Ættbálkastríð í beinni

Ljótustu kappræður forsetaframbjóðenda sögunnar, segir Telegraph um sjónvarpskappræður Trump forseta og Biden áskoranda. Menningarstríðið í Bandaríkjunum er á milli tveggja ættbálka, frjálslyndra og íhaldsmanna. 

Stríðið snýst um hvernig Bandaríkjamenn vilja skilja heiminn. Biden og frjálslyndir boða alþjóðavæddan heim stóra bróður er bjargar syndugum frá eymdarlífi en Trump talar fyrir þeirri stefnu að hver sé sinnar gæfu smiður, einstaklingar sem þjóðir. 

Biden er fulltrúi hjarðarinnar í leit að sannleikanum en Trump er Bjartur í Sumarhúsum.

Félagsmiðlar eru helsti vettvangur ættbálkastríðsins. Þar sækir hver í sitt sakramenti til staðfestingar á réttri trú. Bandaríkin voru stofnuð á tíma landpóstanna, þegar hestar báru orðsendingar á milli manna. Innviðirnir þoldu ljósvakabyltinguna á síðustu öld og borgarastríðið á 19. öld.

Stafræna byltingin ríður Bandaríkjunum ekki að fullu. En hún afhjúpar veikleika lýðræðisins. Nú snöktir hver í sínum bergmálshelli á meðan lýðurinn brennir hús og híbýli í leit að betra lífi.

Bjartur sigrar Biden.  

 

 

 

Kosningamartröð samfélagsmiðlanna

Athugasemdir

[Jón Þórhallsson, 30.9.2020 kl. 08:53]

Það er ekkert að græða á svona  hana-ati.

Það þarf að skoða 5 stærstu stefnumálimn hjá báðum aðilum

hlið við hlið á pappír í ró og næði.

Ég styð þann sem að gengur lengra

í því að fordæma hjónabönd samkynhneigðra opinberlega.

[P.Valdimar Guðjónsson, 30.9.2020 kl. 11:05]

Burtséð frá kappræðum.   Tvít fíkillinn glottir sínu yfirlætis glotti að geta tekið samfélagsmiðla og fjölmiðla á taugum.    Þá tengt því að viðurkenna ekki ósigur, ef til kæmi.     Slíkt er útópía í lýðræðisríki.  Ómöguleiki í ríki sem flestir telja lengra komið þar en t.d. í Hvíta-Rússlandi. 

Ég hóta, ég ræð, ég rek er hinsvegar Donald sjálfur. Sennilega frá fæðingu.

[Guðjón E. Hreinberg, 30.9.2020 kl. 11:30]

Góður póstur :) vel greint.

Kappræðurnar voru skemmtilegar og án þess að ég dragi dám, þá hló ég tvisvar ef ekki þrisvar.

[Ragnhildur Kolka, 30.9.2020 kl. 14:07]

Kappræðurnar eru show-business.