Og kjörhiti jarðarinnar er hver?

Enginn veit hver kjörhiti jarðarinnar er. Svolítið skrítið, ekki satt? Ógrynni fjármuna er eytt í að draga úr hlýnun jarðar um 2 gráður á Celcíus næstu áratugi en samt veit enginn hvaða hitastig ætti að vera á jarðkringlunni okkar. Þetta er sagt og skrifað bókstaflega: enginn veit kjörhita jarðarinnar. 

Jörðin hefur hlýnað um 0,07 gráður á áratug frá 1880, segir NOAA sem er bandarísk alríkisstofnun. Árið 1880 er notað sem viðmiðunarár þar sem áhrif mannsins á hitastig jarðar eru útilokuð fyrir þann tíma. Samantekt á öðrum mælingum sýnir svipaða niðurstöðu.

Allan þann tíma sem maðurinn hefur brennt jarðefnaeldsneyti í því mæli að geta mögulega haft áhrif á hitastig jarðar hefur hitinn ekki hækkað nema um eina gráðu á Celcíus (14 áratugir sinnum 0,07 gráður = 0,98)

Tímabilið 1300-1900 er kallað litla ísöld. Þá var kaldara á jörðinni en á tímabilinu þar á undan, sem kallað er miðaldahlýskeiðið, 900-1300. Af þessu leiðir að hitastig jarðar hlaut að hækka eftir lok litlu ísaldar burtséð frá athöfnum mannsins. Almenn og viðurkennd staðreynd er að veðurfar breytist frá einum tíma til annars.

Meðalhita á jörðinni er erfitt að mæla, segja sérfróðir, en hann liggur nálægt 15 gráðum. Hækkun á meðalhita um eina gráðu á 140 árum er eðlileg og ekkert til að hafa áhyggjur af.

Hávaðinn og lætin út af meintum áhrifum mannsins á veðurfarsbreytingar eru í engu samræmi við staðreyndir málsins. Þegar við bætist að enginn veit kjörhita jarðarinnar verður málið allt stórundarlegt. Maður þarf beinlínis að skilja vit og dómgreind eftir heima ætli maður að stökkva á vagn hamfarasinna. 

 

2020 jafnar hitamet 2016

Athugasemdir

[Ágúst H Bjarnason, 10.1.2021 kl. 10:39]

 
Hvað er eðlilegt veðurfar?

http://www.agust.net/wordpress/2015/11/16/hvad-er-edlilegt-vedurfar/

[Ágúst H Bjarnason, 10.1.2021 kl. 10:51]

Aðeins 0,3% breyting í meðalhita jarðar frá því fyrir iðnbyltingu…

http://www.agust.net/wordpress/2015/08/24/hin-agnarsmaa-03-breyting-i-medalhita-jardar/

 

 

[Jón Þórhallsson, 10.1.2021 kl. 10:56]

Þetta eru góðar hugleiðingar.

Myndum við t.d. alltaf vilja hafa 25 gráðu hita allan ársins hring?

[Halldór Egill Guðnason, 10.1.2021 kl. 13:37]

 Fjörtíu thúsund lítils dugandi skriffinar og pólitískir embaettismenn, sem áttu góda helgi saman í París hér um árid, virdast vera med thetta allt á hreinu. Their virdast einnig hafa komist ad theirri nidurstödu ad eina leidin til ad sporna vid hlýnun jardar sé ótakmörkud og skefjalaus skattheimta á almenning. Thad verdur jú ad vera nóg í kassanum svo thessar mannvitsbrekkur geti endasenst um alla jördina á business class, til ad halda endalausar rádstefnur um thetta brjálaedislega rugl sitt. 

Gódar stundir, med kvedju ad sunnan. 

[Valdimar Samúelsson, 10.1.2021 kl. 17:26]

Árs Meðal hiti á Íslandi er 3.9°C samkvæmt Trausta, Þetta gæti hafa breyst en þessa tölu gaf hann mér fyrir c þrem árum Hitin er svipaður á Nýfundnalandi.Það er engin heimshiti enda of mörg veðurkerfi eins með norður höfin og best að lesa frásagnir hvalfangaranna yfir síðustu 300 ár. Svo eru annálarnir okkar góðir. https://drive.google.com/file/d/1ip-G8TiOprPpUYBAtIivUNEgDnJb4CU3/view?usp=sharing  

[Snorri Hansson, 10.1.2021 kl. 17:46]

Hver er rétt stærð Vatnajökuls og hvenær var hann það ?

[Hörður Þormar, 10.1.2021 kl. 17:50]

 Ef meðalhitastig jarðar væri undir frostmarki þá væri hún eins og stór ískúla sem endurvarpaði sólargeislunum út í geiminn, það væri fögur sjón fyrir Marsbúa. Litlu munaði víst að svo færi, það var víst hinum margumræddu og misvinsælu gróðurhúsalofttegundum að þakka að svo fór ekki. Reyndar má of mikið af öllu gera því að á Venusi, sem reyndar skín björt, er sagt að þar sé loftið svo heitt, vegna ofgnóttar þessara efna, að blý muni bráðna.

Sjálfsagt væri hægt að lifa góðu lífi á jörðini ef meðalhiti hennar væri 2-4 gráðum hærri heldur en nú er. (Dreymdi Sölva Helgason ekki um að rækta rúsínur uppi á Öræfajökli?)  En hvað myndi íbúum Lundúna, Amsterdam og New York, svo örfá dæmi séu tekin, finnast til um það ef það hlýnaði svo mikið að Grænlandsjökull bráðnaði og yfirborð sjávar hækkaði um ca 8 m.

Kannski myndi þá vökna undir sumum í 101 Reykjavík. 

[Emil Þór Emilsson, 10.1.2021 kl. 18:54]

spurning hvenær fólk fer að fatta að það er kannski verið að spila með það? 

Að þetta sé kannski allt gert til að pólutíkusar geti skattlagt meira og til að vísindamenn fái örugga vinnu