Kári: leyfum alþingi að tala

Fallegt af Kára Stefánssyni að hugsa til alþingis á þessum síðustu og verstu.

Þingflokkar stjórnarandstöðunnar álykta, formenn stíga fram í fjölmiðlum og keyptar eru auglýsingar á samfélagsmiðlum með þessum skilaboðum: við viljum líka. Enginn hlustar.

Stígur nú lávarður veiruheims og farsóttavarna fram og segir ,,leyfið börnunum að koma til mín."

 

Kári telur tímabært að Alþingi ræði sóttvarnareglur

Athugasemdir

[Gunnar Heiðarsson, 1.11.2020 kl. 11:17]

Ef færa á ákvarðanir um sóttvarnir til Alþingis, mun lítið verða úr verki. Nógu erfiðlega virðist að ná samstöðu ráðherrann um málið. Ef 63 misvitrir einstaklingar eiga að koma sér saman um málið yrði hálf þjóðin dauð þegar loks næðist samstaða! 

Þetta veit Kári en hann hefur svo sem oft áður hlaupið útundan sér.

[Benedikt Halldórsson, 1.11.2020 kl. 13:32]

Alþingi á að leggja flest önnur mál til hliðar og einbeita sér að veirunni, frekar en að koma sér upp einræðisherrum sem ber alla ábyrgð ef illa fer, en þingið enga. Hvað eru þingmenn annars að bauka þessa daganna.

Mig grunar að flestir þingmenn séu af einni og sömu greindargerðinni. Þeir eru eldfljótir að setja sinn inn í gamlan vanda en standa gjörsamlega ráðþrota gagnvart gátum sem ekki fylgja einfaldar "ikea" samsetningarleiðbeiningar. 

Auðvitað grípa þingmenn fegins hendi Kára eða bara hvern sem er, til að leysa mesta vanda sem við höfum staðið frammi fyrir áratugum saman. Þingmenn hafa aðgang að öllum upplýsingum, eru með her vel menntaðra grúskara sem eru vanir að svara þúsundum fyrirspurna um allt og ekkert. 

[Ragnhildur Kolka, 1.11.2020 kl. 13:40]

Nú þegar heilbrigðiskerfið er búið að gera upp á bak er allt í einu tímabært að aðrir komi að málinu. Engin ástæða til að ætla að Alþingi bjargi málum, en aðkoma þess mun opna umræðuna þannig að fleiri sjónarmið fái að sjá dagsins ljós. 

Sem flestir ættu að hlusta á þetta hlaðvarp Viljans sem fylgir fréttinni.