Trump - Bill Gates; opið eða lokað samfélag

Blaðamannafundur Trump í garði Hvíta hússins gæti hafa verið svanasöngur forsetatíðar hans. Samkvæmt opinberri talningu liggur forsetinn 0,3 til 0,9 prósent undir Biden í fimm lykilríkjum. Samtals skilja á milli örfáir tugir þúsunda atkvæða.

Blaðamannafundurinn var um málið sem fellir forsetann af stalli, Kínaveiruna. Forsetinn er í sama liði og Bill Gates, æðstipáfi frjálslyndra vinstrimanna: milljarðamæringur, hatar Trump og vill bólusetja heimsbyggðina. Í leiðinni eru Bill Gates og félagar uppspretta endalausra samsæriskenninga um að bóluefnið sé annað og meira en vörn gegn Kínaveiru, heldur aðferð til að gera almenning að þægum þjónum valdsins.

Það sem skilur að Trump annars vegar og hins vegar Gates, Biden forsetaefni og frjálslynda vinstrið er að sitjandi forseti harðneitar að loka samfélaginu. Lokanir eru fyrsti kostur frjálslyndra og vinstrimanna, bæði í Bandaríkjunum og á Íslandi.

Meta-rökin, þau ósögðu, eru að frjálslyndir vinstrimenn séu fasistar í veirugæru. Þeir sjái fyrir sér alheimsvald alþjóðasinna með bóluefni í annarri hendinni en hin höndin er langur armur lögregluríkisins sem sektar, eða fangelsar, þá sem láta sjá sig á almannafæri án leyfis yfirvalda.

Það er flugufótur fyrir samsæriskenningunum. Frjálslyndir vinstrimenn sýna fasíska tilburði með skoðanakúgun rétttrúnaðarins, fórnarlambavæðingu og almennum hálfvitahætti í orðræðu um vald mannsins yfir náttúrunni; með því að trúa Grétu Thunberg og hafna þeim augljósu sannindum að loftslag jarðarinnar breytist eftir lögmálum náttúrunnar sem maðurinn þekkir ekki nema að litlu leyti.

Hálfvitahætti á ekki að svara í sömu mynt, þótt það sé freistandi. Greining, íhugun og andmæli, já. En ekki trúa því að Bill Gates sé dr. Strangelove endurborinn.

Sagði tímann leiða úrslitin í ljós

Athugasemdir

[Benedikt Halldórsson, 14.11.2020 kl. 13:24]

Hvernig sem fer, sigruðu sjónarmiðin sem Trump kom á framfæri. Á bakvið Biden eru m.a. róttækir byltingarsinnar sem munu kveikja í húsum ef Biden vogar sér að vera sá miðjumaður sem útlendingar um allan heim veðja á.

Bill Gates er ekki Dr Strangelove, frekar óviti með peninga. Hann vill fækka fólki í heiminum með handafli vegna hamfarahlýnunar! Hann ímyndar sér að fólk fjölgi sér eins og kanínur út í það óendanlega.

Elon Musk veit að engin þörf er á slíkri vitleysu vegna þess að um miðja þessa öld kemst á jafnvægi, þegar jafn margir fæðast og deyja. 

...billionaires like Bill Gates and others were actively pushing population control measures to help with climate change, typically in poor African countries, Musk went against the grain and said the world actually needs more people on the planet, not less.

"Real issue will [be] an aging & declining world population by 2050, *not* overpopulation," he tweeted in 2019. “Demographics, stratified by age, will look like an upside down pyramid with many old people & fewer young.”