Óttastjórnun á tímum veiru

Farsóttin kennd við kórónu er tvöföld atlaga að samfélaginu. Líf og heilsu, ásamt heilbrigðiskerfi, annars vegar og hins vegar afkomu og atvinnulífi.

Óttastjórnun er mikilvægasta pólitíska listin á tímum farsóttar. Óttinn þarf að vera nógu mikill til að almenningur láti segjast og fylgi fyrirmælum yfirfalda um sóttvarnir; óstjórnlegur ótti aftur lamar samfélagið og leiðir til öfgaviðbragða sem gera illt verra.

Ótti blandaður reiði lamaði Ísland eftir hrunið. Stjórnmálakerfið splundraðist og öfgar léku lausum hala á Austurvelli.

Ekkert slíkt er á ferðinni núna. Farsóttin er ekki manngerður andskoti blandaður glæpahneigð fárra auðmanna heldur í ætt við náttúruhamfarir, sem enginn gat að gert.

Óttastjórnun verður einfaldari. Verkskipting yfirvalda, í einn stað þríeyki lögreglu og tveggja lækna og í annan stað ríkisstjórnin, tekur á farsóttinni af raunsærri yfirvegun. Í hruninu var hrópað ,,Ónýta Ísland" en nú heitir það ,,Við hlýðum Víði".

 

„Óttumst hið versta en vonum það besta“

Athugasemdir

[Benedikt Halldórsson, 27.3.2020 kl. 09:36]

Víðir var góður þegar hann skammaði þjóðina. Það var dásamlegt. Svona eiga yfirvöld að vera. Engar sektir eða fangelsi allt að mörgum árum. Sumir telja að "hertar aðgerðir" skili árangri en það fer hrollur um marga. Í útlöndum voru hermenn með vélbyssur og sektarmiða á vappi.

Það skilar langbestum árangri til lengri tíma að segja satt og rétt frá. Það rann upp fyrir þjóðinni, eftir eðlilegar en reiðar efasemdir í fyrstu, að það var ekki verið að gabba okkur i þetta skipti. Þess vegna stöndum við saman.  

[Benedikt Halldórsson, 27.3.2020 kl. 10:21]

Árið 2013 spáði Michael E Mann hvernig veðrið yrði árið 2019 í viðtali á RÚV. Mann vísar til Valdastofnanna með virðuleg nöfn en getur ekki svarað nokkrum spurningum sjálfur. Þylur bara upp svæfandi málshætti sem engin nennir að hlusta á. Jú, það var hann ásamt Al Gore sem gerðu þá uppgötvin að það væri glæpur gegn mannkyninu að efast í loftslagsmálum. 

Hvað ef áhugamaður um sóttvarnir og refsingar hefði setið fyrir svörum i stað lækna og vísindamanna eins og nú, og vísað á upphafin æðri vísindi í flottum húsum sem ekki megi efast um? 

Yfir til Þóru 2013.

Þóra: Við ættum að byrja á því að benda á bleika fílinn sem er hin stöðuga gagnrýni á loftlafsfræðinga - er að halda því fram að fullvissa sé fyrir loflagsbreytingunum og að þær séu vegna athafna mannsins. Geturðu í örfáum orðum sannfært okkur i örfáum orðum um þetta? 

Mann: Alþjóðanefndin um loflagsbreytingar sendi frá sér núverið fimmtu matsskýrsluna; þetta er fimmta skýrslan sem hún hefur samið á undanförnum áratugum. Hún byggist á þúsundum ritrýndra fræðigreina eftir hundruð vísindamanna í fremstu röð um allan heim. Þetta er gullfóturinn þegar kemur að því að meta vísindalegar sannanir fyrir loflagsbreytingum og niðurstaða þeirra í þessari skýrslu er sú mest afgerandi til þessa. Nefndin segir að það sé afar líklegt, - fyrir fimm árum var  hún reiðubúin að segja mjög líklega - en segja nú að það sé afar líklegt að hlýnunin sé að mestu leiti af okkar völdum  sl. hálfa öld og þar af auki tengir Alþjóðanefndin í fyrsta sinn við breytingar sem við sjáum nú þegar við á yfirborði heimshafanna, við bráðnun íss um allan heim og öfgakenndara veðurfar ýmiskonar. Og það er eignað með all öruggri vissu loftslagsbreytingum af völdum mannsins.

[Jón Þórhallsson, 27.3.2020 kl. 10:40]

Mér sýnist að 78% af öllum sjónvarspsdagskrám og þar með talið rúv-sjónvarp

séu smituð af Illumanati/ Cabal-ómenningunni sem að sérhæfir sig í að framleiða

allskyns rugl, caos og ógeð af öllu tagi;

sem að leiðir síðan til HUGAR-MENGUNAR, sem að leiðir síðan til allskyns andlegra kvilla, sem að leiða síðan til allskyns líkamlegra kvilla.

Þetta myndband útskýrir margt:  

https://vimeo.com/399779539?fbclid=IwAR0CcvXBFhhGNzYKk7sBqXB6TeE_swyu10LIRSiNFRciNiUSjZwTtO4iAV8

[Theódór Norðkvist, 27.3.2020 kl. 14:03]

Það má nú færa rök fyrir því að þessi pest sé manngerður andskoti.

Verandi með leðurblökur, hunda, rottur, beltisdýr og snáka - allt þekktir smitberar alls konar veiruviðbjóða - staflað upp í búrum hvert fyrir ofan annað,látandi þau skíta hvert á annað, á opnum útimörkuðum, slátrandi þeim síðan á staðnum og réttandi viðskiptavinum beint yfir borðið, án nokkurs hreinlætis eða öryggisviðbúnaðar.

Síðan fer fólkið með þetta heim og eldar þetta (ætli hreinlætið sé mikið betra þar)? Sumir af þessum neytendum enda síðan sem farandverkamenn í Ítalíu, kannski sumir þeirra á Íslandi, eða á viðskiptafundum í öðrum Evrópulöndum, til að semja um að flytja evrópskan iðnað (outsourcing) til ódýra vinnuaflsins í Kína/Wuhan.

Hvað er allt þetta framangreinda annað en örugg og hönnuð leið til að koma af stað heimsfaraldri?

Ef leiðtogar heimsins koma ekki saman og banna neyslu og vinnslu á leðurblökum, rottum, hundum og snákum um allan heiminn, þá er það einbeittur brotavilji. Ef Kínverjar segja að þeir geti ekki brauðfætt sína 1,5 milljarða nema með þessum viðbjóði, þá skipa þeim að selja þær eignir sem þeir hafa keypt upp í Afríku, fyrir gróðann af þeim iðnaði sem við outsourcuðum til þeirra og ódýra vinnuaflsins þeirra.

[Helga Kristjánsdóttir, 27.3.2020 kl. 16:23]

Sæll Theodór! Sagt er að rottur hefðu flutt hingað "Spænsku"veikina ógurlegu.
datt inn í viðtal innhringjanda á Sögu í nótt.Sá hefur starfað sem meindýraeyðir í mörg ár,út um allar jarðir.En eins og svo oft eru stjórnvöld að fetta fingur og banna honum að nota efni, sem steindrepur kvikindin án nokkurra kvala,en það sem hann má nota er langt frá því. Að spurður segist hann geta útrýmt þeim algerlega.þau hafast við í holræsum og hafa stundum valdið usla og óg(l)eði.