjánsdóttir, 29.4.2021 kl. 18:45]

Hreint afbragðsfólk og falla vel inn i taktinn okkar hér, en geta rétt eins og við orðið hált á svellinu í svona leiðinda gervikvefi. Ég hef séð þá vinna og allstaðar eru þeir eftirsóttir og skila sínu fullkomlega,menn bíða eftir að þeir séu lausir.

[Hörður Þormar, 29.4.2021 kl. 23:15]

Pólverjar eru hörkufólk sem mikið hefur reynt í aldanna rás og ekki látið bugast, þrátt fyrir ofbeldi og kúgun nágranna sinna.

Í seinni heimsstyrjöldinni slapp meginhluti pólska flughersins til Bretlands, hann var sameinaður RAF og hefur þáttur pólskra flugmanna í orustunni um Bretland, síðla árs 1940, síst verið ofmetinn. 

Uppreisnin í Varsjá 1944 verður lengi í minni höfð, þá beið sovéskur her aðgerðarlaus austan við borgina á meðan Þjóðverjar brutu hana niður.

En Pólverjar reyndust Sovétmönnum óþægur ljár í þúfu og áttu ríkan þátt í "tímabæru andláti" Sovétríkjanna.

Nú munu um 27 þús. Pólverjar vera staddir á Íslandi og hygg ég að varla gæti annað, svo stórt, þjóðarbrot verið meiri aufúsugestir.