Dóttir RÚV-ara, Siða-Sunna, vill verða guðmóðir

Dóttir fréttamanns RÚV, Ævars Arnar Jósepssonar, Þórhildur Sunna, vill verða guðmóðir minnihlutastjórnar sem hún á ekki aðild að. Til þess fær hún aðalfréttatíma RÚV.

Samstarfsmaður föður Siða-Sunnu er Höskuldur Kári Schram. Hann líkir formanni Sjálfstæðisflokksins við nasista í hádeginu og í kvöldfréttum kynnir hann þungaða guðmóður.

Siða-Sunna krefur aðra um gegnsæi, auðmýkt og ábyrgð en felur starfsstöð föður síns. Í æviágripi þingmannsins segir aðeins um föður þingmannsins:  ,,Ævar Örn Jósepsson (fæddur 25. ágúst 1963) fréttamaður og rithöfundur". RÚV spilar með og birtir ekki starfsmannalista.

Alþjóð fær sem sagt ekki að vita um fréttahönnun RÚV, hverjir standa að baki og í þágu hvaða hagsmuna raðfréttir eru framleiddar.

Er ekki tímabært að RÚV kynni dagskrárliðinn ,,Fjölskylduhagsmunir starfsmanna og metnaður þeirra til valda og áhrifa í samfélaginu"? Útsendingartími gæti verið á eftir Krakkafréttum RÚV.

Píratar bjóðast til að styðja minnihlutastjórn

Athugasemdir

[Heimir Lárusson Fjeldsted, 27.12.2020 kl. 10:21]

Höskuldur Kári féll í áliti hjá mér.

[Snorri Gestsson, 27.12.2020 kl. 13:26]

Helvíti hart að fá ekki að vera á fylliríi í friði, þótt menn séu að leggja sig alla fram við að stjórna siðlausra örþjóð út í ballarhafi !

[Ingólfur Sigurðsson, 27.12.2020 kl. 18:59]

Já, eins og oft er talað um Bjarna og Sjálfstæðisflokkinn þegar kemur að ættartengslum eru þau fleiri en margan grunar hjá pólitískum andstæðingum hans. Ég segi, það þarf einhver að taka sig til og skrifa bók til mótvægis við bókina hennar Ólínar Kjerúlf, Spegill fyrir Skugga Baldur. Það er alrangt sem vinstrimenn halda fram, að þeirra hreyfingar séu lausar við spillingu.

En Þórhildur Sunna hefur ekkert látið á sér bera lengi fyrr en Bjarni gerði sitt axarskaft. Hún nærist á svona óhöppum. Kannski veit hún að aðförin að lögreglukonunum var óréttmæt að margra áliti.