RÚV ritskoðar, opnar nýja víglinu gegn Samherja

Í bráðum áratug er RÚV í stríði við Samherja, norðlensku útgerðina. RÚV sakaði Samherja um brot gjaldeyrislögum 27. mars 2012. Ásökun RÚV var unnin í samvinnu við gjaldeyriseftirlit Seðlabanka Íslands. Þar komu við sögu skjöl sem ýmist voru fölsuð, týnd eða hvorutveggja. Ásökunin rann út í sandinn.

Næsti áfangi í herferð RÚV gegn Samherja hófst 2019 með svokölluðu Namibíumáli. Þar tók RÚV upp á sína arma vonsvikinn fyrrum starfsmann Samherja til að koma höggi á fyrirtækið. Trúnaðarmaður RÚV og aðalheimild var ekki upp á marga fiska.

Angi af Namibíumálinu er meint peningaþvætti í gegnum norskan banka, DNB. Þegar efnahagsbrotadeild norsku lögreglunnar hættir rannsókn þegir RÚV og grípur til ritskoðunar á tilraun Samherja til að bera hönd fyrir höfuð sér - með því að benda á hið augljósa, að lögreglurannsókn á ásökunum RÚV var tilhæfulaus.

En þá opnar RÚV nýja víglínu og byrjar endurvinnslu á ásökunum namibískra viðskiptafélaga Samherja.

RÚV er opinber stofnun sem er komin langt út fyrir sitt hlutverk í herferðinni gegn Samherja.

 

Heiðar Örn: „Það er ljótt að stela“

Athugasemdir

[Ívar Ottósson, 19.2.2021 kl. 09:33]

Segir þú, "blaðamaðurinn" á moggablogginu sem er í eigu samherja...með Eyþór Arnalds sem front...gerir pistil þinn mjög trúverðugan.

[Kristinn Bjarnason, 19.2.2021 kl. 13:39]

Þessi pistill er hárréttur. RÚV er þjóðarskömm.

[Ívar Ottósson, 19.2.2021 kl. 13:50]

Ætli skandallinn sé ekki heldur Morgunblðaðið, fjármagnað af Sjávarúvegsgreifum til að halda status kvó. 

[Stefán Örn Valdimarsson, 19.2.2021 kl. 14:06]

Ívar hvað kemur Morgunblaðið frammistöðu RÚV við?

[Ívar Ottósson, 19.2.2021 kl. 14:20]

Lestu fyrst færsluna mína hér Stefán....Gagrýna RUV frá Moggablogginu af "blaðamanninum" osfrv. 

[Helga Kristjánsdóttir, 19.2.2021 kl. 15:14]

Hver nam útbíu þessa og hvar? 

[Kristinn Bjarnason, 19.2.2021 kl. 16:46]

Ívar, það örlar á öfund út í útgerðamenn. Íslenskir útgerðamenn eru u.þ.b. þeir bestu í heimi. Þeir hafa haldið uppi lífsgæðum á Íslandi sem allt of fáir kunna að meta.

[Sigfús Ómar Höskuldsson, 19.2.2021 kl. 18:11]

Athyglisverð nálgun hjá höfundi.

Stundum á að fara að lögum en þegar hentar höfundi og hans slekti, þá gilda lög ekki, þá gilda annarleg sjónamið, núna sjónarmið eitt af útgerðarfyrirtækjum landsins.

Gott og vel, höfundur nefnir hér stríð og herferðir.

Höfundi hlýtur að vera lófa lagið að upplýsa hvað hann sjálfur er búinn að vera í stríði við RÚV ? 

Er það áður en starfsmaður þar kaus að stefna höfundi eða fyrr ? 

Trúii því ekki að höfundur sé enn að jafna sig, eða hvað ? 

[Grímur Kjartansson, 19.2.2021 kl. 18:28]

4.515 milljónir króna af Fjárlögum fara árlega tli RUV.
Hluti af því fer til að kosta rannsókn útvaldra fréttamanna  hjá RUV á spillingu ráðamanna í Namibíu sem er eitt af fjölmörgum ríkjum í Afríku þar sem ekkert gerist nema gegn aukagreiðslum beint í vasa viðkomandi. Hvenær kom RUV með eigin fréttir af einhverju öðru ríki í Afríku?

[Ívar Ottósson, 19.2.2021 kl. 23:17]

Kristinn..engin öfund hér, mörg Íslensk fyrirtæki hafa gert það gott og munu gera það gott í framtíðinni hérlendis og erlendis mér og mínum að meinlausu.

En Sjávarúvegurinn á Islandi er nokkuð annað mál, hér eru um Íslenskar auðlindir að ræða, þína og mína og allra Íslendinga í fortíð, nútíð og framtíð.

Og ekki hjálpar mútuhneiksli samherja i þessu máli sem eru hlutaeigendur að morgunblaðinu, sem eru með bloggið sem við erum að pósta hér. 

Margir vinklar að hugsa um hér...

[Stefán Örn Valdimarsson, 20.2.2021 kl. 11:30]

Veit einhver hvort Helgi Seljan að vinna þessa lengstu framhaldsskáldsögu sögunnar sem verktaki eða launamaður hjá RÚV? Ef hann er verktaki hefur þá RÚV skuldbundið sig að kaupa allt efni frá honum hversu lélegt það er og þó það sé augljóslega keyrt áfram af persónulegu ofstæki?  

[Jón Páll Garðarsson, 20.2.2021 kl. 11:33]

Hvernig stendur á þessu blæti sjalla með pedófíla og stórtæka ræningja?

[Stefán Örn Valdimarsson, 20.2.2021 kl. 11:35]

Já ég las athugasemdina Ívar. Skrif Páls standa samt efnislega fullkomleg fyrir sínu og það væri kannski eðlilegt að taka efnislega afstöðu til hennar frekar en að drepa málinu á dreif