RÚV , eins flokks ríkið og spillingin

Namibía er eins flokks ríki. Stjórnarflokkurinn SWAPO er með tögl og haldir í stjórnarkerfinu frá því landið fékk sjálfstæði seint á síðustu öld. Stefnuskrá SWAPO er biblía namibískra embættismanna.

Þessar upplýsingar liggja fyrir á alnetinu. En RÚV er umhugað að sverta íslenskt fyrirtæki, Samherja, og lætur líta svo út að Namibía sé lýðræðisríki sem norðlensk útgerð hafi vaðið inn á í skítugum skónum og stórspillt paradís. Ekkert er fjarri sanni.

Hádegisfrétt RÚV greindi í engu frá stjórnarháttum í Namibíu og er fréttin þó ítarleg.

Þegar Íslendingar seldu sjávarafurðir til Sovétríkjanna sálugu sömdu þeir við embættismenn sem voru jafnhliða flokksbundnir kommúnistaflokknum. Engum datt í hug að velta fyrir sér hvort sovéski kommúnistaflokkurinn nyti góðs af. Skilgreiningin á eins flokks ríki er einmitt þessi: flokkur og ríki eru eitt.

Sjónarhorn raðfrétta RÚV um viðskipti í Namibíu ætti að vera hversu fjarska vel Samherji komst hjá því að sökkva í spillingarfen eins flokks ríkisins. Efstaleiti vinstrimanna er því miður heilaþvegið af hatri á öllu sem er íslenskt - nema skattfé Íslendinga, sem RÚV-arar lifa á mann fram af manni.

Athugasemdir

[Halldór Jónsson, 13.7.2020 kl. 23:05]

Netop Páll!

[Baldinn, 14.7.2020 kl. 09:33]

Ekki skil ég af hvaða kvötum þú skrifar margar færslur til að verja lögbrot Samherja.  Að venju er þetta réttlætt með að benda á eitthvað annað eða að skjóta sendiboðann.  T.d. skiptir það einhverju máli hvernig stjórnarhættir eru í Namibíu eða hvernig við gerðum samninga við Sovét í denn.  Lögbrot var framið og ástæða þess var græðgi Samherja og embætismanna í Namibíu.

Síðan er það heilaþvegið RUV.  Maður spyr sig hvcrt að það sé ekki þú Páll sem ert heilaþveginn ?.

Brynjar