Jæja, Gulli, kalt stríð við Bandaríkin

Gulli utanríkis tapar dómgreindinni í veirufárinu og lýsir yfir köldu stríði við Bandaríkin. ,,Þegar komið er á ferðabann eru ekki leng­ur for­send­ur fyr­ir svona æf­ingu. Það sér það nú hver maður," segir borgfirski strákurinn með þjósti í Mogga fyrir hönd íslensku þjóðarinnar.

Æfingin sem um ræðir er ekki dansæfing dáta og kokteilliðsins í ráðuneytinu heldur heræfing samkvæmt varnarsamningi Íslands og Bandaríkjanna.

Ástæða reiðikasts ráðherra er að Ísland var ekki tekið út af lista Evrópuríkja sem bandarískt ferðabann tekur til. En við erum einmitt á þeim lista vegna reginmistaka forvera Gulla að gera Ísland að landamærahéraði ESB, - með Schengen samstarfinu.

Kalt stríð við Bandaríkin þjónar ekki íslenskum hagsmunum. Öðru nær. Óvinátta við voldugan nágranna í vestri gerir okkur enn háðari ríkjabandalaginu í austri, Evrópusambandinu. Og vorum við fyrir undir frönsk-þýskum járnhæl er krefst æ frekari íhlutunar í íslensk málefni, nú síðast í raforkumálum.

Ráðslag þess borgfirska í samskiptum við Bandaríkin gerir hann að, afsakið þýskuna, Dummkopf. Til að friðþæga goðin í Washington þarf fórn og hana ekki veigalitla. Vestur þarf að senda á fati pólitískt höfuð Gulla utanríkis. Bjarni, finndu arftaka í snatri. Á morgun gæti það orðið of seint.

 

Guðlaugur setur heræfingu á ís

Athugasemdir

[Benedikt Halldórsson, 13.3.2020 kl. 08:53]

Það er lítið lýðræði í Evrópu. Það er samið um menn og málefni á bakvið tjöldin. Ógagnsæið og blekkingarnar öskra á kjósendur sem sjá að það er eitthvað mikið að en geta ekki fest hönd á það nákvæmlegar. Þótt fjöll af peningum fari í að stýra fólki inn á "réttar" brautir, þykist engin þekkja nammikallinn, hvað þá að hafa þegið svo mikið sem einn konfektmola.

Reiðiviðbrögð ríkisstjórnarinnar og Gulla utanríkis, þjóna alls ekki hagsmunum okkar, svo mikið er víst. Voru líkamleg ógeðisviðbrögð ríkisstjórnarinnar "samhæfð" viðbrögð ósjálfstæðra pólitíkusa í hlekkjum sem "hata" Trump til að þóknast nammikónginum í Evrópu? En hann hatar Trump eins og pestina og hefur sett sér það markmið að koma honum frá? Engin kaus nammikónginn. 

Það er of margir dómarar við mannréttindadómstól MDE sem eru vanhæfir sökum tengsla sem þeir sögðu ekki frá, við samtök sem vilja leggja niður landamæri og þjóðríki og hafa skoðanir á öllu sem er kjósanda ákveða í kosningum og að sjálfssögðu þarf heiðarlega dómara til að dæma á réttlátan hátt.

Rannsókn European Center for Law and Justice er ekki samsæri og ímyndun. 

 

ECHR: CONFLICTS OF INTEREST BETWEEN JUDGES AND NGOS

After a 6 month investigation, we are releasing an important REPORT (appendices available here) outlining the extent of the relationship between NGOs and ECHR judges, and the resulting problems and conflicts of interest.

The study has found that, out of the 100 judges who have served on the bench of the European Court of Human Rights in the period 2009-2019, nearly a quarter (22) have strong links to George Soros’ Open Society Foundation or to NGOs like Amnesty International and others which are funded by it. Human Rights Watch, for instance, has received $100 million from the Open Society Foundation since 2010.

These NGOs are extremely active at the ECHR....For instance, a case can be defended by lawyers from one NGO with pleas heard from other NGOs as third parties, even though the other organizations are in fact financed by the same source as the applicant, usually Soros.

 

Report shows former employees of leftist Soros now judging old employer in court cases

Credibility of European Court of Human Rights Lies in Ruins After Judges’ Links to Soros Revealed

[Benedikt Halldórsson, 13.3.2020 kl. 09:20]

Ef allt væri með felldu væri Sigríður Andersen ráðherra og Geir Haarde hefði notið réttlætis. 

[Ragnhildur Kolka, 13.3.2020 kl. 10:16]

Það er sameiginlegt álit pólitísku elítunnar á Íslandi að Trump sé boðflenna í einkaklúbbnum. Það var ekki bara framkoma Katrínar gagnvart varaforsetanum.

Við sáum það í fyrra þegar flaðrað var upp um John Kerry á meðan Rick Perry var hunsaður. Perry var jú fulltrúi löglega kjörinnar stjórnar sem sleikti ekki skósóla loftslagselítunnar. Hvort BB taki við áskorun þinni er vafamál, því hann situr nú í stjórn Asíubankans sem Kína stofnsetti til höfuðs efnahagsveldi Bandaríkjanna.

Segir það ekki töluvert um afstöðu BB til Trump stjórnarinnar?

[Benedikt Halldórsson, 13.3.2020 kl. 11:05]

“Something is rotten in the state of …“

Þegar vinur sem heitir ekki Trump, gerir eitthvað sem við telja rangt, skellum við ekki hurðum og hættum í hjónaklúbbnum. Nei, við tölum saman, fáum hans sjónarmið, segjum okkar skoðun og reynum að finna lausn. En hver sem niðurstaðan verður hefur það engin áhrif á skemmtikvöld hjónaklúbbsins.

[Örn Einar Hansen, 13.3.2020 kl. 16:42]

Að Íslenskur almenningur hafi valsað frá að vera sjálfstæðisfólk, til að fylkjast í hóp fasista, kommúnista og fasista ... má telja til þjóðarglæp.

Að Trumpurinn sé hálfgerður trúður, er aftur á móti staðreynd. Hann hefur ekki yfir sér yfirlit "herravalds", sem menn vænta sér. Hann er frjálslyndari, en frjálslyndir, því hann segir það sem hann vill.

[rhansen, 13.3.2020 kl. 23:27]

Dásamleg comment  og pistill þinn Páll   svo ssmmála öllu   kærar þakkir !  ....