Al-Thani, sekt og skömm

Al-Thani málið var tilraun yfirstjórnenda Kaupþings að ljúga til sín arabískan milljarðamæring, sem málið heitir eftir, í því skyni að féfletta íslenskan almenning kortéri fyrir hrun.

Plottið var þetta: látum Íslendinga halda að Al-Thani kaupi hlutafé fyrir milljarða í Kaupþingi og þá getum við logið til okkar aðra milljarða frá löndum okkar. Þetta var gert og yfirstjórnendur Kaupþings komu fram í fjölmiðlum og tilkynntu hróðugir hlutafjársölu til arabíska milljarðamæringsins.

Eftir hrun kom á daginn að At-Thani keypti ekki fyrir krónu í Kaupþingi og Kaupþingspésum var stefnt fyrir dóm.

Þeir félagar Ragnar H. Hall og Gestur Jónsson voru verjendur Kaupþingsmanna. Málið var gjörtapað en Gestur og Ragnar vildu kaupa tíma. Líklega biðu þeir eftir seinni hingaðkomu Mammons til að hvítþvo þá syndugu. Ragnar og Gestur mættu ekki til þinghalds og réttarhöldum var frestað.

Bíræfni lögmannanna leiddi til sektar sem þeir kölluðu refsingu og áfrýjuðu til Evrópu.

Niðurstaða liggur fyrir. Refsing er staðfest. Um skömmina þarf ekki að fjölyrða. Hún var öllum augljós.

MDE vísar frá máli Gests og Ragnars

Athugasemdir

[Grímur Kjartansson, 22.12.2020 kl. 17:03]

Hefði tekist að láta dómstóla meta Al-Thani málið sem sniðuga viðskiptafléttu

Þá væri markaðsmisnotkun vegna hlutabréfa ekki möguleg á Íslandi

[Halldór Jónsson, 22.12.2020 kl. 17:23]

Allt í kring um Kaupþingið voru bara hreinir krimmar sem einhverjir lentu svo í verðskuldað í tugthúsi. Þeir eyðilögðu mín bréf í Kaupþingi og allra þessi helvíti, hreinir gangsterar sem héldu svo öllu sínu að maður hefur heyrt.