Viljinn tekur RÚV í nefið

Jóhannes Stefánsson uppljóstrari sagði RÚV eina sögu um mútugjöf í Namibíu en útskýrði sömu mútugreiðslu á annan hátt í viðtali við Al Jazeera, að því er kemur fram í Viljanum.

Þá kemur einnig fram að Jóhannes hafi kokkað upp langtímaleigusamninga eftir að lögfræðingur Samherja krafði hann um skýringar á fjárútlátum. Einleiknum í Namibíu pakkaði uppljóstrarinn saman í ótrúverðuga frásögn sem RÚV keypti hráa.

Viljinn er lítill netmiðill sem tekur RÚV í nefið. Milljarðarnir sem renna frá ríkinu í Efstaleiti eru ekki notaðar til að segja fréttir heldur búa þær til.

Dregur mútugreiðslur í efa

Athugasemdir

[Jón Þórhallsson, 16.12.2019 kl. 07:29]

Rúv mætti síðan nýtaa tímann betur til að

blása til sóknar með öllu SKÁTASTARFI í landinu

heldur en að gera þjóðina stöðugt að fífli í gegnum gamla spaugstoffuþætti.

[Ragnhildur Kolka, 16.12.2019 kl. 11:43]

Maður er farinn að læra að anda gegnum nefið þegar RÚV og Helgi Seljan sprengja stinkbombur sínar. Panamaskjölin voru kynnt sem sjónvarpsséría og húsleitin hjá Samherja fletti að endingu ofan af samsæri RÚV og Seðlabankans. Þegar sagan er aðeins sögð frá einni hlið má auðveldlega æsa trúgjarna, en þegar rykið sest og vörnum er komið við birtist gjarnan önnur mynd.

Viljinn stendur sig vel á vaktinni.

[Helga Kristjánsdóttir, 16.12.2019 kl. 15:02]

"Viljinn" eitt af því besta sem dafnar til gagns á Íslandi.